YESAYA 30:6 - WUKE SUSI WATTI'U AL᷊AL᷊USASSA

⁶ Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

YESAYA 30:6 Referans Kwoze

TAHIUL᷊E 8:15

Mawu namiaṛṛa'i yamiu sinumabbi wadda'a apan mal᷊alangnga wuṛṛu ma'ata'utta, manambo atoanna mawisa, wuṛṛu kalajengking. Su leta'a apan mamara tawe ua'ene, i Tou na'ola'a ua'e mangngelekka wuassu watu, tadea'u i yamiu wotongnge ma'inumma walate apulun naungngu.

YEREMIA 11:4

Pa'aire udde buatte Ta'u niola'a ringannu al᷊amona mangitou sutempo i mangitou Ta'u niapidda sinumabbangnga wuassu Mesir, wanua apan ere naraka si mangitou. I Ya'u nandolokki mangitou matuṛṛutta si Ya'u wuṛṛu ma'ola'a al᷊awo'a apan Ta'u iparenta si mangitou. Orassa indi buatte Ta'u niwal᷊o lai su taumatan Yehuda wuṛṛu tumana'u Yerusalem manungku napawe i mangitou matuṛṛutta si Ya'u, i mangitou sarun maola'a uma-U wuṛṛu i Ya'u Ruata mangitou.

1 MARARATU 10:2

I tou nirumanta raṛundinganannu manambo taumata wuṛṛu unta apan nasaddattu luranna rampa-rampa, watu permata, wuṛṛu marasai wul᷊awanna. Sutempo nassomban Salomo, ratu udde nangonggollu al᷊awo'u hatin aiwal᷊o apan tawe iaṛṛingidde.

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

MATIUS 12:42

Su tempo Allong Kiamatta, ratu wuassu wanuan Timukka sarun mabangunna su sampunna ringannu manga taumatan tempo indi wuṛṛu mapaasal᷊a mangitou. Ana waugu tadea'u maddaringikka al᷊aṛṛa'i Salomo apan pande, ratu udde na'ola'a amatanna apan marau atonna wuassu pentakku runia. Arawe isindi orassa indi piaddu maggewal᷊anne wuassi Salomo!”

HOSEA 12:1

Mawu nabbisara, “Walahannu Israel uapal᷊iwutta si Ya'u ringannu awusu wuṛṛu wawahia; walahannu Yehuda sidutu lullawangnge si Ya'u, Ruata Apan Susi wuṛṛu satia.

YEREMIA 2:6

I Ya'u tate pandumanna; i Ya'u, apan buatte nangehetta si mangitou su lal᷊anna, wuṛṛu nangapiddi mangitou sinumabbangnga wuassu Mesir niumamattu wadda'u anne, wageangngu leta'a maṛṛasa apan manambo liobbongnge, see lai mamara wuṛṛu ma'asilaka – wadda'a apan taweddu uatana'a wuṛṛu tawe amatanna!

YESAYA 57:9

I yamiu mappaattu lana wuṛṛu manga awawangngi wua'udde inaite massubba monganni Molokh. I yamiu nandolokku manga daroloṛṛanna su manga wanua marau, naddatingngu lai wanuan taumata nate.

YESAYA 19:4

Mesir sarun Ta'u itantilla su liman sangkatou ratu apan maṛṛaggissa apan mamarenta si mangitou ringannu mal᷊aṛṛaga. I Ya'u, Mawu Apan Lembontaṛṛino, buatte nabbisara.”

YESAYA 15:7

Manga taumata apan tinumumbe ana'u Sal᷊ukku Haarabim maddea'a manal᷊amatta al᷊awo'u darotongngi mangitou.

YESAYA 8:22

ara'e mangngintanno, i mangitou tawe maasilo manga apa tumba'u asasuṛṛipitta wuṛṛu ararandumma se'e lai asasul᷊aubba apan mangngaitta. I mangitou sarun iramme sutampa apan marandumma udde.

