YESAYA 33:16 - WUKE SUSI WATTI'U AL᷊AL᷊USASSA

¹⁶ Ne i yamiu sarun lal᷊u'aranna wuṛṛu amanna, ereola'u sulal᷊ummu tanda batu apan matohassa. Anna wuṛṛu ua'e uddete nasaddiate si yamiu.

YESAYA 33:16 Referans Kwoze

YESAYA 32:18

Umattu Ruata sarun mapallossa wuassu asasusa wuṛṛu mabbiakka su tampa mal᷊annabba wuṛṛu mal᷊angnganna.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

AMSAL 1:33

Arawe taumata apan maddaringikka si ya'u sarun papadul᷊iananna. I tou mabbiakka ringannu mal᷊angnganna wuṛṛu tawe atata'utta.”

HABAKUK 3:19

I'o nangonggollu atatohassa si ya'u ere leddan rusa, ledda'u nitohan-Nu. I'o mangngehetta si ya'u tadea'u matammudda sutempo umamatta su panenteanna.

YESAYA 25:4

Ana waugu I'o nabbal᷊i tatal᷊angannu taumata lome, tampa apan mal᷊annabba su taumata asiangnga sulal᷊ummu asasusa. Ete I'o pattilindumanna su anginna al᷊isusu, pattillummanna su paddissa masal᷊ihangnga. Ana waugu taumata maṛṛagissa namangalo naal᷊ihidda anginna al᷊isusu sutempo mangnguranna

AMSAL 18:10

Mawu udde naal᷊ihidda menara apan matohassa; ete poiaroddi taumata matul᷊idda inai wuṛṛu maasomba tampa apan mal᷊angnganna.

DARALO 111:5

I Tou nangonggolu pabbawiakka su taumata ma'imanna, wuṛṛu sidutu uananungnga paaire-Ne.

DARALO 107:41

Arawe taumata asiangnga nilliu-Ne wuassu asasusan mangitou, amonanni mangitou aatambanna ere ammul᷊annu domba.

DARALO 90:1

Aal᷊iomanni Musa, allangngu Ruata. Oh Mawu, ete I'o tampa pattillumanni yami sara maṛṛawa mappulunna.

DARALO 37:3

Pangimante Mawu, wuṛṛu pa'ola'e apapia, pamanuate su wanua udde wuṛṛu paatul᷊idda mabbiakka.

DARALO 33:18

Mawu ual᷊u'adda manga taumata apan mangngimanna apan uaantimma darangngu-Ne.

DARALO 18:33

Ete i Tou Ruata apan nanohassa si ya'u wuṛṛu na'ola'a lal᷊angku mal᷊angnganna.

DARALO 91:14

Unnu Mawu, “Taumata apan mandangngu si Ya'u sarun Ta'u iapasal᷊amatta, apan nanga'u si Ya'u sarun Ta'u lu'aranna.

DARALO 34:10

Pangaddate Mawu, ei i yamiu al᷊aṛṛanang-Nge, ana waugu taumata apan mangngimanna sarun tawe atalanne.

DARALO 15:1

Daralon Daud. Mawu, isai wotongnge mangintal᷊a su Rasan-Nu wuṛṛu matana'a su wuiddu Mawu apan susi.

MATIUS 6:11

Onggol᷊a'awe si yami su allo indi pabbawiakka apan ipaapulung kami.

AMSAL 10:9

Taumata matul᷊idda, mabbiakka mal᷊angnganna; taumata apan mallinga sarun asingkatanna.

YESAYA 58:14

Ne i yamiu sarun lumuassa ana waugu tuttuṛṛutta si Ya'u. Ya'u sarun ma'ola'a si yamiu aaddatanna su ahewallu runia. I yamiu sarun mabbiakka mal᷊uassa ringannu hessin leta'a puassa'an Yakub, iupungngu al᷊amonanu, i Ya'u, Mawu buatte nabbisara.”

YEREMIA 37:21

Ne i Ratu Zedekia namarenta tadea'u i ya'u iṛṛuumanna su rallakku wal᷊en araratuanna. Nariaddi i ya'u uatana'a isudde, wuṛṛu allo-allo a'onggol᷊annu roti wuassu tampa pa'olaanna roti na'oman sara saddian roti su soa udde nasue abbi.

YOEL 3:16

Mawu u'ui wuassu Sion, wowonen Tou; wuasu Yerusalem nirumallu'a tingik-Ke. Langitta wuṛṛu runia niumio'a ana waugu i Tou. Arawe Mawu sidutu sarun mannamba'a wuṛṛu manirungnga Israel, uman-Ne.

TAHIUL᷊E 33:29

Lal᷊uassa si'o ei Israel! Tawe walahanna ere i'o niapasal᷊amattu Mawu. Mawu naal᷊ihidda hal᷊ele wuṛṛu allungnga si yamiu; ipanamba'a wuṛṛu ipangonggolu auntunganna si yamiu. Manga seennu sarun dumanta madorongnga aakkanna, wuṛṛu i'o sarun maṛṛinda si mangitou.”

1 MARARATU 19:6

I Elia na'ellega su pal᷊iwunne, ana see niasiloanna maranin puane sampoto roti wua nitambunna wuṛṛu wensadda lal᷊oṛṛoannu ua'e. Ne i tou inumante wuṛṛu na'inumma, see nilumallowangnga apia.

DARALO 62:7

Tumba'u i Tou ual᷊u'adda wuṛṛu nanal᷊amatta si ya'u; i Tou mananahe'u, i ya'u tawe umio'a.

YESAYA 30:20

Mawu nangonggollu tempon bawono'a apan mawakkatta si yamiu tadea'u ipangaṛṛa'a si yamiu. Arawe orassa indi i Tou sassane uarundinganna si yamiu na'oman sara i yamiu naapendamma daranta-Ne.