YESAYA 30:28 - WUKE SUSI WATTI'U AL᷊AL᷊USASSA

²⁸ I Tou nandolokku anginna niapal᷊iuṛṛoro wuassi Tou naal᷊ihidda manawangnga atanggakke sara ullekka apan nangelekku al᷊awo'a. I Tou nakkadda'a manga walahanna, wuṛṛu namal᷊aatta manga ṛiinni mangitou apan dal᷊eo.

YESAYA 30:28 Referans Kwoze

YESAYA 37:29

wuṛṛu i Ya'u naaringikke su ola'u asasa'unu wuṛṛu awawunganu udde. Orassa indi Ya'u mantaingngu pe'anna su ngirunnu wuṛṛu tal᷊i su moṛṛongngu, tadea'u i'o Ta'u wol᷊enganna mapul᷊e umamatta su lal᷊anna apan niamatannu sutempo nirumanta.”

2 TESALONIKA 2:8

wakkute udde asiloante Taumata Lal᷊eo udde. Napawe Mawu Yesus rumantate, i Tou sarun mamate Taumata Lal᷊eo udde ringannu singangu wuassu moṛṛo-Nge, wuṛṛu mamate si tou ringannu asasemakku daranta-Ne.

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.

YESAYA 8:8

I mangitou sarun mangelekka su Yehuda ere manawangnga atanggakke sara ullekka manggal᷊amon kal᷊awo'a.” Ruata uarundinganna si ite! Papaid-De apan uasiappakka uatillumma wanuan kite.

AMOS 9:9

I Ya'u sarun mangonggollu parenta wuṛṛu mattappa walahannu Israel ere taumata mattappa gandumma sulal᷊ummu niṛṛu. Su ipanahangginna sarangkanambone apan tawe gunane suwallatti yamiu, i Ya'u sarun malluakki mangitou suwallattu manga walahanna.

2 MARARATU 19:28

I Ya'u masingkatta manungku i'o mangke nasa'u si Ya'u, wuṛṛu i Ya'u naaringikke warabunganu udde. Orassa indi Ta'u iwa'issa aiitta su ngirunnu wuṛṛu ipappiaṛṛa'a su moṛṛongu, tadea'u i'o wol᷊enganna mapul᷊e umamatta sulal᷊anna sutempo i'o nirumanta.”

LUKAS 22:31

“Simon, Simon, paddaringikka! Setanna suete niwala mamono'a si yamiu; ere gandumma iṛṛae wuassu wal᷊a'ane na'oman sara apan mappianne iṛṛae wuassu apan dal᷊eo.

SONDAPPA 2:16

Ana waugu udde, awal᷊ute wuassu manga rosanu! Amungkangu tawe, tate mal᷊annu lai Ya'u sarun rumanta ringanni yamiu wuṛṛu mamangalo manga taumata udde ringannu hal᷊ele apan uaraddo su moṛṛong-Ku.

SONDAPPA 1:16

Lima uanan-Ne uaagassa anumpitanna pitu, wuṛṛu wuassu moṛṛo-Nge sinumabangnga hal᷊ele maṛṛoro sammata, apan ṛoṛṛone ruam ba'a. Hati-Ne lullansiangnga naal᷊ihidda matannallo su allo allattune.

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.

2 TESALONIKA 2:11

Ana waugu udde Ruata napaarantan taṛṛino apan mangngal᷊iwun mangitou, na'oman sara i mangitou nangimanna watti'a apan nassal᷊a udde.

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

HOSEA 13:3

Ana waugu udde manga taumata udde sarun mawual᷊i ere ṛawu'a ara'e angngukka su marua allo. I mangitou sarun maola'a ere awu raen amme apan nitiuppu anginna su paṛṛindanna gandumma, wuṛṛu ere timbulla apan sinumabbangnga wuassu sasabbangannu timbulla.

YESAYA 29:6

Mawu Apan Lembontaṛṛino sarun mamallossu soa udde ringannu anginna ma'ikkatta wuṛṛu linukka apan masaddata. I Tou sarun mandatan anginna al᷊isusu wuṛṛu putungnga apan mangngepodda.

YESAYA 19:3

I Ya'u sarun mamal᷊aatta manga hol᷊agu taumatan Mesir wuṛṛu mamaddi ikkatti mangitou. I mangitou sarun maiontolla su manga paal᷊uanna, maddorongnga tataggu wuṛṛu tatantiro su manga tonaassa wuṛṛu manga ghaṛṛaho.

AMSAL 26:3

Keledai ṛinone suṛṛiannu tal᷊ingngirunne, awal᷊o ṛinone wabbal᷊anna, aroddi lai taumata woddo ṛinone puul᷊anna.

DARALO 32:9

Arie naal᷊ihidda awal᷊o apan tawe ṛingidde, apan ṛinone iappiaṛa'u tal᷊in ngirunna wuṛṛu tal᷊i tadea'u tumuṛutta.”

DARALO 18:15

I Tou namiti'u manga anaan-Ne wuṛṛu nanal᷊iawukku seetta; I Tou na'ola'a sawallo masokka-sokka wuṛṛu na'ola'a i mangitou tinumal᷊angnga.

AYUB 39:17

Ete i Ya'u apan na'ola'a si tou woddo wuṛṛu longonna, i Ya'u tawe nangonggollu asingkatta wuṛṛu ṛingidda si tou.

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

YESAYA 28:2

Mawu sarun mandolokku sangkatou apan matohassa wuṛṛu waṛṛani. Darantane ere anginna ma'ikkatta daṛundinganannu uranna eisse, ere uranna masaddatta wuṛṛu manawangnga apan ma'aonodda. Ringannu araṛṛagissa i tou mangngema'i mangitou su leta'a.

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

YESAYA 30:29

Arawe i yamiu, umattu Ruata, sarun lumuassa wuṛṛu mangngantari ere su ṛabbi ramean agama. I yamiu sarun lumala'a naal᷊ihidda manga taumata apan u'amatta aopasannu wansi mattuddan Wal᷊en Mawu, mananahekku Israel.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

YESAYA 59:19

Taṛṛino wuṛṛu awawantu-Ge sarun ia'ata'uttu anambon taumata wuassu ra'i maddatingngu waṛṛatta. I tou sarun dumanta ere sal᷊ukka apan masassagga apan tattiupannu anginna ma'ikkatta.

YESAYA 63:17

Oh Mawu, anio i yami niwala-Nu niumal᷊iwu? Anio I'o napaattikku naungngi yami na'oman sara i yami tate mata'uttu Mawu? Pabbelengke ana waugu manga allang-Ngu, wuṛṛu uman-Nu, pussa'a-Nu.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

YESAYA 17:14

Sutempo wawallo i mangitou mandantan atata'utta apan masaddatta, arawe napawe marua allote i mangitou nawul᷊ite. Eteudde pal᷊addu taumata apan maṛṛampassa si ite.