YESAYA 32:6 - WUKE SUSI WATTI'U AL᷊AL᷊USASSA

⁶ Taumata woddo mappasabbangngu manga wisara apan woddo wuṛṛu manggol᷊agu al᷊al᷊eo. Sarangkanambone apan olaanna ara'e iwisarane maola'a aal᷊uandaga su saruannu Ruata. Tawe saran pa'assa i tou nangonggollu anna su taumata mal᷊unussa ara'e napa'inummu taumata marou.

YESAYA 32:6 Referans Kwoze

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

YESAYA 3:15

Anio i yamiu mangngallangnga uma-U wuṛṛu manganu saranapan taumata asiangnga? I Ya'u, Mawu Apan Atanggaṛṛanne wuṛṛu Lembontaṛṛino buatte nabbisara.”

1 SAMUEL 24:13

Antimanna ete Mawu apan makkawessa isai suwallatti addua apan nassal᷊a! Ete Mawu antimanna apan mabbal᷊issa inolanni Tuangnga su saruannu allangngu, arawe saran kadio'a allangngu tawe nanaddu'a naungngi Tuangnga.

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.

AMOS 8:6

Gandumma apan nal᷊eote wotongnge iwal᷊u'i ite apia ringannu aregga apan matanggakka. I ite maddea'a taumata asiangnga apan tate maawaekka awallanne, salaiwe awallassa udde tumba'u areggan sampare silope, wuṛṛu i ite mamalli si tou maola'a allangngi ite.”

YEREMIA 13:23

Wotongnge taumata maitumma mamal᷊u kaluren pisine, ara'e harimau mamul᷊in woṛṛentenge? Udde tawe mariaddi! Aroddi lai i yamiu apan ninumarampe ma'ola'a al᷊al᷊eo tawe mariaddi ma'ola'a apapia.

YESAYA 9:17

Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

AMSAL 19:3

Taumata mandugi watanganne sassane ana waugu awawoddone, wua'udde mapasal᷊an Mawu su olangnge udde.

DARALO 141:4

Paarauaawe i ya'u wuassu apulu ma'ola'a al᷊al᷊eo. Arie pabbala'a i ya'u maammulu taumata lal᷊eo wuṛṛu umanna suadio'a sulal᷊ummu andeangngi mangitou.

AMSAL 24:7

Taumata woddo tawe maasunna apande. I tou tawe maawisara sarangkadio'a amungkangngu taumata tantal᷊anna uahahatton manga hatto mahuna.

YESAYA 10:2

Ringannu olangnge udde i yamiu mannal᷊awa'u taumata asiangnga maasomba hakkane wuṛṛu atatul᷊idde, wuṛṛu nangaṛṛo darotongngu manga wawine wal᷊u asisitimpal᷊ussa.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

YESAYA 26:10

Salaiwe taumata lal᷊eo olaanna ringannu mapia, i tou tawe lai mangurumma apa apan ṛinone. Su araratuannu pallaṛṛuungnga lai i tou ma'ola'a pasasal᷊a, wuṛṛu maddiri tumantalongnga taṛṛino Mawu.

YESAYA 31:2

Mawu pande wuṛṛu masingkattu inolaan-Ne. I Tou mandatan asasilaka wuṛṛu mammansaga makkuumannu taumata lal᷊eo wuṛṛu manga taumata apan mantul᷊ungngi mangitou.

YESAYA 59:7

I ya'u tawe illol᷊one makkiinnu al᷊al᷊eo, wuṛṛu mangke mappulute mal᷊ihakka olaanna. Ringannu tawe go'ane i yamiu mammate taumata apan tawe sal᷊ane; suapan tampa i yamiu inai, i yamiu mannantangngu ahaho akka wuṛṛu awawinasa.

YESAYA 59:13

I yami buatte nassinaadda wuṛṛu nilumawangnga Mawu, wuṛṛu maddiri tumantalongnga Ruatang kami. I yami buatte nangallangnga taumata waine wuṛṛu sinumewadde; ṛingiranni yami niumal᷊iwu, wuṛṛu manga wisaran kami awusu.

DANIEL 12:10

Manambo taumata sarun iannamma wuṛṛu waresianna. I mangitou apan dal᷊eo sarun tawe maassunna wuṛṛu sidutu ma'ola'a al᷊al᷊eo; tumba'u i mangitou apan pande sarun maasunna.

YEHEZKIEL 34:18

Suwallatti yamiu piaddu tawe mawusa tumba'u mangnginsue nannal᷊o apan apianne, arawe mangke maṛṛinda nannal᷊o apan tawe annananni mangitou! I mangitou ma'inumma ua'e apan matilangnga ana see nallabukka ua'e apan tawe inumanni mangitou!