YESAYA 30:33 - WUKE SUSI WATTI'U AL᷊AL᷊USASSA

³³ Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

YESAYA 30:33 Referans Kwoze

2 MARARATU 23:10

Tofet, eteudde tampa passubbanna monganna su Wawal᷊annu Hinom, nisaparanna. Ringannu aroddi tate taumata lai apan botongnge mangonggolu anangnge maola'a sasamba itattambuna si Monganna Molokh.

YEREMIA 19:6

Ana waugu udde, sarun a'omanna tempone tampa indi tate lai isaggo Tofet ara'e Wawal᷊annu Hinom, Wawal᷊annu Pamamototanna.

PANDARIADDI 19:24

Inaṛṛombanganne Mawu nanossokku uranna belerangnga pia putungnge su Sodom wuṛṛu Gomora.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

IBRANI 13:8

Yesus Kristus uasul᷊ungnga, mapia rorone, orassa indi, wuṛṛu saran mal᷊annu-l᷊annu.

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

MATIUS 4:22

wuṛṛu i mangitou lapiddu nanantangngu saalanna wuṛṛu iamangngi mangitou, see tinumantalongke Mawu Yesus.

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

YESAYA 37:38

Su allo sambau, sutempo i tou tantal᷊anna mattaṛṛamawu sulal᷊ummu kuil Monganna Nisrokh, i tou nipaten hal᷊ele ṛattanganni Adramelekh wuṛṛu Sarezer, manga parinsine. Wua'udde i mangitou tinumal᷊angnga watukku Ararat. Ne Esarhadon, sinangianne, nabbal᷊i ratu nallol᷊ossa si tou.

AYUB 4:9

Naal᷊ihidda tandi'a, etearoddi asasa'un Duata namate si mangitou na'oman sara nasue!

YESAYA 10:17

Ruata apan na'ukkassa, Asasemakku Israel, sarun ma'ola'a ṛenggammu putungnga sulal᷊ummu allo massallo manutungnga abbi al᷊awo'a, sara lai ahuranganna ṛoaanna.

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.

YESAYA 31:9

Ratun mangitou sarun tumal᷊angngu atata'utta, wuṛṛu manga mamamiaṛṛa'u tantarane mangke niṛṛumoro, na'oman sara i mangitou nanantangngu manga waneṛṛan pangalo.” Mawu buatte nabbisara, Mawu apan sassubbanna wuṛṛu a'addatanna ringannu sasamba tattutunganna su Yerusalem.

YESAYA 34:9

Manga sal᷊ukku Edom sarun mawal᷊u mabbal᷊i teṛṛa, wuṛṛu letangnge maola'a beleranga. Panginsueanne ahewallu wanua ṛumenggamma ere teṛṛa.

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

YEHEZKIEL 21:31

I Ya'u sarun mapassabbangu asasa'u-U apan lukkenggamma si yamiu. Wuṛṛu i yamiu sarun Ta'u itantilla su manga taumata apan maṛṛagissa wuṛṛu nal᷊atite mammate.

DANIEL 7:10

wuṛṛu putungnga manggelekka wuassu adderan araratuanna. Su riwune taumata mangngimbe si Tou, wuṛṛu su jutane taumata uarisikka su saruan-Ne. Wua'udde nitattakke ammul᷊annu pallaṛṛuungnga, wuṛṛu buke niwu'ate.

TAHIUL᷊E 4:24

Ana waugu Mawu Ruatanu naal᷊ihidda putungnga apan mannoṛṛobba. I Tou maddiri isul᷊ungngu al᷊awo'u saranapa apan sassubbanna.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.