YESAYA 33:6 - WUKE SUSI WATTI'U AL᷊AL᷊USASSA

⁶ wuṛṛu mangonggollu atatammudda su uman-Ne. Darotongnga apan naapanal᷊amatta si mangitou uddewe apapande wuṛṛu asingkatta see lai addatta su Mawu.

YESAYA 33:6 Referans Kwoze

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

AMSAL 19:23

Pangaddate Mawu, ne wiakku sarun su lal᷊umanna'a; i'o sarun mawusa wuṛṛu mal᷊iu wuassu silaka.

1 TIMOTIUS 6:6

Atonna agama mangngonggolu auntunganna apan wahewalla, amungkangu taumata mal᷊uassa ringannu sarannapa apan tatahuananne.

MANNANASE 7:19

Asingkatta maaola'a tatahuanne lembon matohassa wuassu mapul᷊o tembonanne su sambau soa.

AMSAL 14:27

Mangngimanna su Mawu uddewe punnu al᷊al᷊uassa; wuṛṛu lal᷊anna ipallinda'u papate.

DARALO 28:8

Mawu nangonggolu atatohassa su al᷊aṛanang-Nge, I Tou nanamba'a wuṛṛu nanal᷊amatta ratu nipile-Ne.

YESAYA 51:6

Pa'ellege langitta wuṛṛu panailete runia; langitta sarun mawul᷊i ere timbulla wuṛṛu runia sarun matabbe ere laṛṛeme, anambon tumanangnge sarun mate ere namu'a. Arawe asasal᷊amatta apan Ta'u nionggolla sidutu sarangkal᷊o'enge, wuṛṛu auntungang-Ku tawe panguddusanne.

MANNANASE 7:12

ere lai roitta aonggollu atatammudda. Nangillembo apande su ola'u asingkatta! Isai uatahuanna sarun masel᷊amatta.

AMSAL 28:2

Amungkangngu walahanna marosa, piaṛṛangnge ual᷊al᷊ol᷊ossa; amungkangngu piaṛṛangnge pande, walahanna sarun matatana'a wuṛṛu sidutu su lal᷊umanna'a.

AMSAL 15:16

Mapianne darotongnga matul᷊u arawe tatantalongannu atata'utta su Mawu, sul᷊ungnge'e manambo darotongnga arawe tatantalongannu asasinggawanga.

DARALO 140:7

Oh Mawu, i ya'u mabbisara: Ete I'o Ruata'u, daringiṛṛewe aal᷊iomannu sasal᷊ande'u.

DARALO 45:4

Peta'e hal᷊elenu su lawassa, ei ratu apan matohassa, i'o tumaniten mawantuga wuṛṛu nilumiatta'a!

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

AMSAL 29:4

Amungkangngu tembonanne uaagassa atatul᷊idda, wanuane sarun matohassa. Arawe amungkangngu i tou wal᷊iun doitta, wanuane sarun manawo.

2 MARARATU 18:7

Ana waugu udde Mawu sidutu mantul᷊ungngi tou na'oman sara i tou pia gessine su al᷊awo'u inasaharanne. I tou namangalo ratun Asyur, wuṛṛu maddiri massubba si tou.

AMSAL 14:26

Taumata apan mangngimanna Mawu mabbal᷊i mal᷊angnganna, wuṛṛu amonanne uatahuanna mandariagane.

YESAYA 11:9

Su Sion, Wuiddu Ruata Na'ukkassa, tawe al᷊al᷊eo apan manggohakka. Wanua sarun mapenen asingkatta su ola'u Ruata, naal᷊ihidda ua'e namene tahal᷊oangnga.

YESAYA 26:1

Sutempo udde taumata sarun mangngantari antari indi su leta'u Yehuda: “Atohassawe etapa soan kite; Ruata sassane namangunna tanda batu-Ne, isindi i ite masal᷊amatta.

YESAYA 33:20

Pa'ellege soan Sion, tampan kite mallaghu manga andeangngu agama. Pa'ellege Yerusalem! Al᷊angngannawe eteapa tampa udde atanaanna, naal᷊ihidda rasanna apan tawe saran paassa niingkatta, pati'anna tawe saran paassa nisawutta wuṛṛu tal᷊ine tawe saran paassa nabbassutta.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

YESAYA 51:14

Manga atawanna sarun mal᷊ihakke ipallossa; i mangitou sarun tawe asueannu anna, wuṛṛu sarun tawe mate wuṛṛu ilabbinga.

AYUB 4:6

Wal᷊inewe i'o satia su Ruata; wal᷊inewe wiakku tawe sangkulle? Amungkangngu aroddi, udde naṛṛinote i'o mangngimanna wuṛṛu tawe awul᷊iannu antimma.

AMSAL 2:5

Ringannu aroddi i'o sarun maasingkatta apa atappasanne matta'uttu Mawu wuṛṛu i'o sarun maasomba asingkatta su ola'u Ruata.

AMSAL 14:24

Taumata pande raddaloanna ana waugu apapandene, taumata woddo tinumelengnga ana waugu awawoddone.

YESAYA 32:17

Suapan taumata sarun ma'ola'a ringannu naṛṛino, na'oman sara pia atatahul᷊andimma wuṛṛu langnganna saran mal᷊annu-l᷊annu.

YESAYA 32:18

Umattu Ruata sarun mapallossa wuassu asasusa wuṛṛu mabbiakka su tampa mal᷊annabba wuṛṛu mal᷊angnganna.

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.