YESAYA 33:4 - WUKE SUSI WATTI'U AL᷊AL᷊USASSA

⁴ Naal᷊ihidda ammul᷊annu taṛṛangassa taumata mammangalo wuṛṛu makkampassa darotongngi mangitou.

YESAYA 33:4 Referans Kwoze

YOEL 2:25

I Ya'u sarun mallana'a al᷊awo'u ararugiannu su manga tonna sutempo saṛṛappalanna niumanna hessin pangitingannu. Ana waugu ete i Ya'u apan nandolokku ammul᷊annu saṛṛappalanna udde si'o.

YOEL 2:9

I mangitou namangalo sulal᷊ummu soa, wuṛṛu tuttal᷊angnga su wowon darandungnge. I mangitou niumawitta sulal᷊ummu manga wal᷊en; naal᷊ihidda taṛṛa ta'o, i mangitou sinumolo'a su jandela.

2 TAWARIKH 20:25

Ne i Yosafat suadio'a ringannu tantarane inaite nangaṛṛo manga saranapan seetta. I mangitou naasangkalla manambo winatangnga papadul᷊iananna, saranapa ipappaatta, laubba wuṛṛu manga saranapa apan maarega waine. Napawe buatte nangammulu manga saranapa udde tallu allo al᷊annune, ta'e manambo lai manga saranapa waine, na'oman sara tinantangke aroddi.

2 TAWARIKH 14:13

Asa wuṛṛu tantarane nangenggenna si mangitou araune naddatingngu Gerar. Su samba'a tantaran Sudan manambo atonna nate na'oman sara tantaran mangitou nallomete ana waugu niawaddon Mawu wuṛṛu tantaran Yehuda nangaṛṛo lai manambo manga darotongngi mangitou. Wua'udde tantaran Yehuda naṛṛimunsa'e manga soa apan uaal᷊indongannu Gerar, ana waugu Mawu na'ola'a tumanangnge nabbal᷊i matta'utta. Tantaran Yehuda nangaṛṛo anambon soa udde wuṛṛu naasomba manambo atonna saranapa.

YESAYA 33:3

Napawe I'o dumarisikka wuṛṛu mapasabbangngu tingin-Nu apan maddallu'a, manga walahanna sarun tumal᷊angnga wuṛṛu massal᷊iawukka.

YESAYA 33:5

Mawu tumanite mawantuga; i Tou uataṛṛino al᷊awo'a. I Tou sarun manduittu tita wuṛṛu atatul᷊idda su Yerusalem

YEHEZKIEL 25:7

Ana waugu udde i yamiu sarun Ta'u itantilla su manambo walahanna apan sarun mangaṛṛo wuṛṛu maṛṛampassa anambon darotongngu. I yamiu sarun Ta'u pateanna aroddi olangnge, ma'oman sara tate maola'a sambau walahanna wuṛṛu tate lai uatahuanna wanua sassane. Ne i yamiu masingkatte manunku ete i Ya'u Mawu.”

YOEL 1:4

Ammul᷊annu saṛṛappalanna apan tawe iareengnga anambone, na'oman sara su manga wawail᷊anna sarun nanaṛṛangassa wuane. Apate apan nilamben ammul᷊annu saṛṛappalanna indi, niinsuen ammul᷊annu saṛṛappalanna waine lai.

YOEL 2:3

Naal᷊ihidda putungnga apan mannoṛṛobba wuṛṛu maatutungnga i mangitou nangepoddu al᷊awo'u sasuanna. Dorone, wanua udde naal᷊ihidda Eden, waillu Mawu, wua'udde, naal᷊ihidda wadda'u anne apan maṛṛasa. Tawe saran sambau apan nallambe, taweddu naatal᷊angnga wuassu aenggenni mangitou.