YESAYA 33:15 - WUKE SUSI WATTI'U AL᷊AL᷊USASSA

¹⁵ I yamiu wotongnge maataṛṛangnga amungkangngu i yamiu mabbisara wuṛṛu inolaannu naṛṛino. Arie paddea'a auntunganna ringannu mannansara taumata asiangnga, wuṛṛu arie panengkamma roitta sasogokka. Arie pallaṛṛenggenna taumata apan manggol᷊agu pamamate wuṛṛu al᷊al᷊eo waine.

YESAYA 33:15 Referans Kwoze

DARALO 119:37

Riagaiwe i ya'u tadea'u tawe mangenggenna pawangnge, onggol᷊ewe i ya'u wiakka tumuṛuttu apulu-Nu.

1 YOHANES 3:7

Manga al᷊aṛṛana'u, arie mamalan taumata mamono'a si yamiu. Taumata apan tuttuṛṛutta apulun Duata, uddewe ana'u Ruata ere lai Kristus Ana'u Ruata.

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

MALEAKHI 2:6

I mangitou mangnggaṛṛa'a ringannu naṛṛino wuṛṛu wal᷊ine apan nassal᷊a. I mangitou marani-U, wuṛṛu ringannu atatul᷊idda tuttaṛṛutta apulu-U. I mangitou lai mantul᷊ungngu manambo taumata tadea'u tate lai ma'ola'a al᷊al᷊eo.

DARALO 106:3

Lal᷊umanna'a su taumata apan tuttuṛṛutta manga parenta-Ne, wuṛṛu tawe sal᷊ane sulal᷊ummu inolaanne.

TAHIUL᷊E 16:19

Sulal᷊ummu makkawessu hatto, i mangitou tawe wotongnge walate apulu mapaasal᷊a ara'e mangempen samba'a. I mangitou lai tawe wotongnge manengkamma roitta, ana waugu roitta udde maawuta taumata, ewe'e lai su taumata pande wuṛṛu matul᷊idda, na'oman sara i mangitou makkawessu hatto tawe su atatul᷊idda.

MATIUS 26:15

I tou nabbisara si mangitou, “Apa sarun ionggolli yamiu si ya'u, amungkangngu i ya'u manantillu Mawu Yesus si yamiu?” Ne i mangitou nandeengngu tallum pul᷊o roitta sal᷊a'a, see nionggole roitta udde si tou.

1 SAMUEL 12:3

Orassa indi, ya'u uarisikka su saruanni yamiu! Amungkangu ya'u buatte na'ola'a al᷊al᷊eo, ansilete ya'u su saruannu Mawu wuṛṛu su saruannu ratu apan nipile-Ne. Apa ya'u buatte nanna'o sapi ara'e keledain taumata waine? Apa ya'u buatte nallinga ara'e mannansara ara'e mannengkamma roitta aonggolla? Wal᷊oa'e, tadea'u sarangkanambone apan ta'u nianu wotongnge iapawelengku.”

REENGANNA 16:15

I Musa mangke nasa'u wuṛṛu nabbisara su Mawu, “Mawu arie manengkamma aonggoli mangitou. Tawe saran paassa i ya'u namaddon sangkatou suwallati mangitou; ewe'e keledai sambau lai ya'u tawe nanganu wuassi mangitou.”

YESAYA 58:8

Ne asasemakka sarun sumabbangnga si yamiu ere matannallo, wuṛṛu manga lessanu mal᷊ihakke mapia. I Ya'u sarun makkundinganna si yamiu. Daranta-U sarun mallu'adda si yamiu wuassu al᷊awo'u pappi'uanne.

AMSAL 10:9

Taumata matul᷊idda, mabbiakka mal᷊angnganna; taumata apan mallinga sarun asingkatanna.

AMSAL 15:27

Isai apan maddea'a auntunganna tawe su lal᷊anne, mappasusa, putunganne sassane. Isai maddantinnu roitta aonggolla asogokka, sarun mabbiakka su lal᷊umanna'a.

YESAYA 58:6

Eteindi puasa apan ipa'apulu-U: Pallosa'e mantungngu pangangallanga wuṛṛu winabbawa mallinga, wuṛṛu pallosa'e manga taumata niallangnga.

YEHEZKIEL 22:13

Arawe orassa indi i Ya'u sarun mandissa manga mangangaṛṛo wuṛṛu mamamate si yamiu.

AYUB 31:7

Unnuwisara i ya'u buatte sinumewadda wuassu lal᷊anna apan naṛṛino, ara'e naungku ninumemman al᷊al᷊eo, napawe lima'u nappeta'u rosa,

DARALO 15:5

wuṛṛu napawallasu roitta ringannu tawe bungane; apan maddiri manengkamma roitta sasal᷊o'a tadea'u ipamaddon taumata apan tawe sal᷊ane. Taumata apan inolaanne aroddi, sidutu sarun mal᷊angnganna.

AMSAL 1:10

Amungkangu taumata marosa massal᷊ongngu, ana'u, arie maddaringikka sasal᷊o'i mangitou.

AMSAL 1:15

Arie pallaṛṛenggenna manga taumata ereudde, ana'u! Pangindauten mangitou.