YESAYA 33:9 - WUKE SUSI WATTI'U AL᷊AL᷊USASSA

⁹ Wanua tinantangnga naola'a mal᷊annabba. Manga mahurangngu Libanon maṛṛissitta, wuṛṛu wawal᷊annu Saron apan masuwukka nabbal᷊i wadda'u anne. Su Basan wuṛṛu su Wowon Karmel manga rongnga mattontongnga.

YESAYA 33:9 Referans Kwoze

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

NAHUM 1:4

I Tou namansagu tahal᷊oangnga wuṛṛu naapamarane, al᷊awo'u sal᷊ukka niapaatti ua'ene. Wowon Karmel wuṛṛu manga wadda'a su Basan nabbal᷊i lol᷊okka wuṛṛu su Libanon tinumolangke al᷊awo'u wantin bunga.

YESAYA 65:10

Uma-U sarun massubba si Ya'u; domba wuṛṛu sapi mangitou sarun manioma su Leta'u Saron wuṛṛu su Wawal᷊annu Akhor.

MIKHA 7:14

Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.

YEREMIA 50:19

I Ya'u sarun mamelengngu taumatan Israel su wanuan mangitou. I mangitou sarun umanna wuassu hessin leta'u Wowon Karmel wuṛṛu leta'u Basan. I mangitou sarun mal᷊aiddu hessin leta'u Efraim wuṛṛu Gilead.

YESAYA 37:24

I'o nandolokku daroloṛṛanna iapatal᷊imoṛṛonganna manungku ringannu manambo keretan pangalonu, i'o buatte namaddon manga wowone matanggakka su Libanon. I'o mammunga manungku i'o buatte nanuwangnga manga punnu cemara apan atanggaṛṛanne wuṛṛu maṛṛamaga, lapiddu sinumuṛṛi su manga mahurangnge apan aappal᷊anne.

YESAYA 24:1

Mawu sarun mapaawinasan dunia, ma'oman sara mal᷊ol᷊okka wuṛṛu mal᷊annabba. I Tou sarun mangal᷊isangu wowon dunia wuṛṛu manal᷊iawukku tumanangnge.

YESAYA 14:8

Punnu alu eru wuṛṛu punnu alu cemaran Libanon lulluassa ana waugu ratu apan maṛṛagissa udde nanawote, wuṛṛu nangingkatte, taweddu nandolokka nanuwangnga si mangitou!

YESAYA 3:26

Su manga pasallangannu soa taumata sarun lumal᷊o wuṛṛu lumuai, wuṛṛu soa udde sassane sarun maola'a ere wawine apan nitantol᷊ete wuṛṛu ua'ianna su leta'a.

YESAYA 2:13

Manga alun cemara apan mal᷊angkassa su Libanon wuṛṛu anambon aaluanna masallakka su Basan sarun pateanna.

ANTARI MAWANTUGA 2:1

I ya'u tumba'u bunga rosi wuassu Saron bunga hal᷊ohomma su manga wawal᷊anne.

TAHIUL᷊E 3:4

Su tempo udde i ite naapangaṛṛo anambon soane, tawe saran ambau apan natantangnga. Sarangkanambone annumu pul᷊o soa apan niaaṛṛo su ahewallu wageangngu leta'u Argob, apan paparentanni Ratu Og wuassu Basan.

WATTI'U MANGA RASUL 9:35

Anambon tumana'u Lida wuṛṛu Saron naasilo si Eneas, see i mangitou sarangkanambone nangngimante Mawu Yesus.

YESAYA 10:34

Mawu sarun mapaaṛṛa'a mangitou naal᷊ihidda punnu alu su tangnga mahurangnge tuwangannu wal᷊iungnga. Salaiwe i mangitou matohassa naal᷊ihidda alu apan atohasanne su Libanon, i mangitou sarun maṛṛa'a lai!

YESAYA 29:2

Arawe Ruata sarun mandanta asasilaka su soa udde, na'oman sara taumata sussal᷊iomanna wuṛṛu ma'uare. Ahewallu soa naal᷊ihidda mezbah apan nappeta'u daṛṛa.

HOSEA 4:3

Ana waugu udde wanua indi sarun maola'a maṛṛasa, wuṛṛu al᷊awo'a apan mabbiakka isudde sarun mate. Al᷊awo'u hatin binatangnga su winalanganna, su ammaranne wuṛṛu su tahal᷊oangnga sarun mate.”

AYUB 15:33

I tou naal᷊ihidda punnu anggore apan natontongnga wuane, naal᷊ihidda punnu zaitun apan naṛṛondossa wungane.

AMOS 1:2

Eteindi apan niapasingkatti Amos, “Mawu mangngintul᷊i wuassu Wuiddu Sion, tingik-Ke maddallu'a wuassu Yerusalem. Manga wadda'u nannal᷊o nabbal᷊i lol᷊okka, nannal᷊o su Wowon Karmel naṛṛangu naṛṛagassa.”