YESAYA 30:29 - WUKE SUSI WATTI'U AL᷊AL᷊USASSA

²⁹ Arawe i yamiu, umattu Ruata, sarun lumuassa wuṛṛu mangngantari ere su ṛabbi ramean agama. I yamiu sarun lumala'a naal᷊ihidda manga taumata apan u'amatta aopasannu wansi mattuddan Wal᷊en Mawu, mananahekku Israel.

YESAYA 30:29 Referans Kwoze

DARALO 42:4

Allo ṛabbi i ya'u lulluai, anna si ya'u tumba'u allon mata. Su al᷊o'engngu allo see'u maiwal᷊o, “Suapate Ruatanu?”

YESAYA 26:4

Pangngimante su Mawu sidutu, ana waugu Mawu Ruata sidutu ual᷊u'adda si ite.

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

MATIUS 26:30

Wua'udde i mangitou nangantarin sambau antari daralo. Wuṛṛu wua'udde i mangitou inaite watukku Wuiddu Zaitun.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

YESAYA 26:1

Sutempo udde taumata sarun mangngantari antari indi su leta'u Yehuda: “Atohassawe etapa soan kite; Ruata sassane namangunna tanda batu-Ne, isindi i ite masal᷊amatta.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

DARALO 32:7

Ete I'o tampa pa'imbuniangku, I'o namallo'u wuassu asasusa. Ne i ya'u lullala'u al᷊al᷊uassa, ana waugu I'o buatte nanal᷊amatta si ya'u.

DARALO 18:31

Inolaannu Ruata udde nasuungnga paairen Mawu udde apangimananna. I Tou naal᷊ihidda allungnga su anambon taumata apan uasirungnga si Tou.

TAHIUL᷊E 32:31

Seettu Israel masingkatta manungku mallal᷊u'addi mangitou tawe ere Ruata mallu'addu Israel.

TAHIUL᷊E 16:14

Lallala'e suadio'a ringannu manga anangngu, manga allangngu, taumatan Lewi, taumata raho, ana'a asisitimpal᷊ussa, manga wawine wal᷊u apan uatana'a su manga soanu.

IMAMATTA 23:32

Manattakka wuassu matannallo umattuppa su allo assione wul᷊anna udde maddatingngu matannallo umatuppa su allo appul᷊one, i yamiu ṛinone maddamean allon Sabat, allo apan niṛṛae pangillol᷊oanna. Su alo'engngu allo udde i yamiu ṛinone mappuasa.

YESAYA 17:10

Israel, i'o naabul᷊iten Duata apan nanal᷊amatta wuṛṛu mallu'adda si'o, naal᷊ihidda wowone watu apan matohassa. Mawal᷊i'a, i'o buatte nassuanna manga wailla hunan manga monganna.

YESAYA 30:28

I Tou nandolokku anginna niapal᷊iuṛṛoro wuassi Tou naal᷊ihidda manawangnga atanggakke sara ullekka apan nangelekku al᷊awo'a. I Tou nakkadda'a manga walahanna, wuṛṛu namal᷊aatta manga ṛiinni mangitou apan dal᷊eo.

YESAYA 30:30

Mawu sarun mapararingikku tingik-Ke apan mawantuga, wuṛṛu suapan taumata sarun maapendamma taṛṛino-Ne apan bahewalla. Asasa'u-Ne sarun mandantan putungnga apan mannoṛṛobba, uranna masaddatta, uranna watu wuṛṛu tandi'a.

YESAYA 44:8

Pabbawala-U, arie mata'utta ara'e ṛumindu'a; wal᷊inewe ro'en dorone naddatingngu orassa indi i Ya'u buatte nani'attu apa apan mariaddi? Ete i yamiu manga tiala-U. Mallal᷊u'adda waine tawe baddi'a wuṛṛu i Ya'u tawe maaillal᷊a.”

DARALO 42:5

Naungku massusa napawe maanaungnga tempo dorone, sutempo i ya'u mattudda Wal᷊en Mawu suadio'a ringannu awadaalla apan mallaghun damea. I ya'u u'amatta su saruannu ammul᷊anna ringannu huggio wuṛṛu antarin daralo.