YESAYA 34:11 - WUKE SUSI WATTI'U AL᷊AL᷊USASSA

¹¹ Manu'a tamingnga wuṛṛu landak sarun mamanua isudde, mammeo wuṛṛu gagak sarun matana'a poiaroddi. Mawu sarun ma'ola'a leta'a udde al᷊iba'ukka wuṛṛu tawe loṛṛone ere taambe niriaddi paarorone.

YESAYA 34:11 Referans Kwoze

LAL᷊ALLU 2:8

Mawu buatte nakkawessa manungku manga darandungngu Sion ṛinone iṛṛa'a. Manga darandungnga udde buatte niuuṛṛan-Ne, tadea'u sarangkanambone wotongnge iṛṛa'a-Ne. Manga darandungnga wuṛṛu manga candi, orassa indi nabbal᷊ite tuidda abbi.

2 MARARATU 21:13

Yerusalem sarun Ta'u iṛṛuumanna ere lai Ya'u nakkuumannu Samaria wuṛṛu i Ahab ratun Israel see lai papapulunne. Yerusalem sarun Ta'u waresianna ere lama'a apan buatte niukkassa wuṛṛu nilaabba.

ZEFANYA 2:14

Isudde ammul᷊annu winatangnga wuṛṛu al᷊awo'u hatin binatangnga papadul᷊iananna sarun massal᷊akka su manga tuidda udde wuṛṛu mangintul᷊i wuassu manga jandela. Manu'a gagak sarun umu'u wuassu saruannu manga ngara. Alu cemara su manga wal᷊en soa udde sarun masue sassawutanna.

SONDAPPA 18:2

Ringannu tingikka apan ma'ikkatta, i tou inumui, “Nanawote! Babel wahewalla nanawote! Orassa indi i tou nabbal᷊ite tampa manga setanna wuṛṛu manga ghaṛṛaho lal᷊eo. Sulal᷊umme mabbiakka al᷊awo'u hati manu'a apan lal᷊eo wuṛṛu ia'arantinu taumata.

YESAYA 14:23

Babel sarun Ta'u olaanna wiso apan atatanaannu manu'a mammeo. Babel sarun Ta'u waresianna. I Ya'u, Mawu Apan Lembontaṛṛino, buatte nabbisara.”

2 SAMUEL 8:2

I Daud lai namaddon taumatan Moab. I tou nandolokki mangitou iapal᷊allowanga su leta'a, ana see i tou namate ruan katou suwallattu suapan siri tallu su atoune. Nariaddi, taumatan Moab nassuṛṛubbawa si Daud wuṛṛu mammaekka wose si tou.

YESAYA 24:10

Ahewallu soa uasongkakka, anambon ngaran bal᷊e ua'unsi ana waugu tatahuanne matta'utta.

DARALO 102:6

I ya'u ma'uare ringannu ma'ikkatta; wadangku nallambe ete pisi uapi'unna duṛṛi.

YESAYA 34:17

Ete Mawu apan nattahia wanua udde suwallatti mangitou wuṛṛu sambau-sambau nanengkamma tahiane. I mangitou sarun matana'a isudde sarangkal᷊o'enge, wuṛṛu leta'a udde sarun maola'a pussa'a mangitou marṛana'a mappulunna.

AMOS 7:8

I Tou naiwal᷊o si ya'u, “I'o ma'ellega apa, Amos?” I ya'u sinumimbakka, “Tal᷊i auukka uarisikka matul᷊idda, Mawu.” Wua'udde Mawu nabbisara, “I Ya'u mappaattu tal᷊i auukka indi tadea'u ipamasingkatta manungku uma-U ere darandungnga apan wengkolla. I Ya'u tate mamal᷊u ṛiing-Ku apia. I Ya'u sarun makkuumanni mangitou.