2 TAWARIKH 16:2

Ne i Ratu Asa nanganu wul᷊awanna wuṛṛu sal᷊a'a wuassu tampane su Wal᷊en Mawu wuṛṛu wal᷊en araratuanna, ana see niroho watukku Damsyik si Benhadad ratun Siria ringannu tanata indi,

2 TAWARIKH 9:1

Ratun wanua Syeba naaringikka su ola'u i Salomo tinumelengke. Ne i tou nirumanta su Yerusalem manaṛṛasidda si Salomo ringannu aiwal᷊o apan masahadda. I tou nirumanta tatantalongannu manambo taumata wuṛṛu unta apan napene lal᷊uranannu rampa-rampa, watu permata, wuṛṛu wul᷊awanna tumaniten manambo. Sutempo nassombaten Salomo, ratu udde nangapiddu al᷊awo'u aiwal᷊o apan wotongnge asingkatanne.

TAHIUL᷊E 17:16

Ratu tawe wotongnge manahuanna awal᷊o manambo ionggola su tantarane wuṛṛu tawe wotongnge mandolokku walahanna indi mabelengnga watukku Mesir huna mamalli awal᷊o, ana waugu Mawu buatte nabbisara manungku alaṛṛanang-Nge tawe wotongnge mabelengnga watukku wanua udde.

SASABANGNGA 1:14

wuṛṛu nanansarate wiakki mangitou. Ringannu tawe aakkanne i mangitou niwata'a mammanara masahadda su manga pa'olaanna wal᷊en wuṛṛu su manga wawail᷊anna.

PANDARIADDI 12:9

Wua'udde i tou nanassukku amatanne apia wuassu tampa sambau watukku tampa manansunna, mabbatukku samba'an timukku leta'u Kanaan.

REENGANNA 21:8

Ana see Mawu nandolokki Musa niapal᷊anginnu sambau atoanna wuassu atta'a wuṛṛu niaddo su sambau pati'anna. Suapan taumata apan nipul᷊issu atoanna, sarun mapia amungkangngu maasilo atoanna wuassu atta'a udde.

YESAYA 5:30

Su allo udde su ahewallu Israel niaringikka hahuressa ara'e hiom pangalo aikkanne ere lua'a mabbasse. Pa'ellege, ahewallu wanua udde marandumma wuṛṛu napenen asasuṛṛippitta. Asasemakka naola'e wasa tuudda.

YESAYA 14:29

Ei walahannu Filistin, pal᷊o-pal᷊o apan ipappaatta ipamuulla si'o napaddite. Arawe arie i'o lumuassa, ana waugu amungkangngu atoanna sambau nate, atoanna apan nangillembon al᷊eoanne lai rumanta mallol᷊ossa si tou, wuṛṛu tallukku atoanna mangngissa'u naga pia papaidde.

YESAYA 35:9

Su tampa udde tawe singa, ara'e winatangnga mal᷊aṛṛaga waine. Manga taumata apan nisal᷊amattu Mawu sarun umamatta poiaroddi.

YEHEZKIEL 20:46

“Ei taumata apan mattate, pa'ellege su samba'a timukka. Tagguitte leta'u timukka wuṛṛu paṛṛammaite mahurangnge poiaroddi.

MIKHA 6:14

I yamiu sarun umanna, arawe tawe mabbal᷊i mal᷊aidda – ewe'e sidutu mal᷊unussa. I yamiu sarun maṛṛuwo manga saranapa, arawe tawe maariaga. Al᷊awo'u apa apan rariaganni amia sarun Ta'u ṛimunsaanna sulal᷊ummu pangalo.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

AYUB 39:11

Wotongngewe i'o mangasakku auatanne apan matohassa, wuṛṛu manantillu manaranu apan mawakkatta si tou?

HOSEA 12:2

Al᷊awo'u saranapa apan niola'u taumatan Israel wuassu marua allo maddatingngu ṛabbi tawe gunane wuṛṛu olangnge maahohakka ere anginna ra'i. Pallal᷊inga wuṛṛu araṛṛagissa aatambanna suwallatti mangitou. I mangitou ma'ola'a manga paaire ringannu Asyur wuṛṛu nangapiddu lana watukku Mesir maola'a tatialan paggahahawe.”

ZAKARIA 6:6

Keretan pangalo apan wawol᷊engannu awal᷊o ma'itumma inai watukku Babel su sawannakka. Awal᷊o mawira watukku waṛṛatta wuṛṛu awal᷊o boṛṛenganna mattudda watukku araratuanna su timukka.”