YESAYA 31:1 - WUKE SUSI WATTI'U AL᷊AL᷊USASSA

¹ Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 31:1 Referans Kwoze

DARALO 20:7

Orassa indi i ya'u masingkatte manungku Mawu nangonggolu auntunganna su ratu apan nipile-Ne. Mawu sinumimbakka si tou wuassu surga-Ne apan susi; ringannu taṛṛinon Mawu i tou naasomba auntunganna wahewalla.

YEREMIA 17:5

Mawu nabbisara, “Napawe taumata manantangku, Mawune, wuṛṛu uaantimma su taumata wuṛṛu uaasakku ara'e uawansaggu atatohanne, ne i Ya'u sarun makkuumanni tou.

TAHIUL᷊E 17:16

Ratu tawe wotongnge manahuanna awal᷊o manambo ionggola su tantarane wuṛṛu tawe wotongnge mandolokku walahanna indi mabelengnga watukku Mesir huna mamalli awal᷊o, ana waugu Mawu buatte nabbisara manungku alaṛṛanang-Nge tawe wotongnge mabelengnga watukku wanua udde.

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

YESAYA 36:9

Su ipando'appa tembonannu tantaran Asyur apan awawoanne lai i yamiu wal᷊ine parene. Arawe i yamiu mangngantimma lai Mesir mangirimmu sasumbala keretan pangalo wuṛṛu tantaran awal᷊o!

YESAYA 30:16

Ewe'e i yamiu lai maṛṛingidda mallinda'u watanganni yamiu wuassu seetta ringannu uasa'e awal᷊o apan mal᷊ihakka. Mapia! Atonna i yamiu ṛinone tumal᷊angnga! I yamiu maṛṛingidda awal᷊onu udde mal᷊ihakka tatal᷊angnge, wutte'e manga mangangenggennu mallihaṛṛanna marau tatal᷊angnge.

YESAYA 36:6

Atonna i'o uaantimma sasumbala Mesir, arawe udde nassul᷊ungngu mappaattu alun akke olaanna ta'inna; – sal᷊immurine ta'inna udde mapaddi wuṛṛu limanu ma'usu'a. Etearoddi ratun Mesir su anambon taumata apan uaantimma si tou.’ ”

HOSEA 14:3

Pabbelengke ringannu Mawu wuṛṛu apira'e aal᷊iomanna indi maola'a sasambanu si Tou, “Mawu, ampungewe al᷊awo'u rosan kami, wuṛṛu sengkampe aal᷊iomanni yami indi, ne i yami sarun maddalo Si'o ere buatte pina'ireng kami.

HOSEA 7:7

Sulal᷊ummu naungngu asasa'une, i mangitou namate manga piaṛṛa'i mangitou. Anambon ratun mangitou buatte nipate nallal᷊isansunna. Arawe salaiwe ola'i mangitou nabbal᷊ite aroddi al᷊eone, taweddu saran sangkatou apan niumaliomanna si Ya'u maiontolla.”

YEHEZKIEL 17:15

Arawe ratun Yehuda namangalo see nandolokku darol᷊oṛṛanna inai su Mesir tadea'u maasomba awal᷊o wuṛṛu tantara apan manambo. Apa i tou sarun maauntungnga? Apa i tou sarun iwala maal᷊assanga? Tawe mariaddi i tou massinaaddu paaire ringannu tawe iṛṛuumanna.

YESAYA 9:13

Ana waugu udde tumba'u sulal᷊ummu allo massallo Mawu nakkuumannu manga piaṛṛa'u Israel wuṛṛu tumanangnge. I Tou namonggo'a wuṛṛu nandammen pua wuṛṛu tol᷊ene.

YESAYA 22:11

i yamiu pa'ola'a kolamma sulal᷊ummu soa wuṛṛu nangammullu ua'e udde wuassu kolamma tabbe. Arawe i yamiu tawe maaillal᷊a Ruata apan mal᷊annute makkiinnu sarangkanambone udde, wuṛṛu naaola'a udde nariaddi.

2 TAWARIKH 16:7

Sutempo udde i Nabi Hanani nirumanta ringanni Ratu Asa wuṛṛu nabbisara, “Ana waugu i'o uaantimma ratun Siria, wuṛṛu wal᷊ine uaantimma Mawu Ruatanu, ne nawul᷊ite temponu ipamaddon tantaran ratun Israel.

YESAYA 57:9

I yamiu mappaattu lana wuṛṛu manga awawangngi wua'udde inaite massubba monganni Molokh. I yamiu nandolokku manga daroloṛṛanna su manga wanua marau, naddatingngu lai wanuan taumata nate.

