YESAYA 32:14 - WUKE SUSI WATTI'U AL᷊AL᷊USASSA

¹⁴ Ewe'e lai wal᷊en araratuanna sarun itantangnga wuṛṛu inangngu soa apan rame mabbal᷊i mal᷊annaba. Wuidda wuṛṛu manga menara panddariaganna buatte niratakka ringannu leta'a saran mal᷊annu-l᷊annu. Manga keledai matengnga wuṛṛu domba sarun mannal᷊angnga wuṛṛu umanna nannal᷊o isudde.

YESAYA 32:14 Referans Kwoze

YESAYA 27:10

Soa pia tanda'a watune udde nabbal᷊ite lallangoanna wuṛṛu nitantangnga ere wadda'a mal᷊alangnga apan tawe loṛṛone. Ammul᷊annu winatangnga papadul᷊iananna u'anna wuṛṛu mangngillol᷊o isudde lapiddu mangnginsue manga rongnga wuassu manga rannan kalu.

YESAYA 25:2

Soa udde buatte niṛṛimunsang-Ngu; soa apan pia tanda batune nabbal᷊i winalal᷊anna. Wal᷊en araratuanna apan niola'u taumata raho nahohakke, wuṛṛu tate olaanna apia saran mal᷊annu-l᷊annu.

YESAYA 24:12

Soa na unote, wuṛṛu manga ngarane naṛṛaate pasi tal᷊eṛṛongnga.

YESAYA 24:10

Ahewallu soa uasongkakka, anambon ngaran bal᷊e ua'unsi ana waugu tatahuanne matta'utta.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

LUKAS 21:20

“Napawe i yamiu naasilo Yerusalem tatalliwunannu tantara, i yamiu sarun maasingkatta manungku soa udde tate mal᷊annu lai mahohakka.

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

YESAYA 5:9

I ya'u ma'aringikka Mawu Apan Lembontaṛṛino nassalu, “Manga wal᷊en apan bahewalla wuṛṛu mapia indi sarangkanambone sarun mahangginna tawe lal᷊oṛṛone.

DARALO 104:11

tadea'u mapa'inummu anambon winatangnga su wawail᷊anna, wuṛṛu mamallossu araroun manga keledain ahuranganna.

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

YESAYA 7:23

Sutempo udde manga wawail᷊annu anggore apan sambau-sambau nisuanannu saṛṛiwu su punnene wuṛṛu aregane saṛṛiwu lai roitta sal᷊a'a, sarun tuwoannu aputta ṛoaanna.

YESAYA 22:2

Tawe ṛinone ahewallu soa maandeangnga wuṛṛu u'uin al᷊al᷊uassa. Ana waugu manga taumatan pangalonu apan nate sulal᷊ummu pangalo indi wal᷊ine nate ana waugu napapangalo.

YEREMIA 6:5

Mappianne i ite mamangalote sutempo ṛabbi, wuṛṛu makkimunsa'a manga tanda batu su soa udde.”

YEREMIA 14:6

Su puiddu wowone keledai lul᷊u tumba'u uarisikka, matane lullobba ana waugu tate nannal᷊o; i tou uasal᷊arenga ere serigala.

YEREMIA 33:4

Wal᷊en araratuannu Yehuda wuṛṛu manga wal᷊en su soan Yerusalem buatte nihohakka ipanohassa tanda'a wuassu tatalliwunna wuṛṛu lal᷊a'on seetta. Arawe i Ya'u, Mawu, Ruatan Israel, mabbisara manungku,

YEREMIA 52:27

su wageangngu Hamat. Poiaroddi i mangitou sassansaranna wua'udde nipate. Etearoddi manga taumatan Yehuda niṛṛootta wuassu wanua mangitou wuṛṛu niapidda su pamuanganna;

HOSEA 2:3

Amungkangngu i tou sidutu sussandaga, i Ya'u sarun malluatta laungnge tadea'u i tou matantol᷊e ere lai sutempo i tou siasungkangnga. Sarun Ta'u olaanna i tou ere leta'a mamara wuṛṛu maṛṛasa, ne i tou sarun mate amarouanna.

ZEFANYA 2:7

Tumana'u Yehuda tawe maal᷊assangnga, sarun mamanua su wageangngu letangngu udde. I mangitou sarun mamadul᷊i winatangnga su leta'a udde, wuṛṛu napane ṛabbite i mangitou sarun matiilla su manga wal᷊en taumatan Askelon. Ana waugu Mawu, Ruatan mangitou sarun mandiaga si mangitou apia wuṛṛu ma'ola'a si mangitou sulal᷊umanna'a apia.

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

2 TAWARIKH 33:14

Wua'udde i Manasye nananggakka darandungnga su liudde su samba'a ra'i Soan Daud. I tou nanattakka wuassu sambau tampa su wawal᷊anne maranin al᷊imatan ua'en Gihon ana see nasal᷊a watukku sawannakka naddatingngu Ngara Wahewallu Inassa wuṛṛu su wageangngu soa apan isassago Ofel. Su al᷊awo'u soa apan pia tatandange watu su Yehuda, i tou napatana'u sangkatou tembonannu tantara.

YESAYA 3:26

Su manga pasallangannu soa taumata sarun lumal᷊o wuṛṛu lumuai, wuṛṛu soa udde sassane sarun maola'a ere wawine apan nitantol᷊ete wuṛṛu ua'ianna su leta'a.

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.