YESAYA 32:11 - WUKE SUSI WATTI'U AL᷊AL᷊USASSA

¹¹ Maddatingngu orassa indi i yamiu mabbiakka matemangnga, nal᷊iudda wuassu asasusa. Arawe orassa indi, mangngiladden atata'utta! Luatte laungngu wuṛṛu reṛṛota'e nasa su lawannu.

YESAYA 32:11 Referans Kwoze

YESAYA 3:24

Orassa indi i mangitou mappaatten lana mawangngi, sal᷊immurine hal᷊uru mangitou mawukku'a. Papeṛṛeti mangitou al᷊ussa sarun hantianni mangitou tal᷊i apan masalla. Puan mangitou apan pia utangnge maṛṛamaga sarun lungguṛṛanna. Laubbi mangitou apan maṛṛansangnga sarun hantiannu laubba nahahesa'a. Orassa indi i mangitou maṛṛamaga, tawe mal᷊anna'a addio'a hati mangitou mal᷊al᷊eo ana waugu cappanna.

YAKOBUS 5:5

I yamiu suete nabbiakka su al᷊al᷊uassa, wuṛṛu naatemmate apapian dunia indi. Yamiu paṛṛimaunnapa ere tantal᷊anna mapaatawan wadangnga ipaṛṛaddo allo pamamototanna.

HOSEA 2:3

Amungkangngu i tou sidutu sussandaga, i Ya'u sarun malluatta laungnge tadea'u i tou matantol᷊e ere lai sutempo i tou siasungkangnga. Sarun Ta'u olaanna i tou ere leta'a mamara wuṛṛu maṛṛasa, ne i tou sarun mate amarouanna.

YEREMIA 49:3

Ei taumatan Hesybon, lalluaite ana waugu soan Ai naṛṛimunsa'e! Ei manga wawinen soa Raba, lallute! Palluṛṛete nasa karongnga tatiala massusa. Tal᷊angke pa'auwelenganna napenen awawingo. Milkom mongannu sarun iapidda su pamamuanganna suadio'a ringannu manga imam wuṛṛu manga tembonannu pamarentane!

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

YEREMIA 4:8

Ana waugu udde, luaite wuṛṛu lallute, palluṛṛeten karongnga tatialan lullal᷊o. Ana waugu asasa'u Mawu apan nangillembo taambe lai nompo'a wuassu Yehuda.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

YESAYA 20:4

Ratun Asyur sarun manawanna manga taumatan banua darua udde wuṛṛu i mangitou sarun ul᷊uhanna ara'e iapidda ringannu tantol᷊e. Timadde wuṛṛu dario'a, sarangkanambone sarun umamatta tawe laubba wuṛṛu apampakku ledda ringannu ottane ia'asilo, maola'a hahelo su taumatan Mesir.

YESAYA 15:3

Manga taumata su lal᷊anna ual᷊uṛṛen laubba karongnga tatialan lullal᷊o; taumata lullallu wuṛṛu lulluai su leta'a mal᷊alangnga wuṛṛu su atuppu wal᷊en.

YESAYA 2:19

Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

TAHIUL᷊E 28:48

Ana waugu udde i yamiu ṛinone mattaṛṛamawu manga seennu apan nirolokku Mawu iaparoappa si yamiu. I yamiu sarun amal᷊unusanna, marou wuṛṛu matantol᷊e wuṛṛu sidutu awussa sulal᷊ummu al᷊awo'u inolaanna. Mawu sarun makkuumanni yamiu ringannu maṛṛagissa ma'oman sara i yamiu mate.

DARALO 123:4

Wotongngete i yami aal᷊uandahannu taumata ala, wuṛṛu aadio'annu manga taumata mawunga.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YESAYA 47:8

Ana waugu udde paddaringikke si Ya'u, ei i'o apan tumba'u apulune maddea'a lal᷊umanna'a! I'o massunna manungku wiakku matammuda, wuṛṛu taweddu ere i'o. I'o maṛṛingidda tawe maola'a inawaluanna, wuṛṛu papapulunnu tawe mate.

AMOS 4:12

Ana waugu udde, ei umattu Israel, i Ya'u sarun makkuumanni yamiu. Nariaddi, pandiahite sumaruanna ṛuumanna apan Ta'u iema'a si yamiu!”

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

SASABANGNGA 33:4

Wua'udde Mawu nandolokki Musa niapawisara su walahannu Israel, “I yamiu walahanna puane maattika. Unnu wisara i Ya'u lai tumantalong ringanni yamiu tumba'u tal᷊ang kadio'a, i yamiu sarun Ta'u pateanna abbi. Luatte al᷊awo'u wul᷊awanni yamiu, ne i Ya'u sarun manantunna apa apan sarun Ta'u olaanna si yamiu.” Napawe naaringikka tatagu Mawu udde, i mangitou nasusa atonna naal᷊ihidda taumata lullal᷊o. Ana see i mangitou namallosu wul᷊awanni mangitou. Nariaddi, napawe buatte nanantangngu Wowon Sinai, walahannu Israel tate nappaattu lal᷊ogakka wul᷊awanna.

YOEL 1:8

Lalluaitte, ei umatta, naal᷊ihidda maṛṛuala apan massusa apan lulluain papaten tunangane apan arangnguanne.