YESAYA 31:8 - WUKE SUSI WATTI'U AL᷊AL᷊USASSA

⁸ Asyur sarun ṛaddaanna sulal᷊ummu pangalo, arawe wal᷊ine ringannu auatannu taumata. Taumatan Asyur sarun tumal᷊angnga wuassu papangaloanna, wuṛṛu manga umbasanni mangitou sarun olaanna allangnga.

YESAYA 31:8 Referans Kwoze

YESAYA 14:25

Taumatan Asyur su Israel wanua-U, sarun Ta'u pateanna, wuṛṛu apan uatana'a su manga wowone sarun Ta'u ṛindanna. I Ya'u sarun mamallossu pabbawala-U wuassu patataṛṛuallanga wuṛṛu wuassu winabbawa apan iwabbata'i mangitou ṛatangannu taumatan Asyur.

PANDARIADDI 49:15

I tou na'ellega aroddi apiane tampa udde wuṛṛu aroddi aṛṛamage wanua udde, ne i tou niumaru'ute mal᷊uassa iapapasanna, wuṛṛu niwata'a iapamanara ere allangnga.

HOSEA 1:7

Arawe walahannu Yehuda sarun Ta'u rangnguanna. I Ya'u Mawu, Ruatan mangitou, sarun manal᷊amatta si mangitou, arawe wal᷊ine ringannu pangalo, wuṛṛu lai wal᷊ine ringannu hal᷊ele ara'e anaanna ara'e awal᷊o wuṛṛu sumasa'ene.”

YESAYA 37:7

Mawu sarun ma'ola'a ratun Asyur sarun maddarungikka watti'u anginna na'oman sara i tou mapul᷊e su wanuane sassane, wuṛṛu poiaroddi i tou sarun pateanna.”

YESAYA 29:5

Arawe anambon taumata raho apan maṛṛagissa udde sarun mawul᷊i naal᷊ihidda awu wuṛṛu wal᷊a'a nitiuppu anginna. Ringannu sangkaṛṛondappa wuṛṛu tawe niaṛṛangngo.

YESAYA 10:12

Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”

2 TAWARIKH 32:21

Ana see Mawu nandolokku sangkatou mala'ekatta apan niapapate manga tantara wuṛṛu manga tembonannu tantaran Asyur udde. Ringannu tumaniten nasili ratun Asyur nabelengke watukku wanuane. Su allo sambau sutempo i tou tantal᷊anna sulal᷊ummu wal᷊en monganne, siri pira manga anangnge sassane nirumanta namate si tou ringannu hal᷊ele.

YESAYA 14:2

Manambo pabbawlaga apan mantul᷊ungngu walahannu Israel mabelengnga su wanua apan nionggollu Mawu si mangitou, wuṛṛu poiaroddi manga walahanna udde mattaṛṛuallangnga su Israel. Israel sarun manawanna manga taumata apan buatte nanawanna si mangitou wuṛṛu mamarenta manga taumata apan buatte nangallangnga si mangitou.

YESAYA 21:15

Ana waugu i mangitou buatte tinumal᷊angngu watanganne wuassu hal᷊ele apan sasawutanna, wuassu al᷊ati'anna apan annatante, wuṛṛu wuassu pangalo apan ammahane.

YESAYA 27:7

Mawu nakkuumannu uman-Ne tawe ere awakkattu i Tou nakkuumannu manga walahanna apan nasseetti mangitou. I Tou tawe namate uman-Ne ere i Tou namate seen-Ne.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YESAYA 66:16

Ana waugu anambon taumata apan niasangkal᷊anna nassal᷊a sarun iṛṛuuman-Ne ringannu putungnga wuṛṛu hal᷊ele, wuṛṛu manambote apan niṛṛuumanna pateanna.

YEREMIA 46:10

Arawe i ya'u, Yeremia mabbiisara manungku eteindi allo Mawu Ruata Apan Atanggaṛṛane wuṛṛu Lembontaṛṛino; su allo udde i Tou ma'ola'a pabbawal᷊issa su anambon seen-Ne. Hal᷊ele-Ne sarun uminassa si mangitou ma'oman sara mal᷊aidda, wuṛṛu ma'inumma daṛṛa mangitou ma'oman sara mawusa. Allo indi Mawu Apan Lembontaṛṛino, naṛṛata manga sasamba-Ne su sawannakka, su winggin Sal᷊ukku Efrat udde.

YEHEZKIEL 21:28

“Ei taumata apan mattate, pani'atte! Pasingkata'e su taumatan Amon apan buatte nallobbossa Israel, manungku i Ya'u, Mawu Apan Atanggaṛṛanne nabbisara, ‘Halele sammata nariahite ipamate; hal᷊ele udde buatte niasa lullendappa ere sawallo, tadea'u nasaddiate ipamate.

YESAYA 10:25

Sulal᷊ummu tempo apan mal᷊ihakka asasa'u-U si yamiu sarun iillol᷊o, see i Ya'u sarun makkadda'a si mangitou.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.