YESAYA 32:2 - WUKE SUSI WATTI'U AL᷊AL᷊USASSA

² I mangitou sangkatou-sangkatou naal᷊ihidda tampa pattillummanna wuassu anginna wuṛṛu tandi'a. I mangitou ere sal᷊ukku apan mangngelekka su wadda'u anne, ere lumman batu wahewalla su leta'a maṛṛasa.

YESAYA 32:2 Referans Kwoze

YESAYA 25:4

Ana waugu I'o nabbal᷊i tatal᷊angannu taumata lome, tampa apan mal᷊annabba su taumata asiangnga sulal᷊ummu asasusa. Ete I'o pattilindumanna su anginna al᷊isusu, pattillummanna su paddissa masal᷊ihangnga. Ana waugu taumata maṛṛagissa namangalo naal᷊ihidda anginna al᷊isusu sutempo mangnguranna

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

YESAYA 43:20

Winatangnga matengnga sarun mamantuga si Ya'u; serigala wuṛṛu manu'a unta sarun maddalo si Ya'u ana waugu i Ya'u napa'elekku ua'e su wadda'u anne, wuṛṛu manga sal᷊ukka su wadda'a mal᷊alangnga tadea'u mapa'inummu umatta nipile-U.

YESAYA 41:18

I Ya'u na'ola'a manga sal᷊ukka mangngelekka su manga wuidda apan lunggukka; matan kua'e sarun umal᷊iwombonga su pattangngannu ammaranne. Wadda'a mal᷊alangnga sarun Ta'u olaanna rano; ua'e sarun ṛumawiassa wuassu leta'a apan mamara.

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

DARALO 143:9

I ya'u nirumanta maddea'a pattillummanna Si'o, oh Mawu, pallosaawe i ya'u wuassu manga see'u.

SONDAPPA 22:1

Mala'ekatta udde namantingida si ya'u sal᷊ukka apan ua'ene mangngonggolu wiakka. Sal᷊ukka udde sussal᷊endapa naal᷊ihidda kristal wuṛṛu mangngelekka wuassu adderan araratuannu Ruata wuṛṛu Ana'u Domba udde,

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

YOHANES 7:37

Su allo panginsueannu ramea udde, eteudde allo apan apianne, Mawu Yesus dirumarisikka sulal᷊ummu Wal᷊e Mawu see nabbisara, “Taumata apan marou ṛinone rumanta ringang-Ku ma'inumma.

YESAYA 28:17

Atatul᷊idda Ta'u olaanna tal᷊i auukka, wuṛṛu apapia Ta'u olaanna tal᷊in passaranna.” Uranna watu sarun mamaresi anambon bawahia apan pangngartimanna ara'e ia'asakki yamiu. Manawangnga sarun mangonoddu tampa pa'imbuniannu.

DARALO 63:1

Daralon Daud, sutempo i tou uatana'a su wadda'u Yehuda.

DARALO 32:7

Ete I'o tampa pa'imbuniangku, I'o namallo'u wuassu asasusa. Ne i ya'u lullala'u al᷊al᷊uassa, ana waugu I'o buatte nanal᷊amatta si ya'u.

DARALO 91:1

Taumata apan uatillumma su Apan Atanggaṛṛanne, wuṛṛu uatana'a sulal᷊ummu lu'addu Apan Lembontaṛṛino,

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

YESAYA 16:3

I mangitou nabbisara su walahannu Yehuda, “Wal᷊oa'e apa apan ṛinone olaanni yami. Ariaddite si yami pattillummanna apan masunge wuassu paddissu allattune, wuṛṛu wala'e i yami matana'a su al᷊ungnge. I yami indi tumatal᷊angnga; wunia'e i yami wuṛṛu arie pappate i yami.

YESAYA 43:19

Panutukke, i Ya'u mallanginnu apa apan bakku; orassa indi mannantakke, i'o tawe maasilo? Ya'u sarun ma'ola'a lal᷊anna su wadda'u anne, wuṛṛu manga sal᷊ukka su wadda'a mal᷊alangnga.

YEREMIA 33:14

Mawu nabbisara, “Sarun a'omanna tempone i Ya'u manipussu paaire apan buatte Ta'u niola'a ringannu Israel wuṛṛu Yehuda.

LAL᷊ALLU 4:20

I mangitou nanametta ratu nipilen Mawu, taumata apan iaasakki yami apan mangngonggollu wiakka wuṛṛu mallal᷊indumma wuassu seetta.