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

YESAYA 2:7

Wanuane napenen sal᷊a'a wuṛṛu wul᷊awanna, wuṛṛu darotongnge tawe iareengnga. Awal᷊one tumaniten manambo, wuṛṛu keretane tawe iareengnga anambone.

HOSEA 11:5

Manga taumatan Israel udde maddiri mabbelengnga apia ringang-Ku, ana waugu ude i mangitou ṛonone mabbelenga watukku Mesir, wuṛṛu walahannu Asyur sarun mamarenta si mangitou.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

TAHIUL᷊E 20:1

“Amungkangngu i yamiu inai mapapangalo mandoappa manga seennu, imbaṛṛangnga mata'utta maasilo keretan pangalo wuṛṛu awal᷊on mangitou apan manambo see lai tantaran mangitou apan reenganne nilumebbe wuassu reenganni yamiu. Mawu Ruatanu apan namallossi yamiu wuassu Mesir sarun mantul᷊ungngi yamiu.

YESAYA 10:17

Ruata apan na'ukkassa, Asasemakku Israel, sarun ma'ola'a ṛenggammu putungnga sulal᷊ummu allo massallo manutungnga abbi al᷊awo'a, sara lai ahuranganna ṛoaanna.

YESAYA 20:5

Manga taumata apan mangngasakku ara'e mangngantimma Sudan wuṛṛu mangngasakku Mesir sarun sumassilla wuṛṛu awul᷊iannu antimma.

YESAYA 43:15

Ete i Ya'u Mawu, Ruatanu apan na'ukkassa, Ratunu, apan nandiaddi si'o, ei Israel!”

YEREMIA 37:7

mabbisara arendi su daroloṛṛanni Zedekia: “Wal᷊oa'e si Zedekia, ‘Tantara Mesir apan tantal᷊anna mattudda inawarendi massumbala si'o, sarun mabbelengnga mapul᷊e.

YEHEZKIEL 29:16

Israel tate lai maddorongnga sasumbala si'o. Pal᷊addu pabbiaṛṛannu ei walahannu Mesir sarun mapanaungngu Israel aroddi nial᷊iwune mangngasakku Mesir, ere buatte niolangne. Ne Israel naasingkatte manungku ete i Ya'u Mawu Apan Atanggaṛṛanne.”

HOSEA 11:9

I'o sarun tawe Ta'u iṛṛuumanna sulal᷊ummu asasa-U; i'o tate Ta'u ṛimunsaanna apia. Ana waugu ete i Ya'u Ruata, wal᷊ine taumata. I Ya'u, Apan Susi, uarundinganna si'o, wuṛṛu maddirite lai masa'u si'o.”

HABAKUK 1:12

Mawu, ro'en al᷊omonane I'o uddewe Ruata. I'o Ruata'u apan susi wuṛṛu saran mal᷊annu-l᷊annu. Mawu, Ruata'u wuṛṛu mallal᷊u'adda si ya'u, walahannu Babel udde nipile-Ne wuṛṛu niolang-Ngu matohassa ipakkuumanni yami.

HABAKUK 3:3

I'o Ruata Apan Lembonsusi nirumanta wuassu Teman, I'o nirumanta wuassu panenteannu Paran. Langitta aoosannu awawantu-Gu; runia napenen daralo Si'o.

PANDARIADDI 47:17

Ana see i mangitou nangonggolu winatangnga si Yusuf, wuṛṛu i tou nangonggolu anna si mangitou maola'a hahantin kuda, domba, ambinga, sapi wuṛṛu keledai mangitou. Su tonna udde i Yusuf napaanni mangitou wuṛṛu i mangitou namaekku winatangnga papapdul᷊ianna.

2 TAWARIKH 16:9

Mawu ual᷊u'adda ahewallu runia tadea'u mangonggolu atatohan-Ne su taumata apan matuṛṛutta si Tou. Inolaannu tumaniten longonna, ana waugu udde manattakka orassa indi i'o sidutu sarun mamendamma pangalo.”

AYUB 39:11

Wotongngewe i'o mangasakku auatanne apan matohassa, wuṛṛu manantillu manaranu apan mawakkatta si tou?

YESAYA 9:12

Walahannu Israel taambe lai sumassilla, salaiwe buatte niṛṛuumannu Mawu Apan Lembontaṛṛino; i mangitou taambe lai mawal᷊u.

ZAKARIA 10:5

Tumana'u Yehuda sarun maauntungnga ere manga atumannaṛṛane apan maṛṛinda seetta ere labbo su lal᷊anna. I mangitou mattinsahadda ana waugu i Ya'u, Mawu massumbala si mangitou, wuṛṛu tantaran seetta apan uasa'e awal᷊o sarangkanambone sarun iawaddon mangitou.