YESAYA 30:27 - WUKE SUSI WATTI'U AL᷊AL᷊USASSA

²⁷ Taṛṛino wuṛṛu awawantugu Mawu aasiloanna ro'en ta'e mara'u. Putungnga wuṛṛu timbulla mapal᷊iatta'u assasa'u-Ne. I Tou uahahatto mangitou, wuṛṛu manga wisara-Ne mannoṛṛobba ere putungnga.

YESAYA 30:27 Referans Kwoze

IBRANI 12:29

Ana waugu Ruatang kite ere putungnga apan maatutungnga.

2 TESALONIKA 2:8

wakkute udde asiloante Taumata Lal᷊eo udde. Napawe Mawu Yesus rumantate, i Tou sarun mamate Taumata Lal᷊eo udde ringannu singangu wuassu moṛṛo-Nge, wuṛṛu mamate si tou ringannu asasemakku daranta-Ne.

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

DANIEL 7:9

Tantal᷊anna i ya'u sidutu mannutukka, manga pira adderan araratuanna tantal᷊anna iaaddo. Ana see i Tou apan wiakka saran mal᷊annu-l᷊annu ua'ianna su wowon wallattu sambau wuassu manga adderan araratuanna udde. Laung-Nge wuṛṛu utang-Nge mawira ere sangarenna. Adderan araratuan-Ne ringannu manga bolane lukkenggamma ana waugu renggammu putungnga,

YESAYA 66:14

Naasilo udde, i yamiu sarun lumuassa, wuṛṛu mabbal᷊i matohassa wuṛṛu sehatta ere nannal᷊o wakku. Ne manga allang-Ku sarun ma'apendamma taṛṛino-U wuṛṛu manga see-U sarun ma'apendamma asasa'u-U.”

YESAYA 59:19

Taṛṛino wuṛṛu awawantu-Ge sarun ia'ata'uttu anambon taumata wuassu ra'i maddatingngu waṛṛatta. I tou sarun dumanta ere sal᷊ukka apan masassagga apan tattiupannu anginna ma'ikkatta.

YESAYA 34:9

Manga sal᷊ukku Edom sarun mawal᷊u mabbal᷊i teṛṛa, wuṛṛu letangnge maola'a beleranga. Panginsueanne ahewallu wanua ṛumenggamma ere teṛṛa.

YESAYA 33:12

I yamiu naal᷊ihidda watun sahatta apan tattutunganna olaanna apukka; ere aputta ṛoaanna apan tuwanganna wuṛṛu itambunna su putungnga.

YESAYA 10:5

Mawu nabbisara, “Nasilakate Asyur! Asyur Ta'u ipaatta maola'a sambokka wuṛṛu pal᷊o-pal᷊o ipamuulla manga taumata apan niaṛṛinoannu asasa'u-U.

YESAYA 9:5

Sangkatou ana'a niasungkangnga hunang kite; i ite nionggol᷊annu sangkatou ana'a esakka. I Tou sarun maola'a piaṛṛa'i ite. I Tou isaggo: “Mananantiro Pande”, “Ruata Matohassa”. “Iamangnga Tawe Auddusanne”, “Ratun Paddarame”.

DARALO 79:5

Oh Mawu, sarangkal᷊o'engnge I'o masa'u, wuṛṛu asasa'u-Nu lukkenggampe ere putungnga?

TAHIUL᷊E 33:2

“Mawu nirumanta wuassu Wowon Sinai; i Tou nilumapputa su Edom naal᷊ihidda matannallo wuṛṛu wuassu Wowon Paran i Tou mannemakka al᷊aṛṛanang-Nge. I Tou raṛundinganannu mapul᷊o ṛiwu mala'ekatta; putungnga lukkenggamma su samba uanan-Ne.

TAHIUL᷊E 32:22

Asasa'u-U sarun sumawudda naal᷊ihidda putungnga apan nanoṛṛobba naddatingngu runian taumata nate. Putungnga udde nanutungnga runia wuṛṛu al᷊awo'u lal᷊oṛṛone, wuṛṛu manga wowone na'oman sara manga ṛamunne.

TAHIUL᷊E 4:24

Ana waugu Mawu Ruatanu naal᷊ihidda putungnga apan mannoṛṛobba. I Tou maddiri isul᷊ungngu al᷊awo'u saranapa apan sassubbanna.

YESAYA 13:5

I mangitou nirumanta wuassu manga wanua marau su pentakku runia. Sulal᷊ummu asasa'u-Ne Mawu nappaatti mangitou ipamate ahewallu runia.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

YEHEZKIEL 22:31

Ana waugu udde orassa indi Ta'u iapassabangnga asasa'u-Ku su saruanni mangitou, wuṛṛu naal᷊ihidda putungnga i Ya'u sarun mamate si mangitou ana waugu al᷊awo'u inolaanni mangitou. I Ya'u Mawu Apan Atanggaṛṛanne buatte nabbisara.”

DANIEL 7:10

wuṛṛu putungnga manggelekka wuassu adderan araratuanna. Su riwune taumata mangngimbe si Tou, wuṛṛu su jutane taumata uarisikka su saruan-Ne. Wua'udde nitattakke ammul᷊annu pallaṛṛuungnga, wuṛṛu buke niwu'ate.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!