YESAYA 30:21 - WUKE SUSI WATTI'U AL᷊AL᷊USASSA

²¹ Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

YESAYA 30:21 Referans Kwoze

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

TAHIUL᷊E 5:32

Tuṛṛa-tuṛṛangku, paatuṛṛutta ringannu mapia al᷊awo'u parentan Mawu Ruatanu si'o. Imbaṛṛangnga lumawangnga saran sambau wuassu manga parenta udde.

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

YOSUA 1:7

Tumba'u ṛinone i'o atonna-tonna mangimanna wuṛṛu waṛṛani. I'o ṛinone uanaungnga tadea'u i'o tuttuṛṛuta anambon tita apan nionggoli Musa allang-Ku udde si'o, imbaṛṛangnga abul᷊ianannanu ne i'o sarun ma'aola'a sarangkanambone.

AMSAL 4:27

Pangindauten al᷊al᷊eo, wuṛṛu pabbiakke ringannu matul᷊idda. Imbaṛṛangnga sumewadda wuassu lal᷊anna apan atonna.

YESAYA 29:24

Taumata woddo sarun mangurumma tadea'u maasunna wuṛṛu taumata apan sidutu sussawutulla sarun mal᷊uassa aṛṛaanna.”

2 MARARATU 22:2

I Yosia pallal᷊agune maal᷊uassa naungngu Mawu. I tou nangaṛṛussa pallal᷊agun Ratu Daud al᷊amonane, wuṛṛu mappaamattu titan Duata ringannu ahewallu naungnge.

YOSUA 23:6

Ana waugu udde, paatehamma tadea'u i yamiu sidutu tuttuṛṛuta wuṛṛu mapaamattu al᷊awo'a apan uawoṛṛeta su lal᷊ummu Wuken Tita Musa. Imbaṛṛangnga lumawanna saran sambau wuassu manga tita udde.

1 YOHANES 2:27

Arawe su ola'i yamiu sassane, Kristus suete namobboku Ghaṛṛaho-Ne si yamiu. Wuṛṛu sulal᷊ummu Ghaṛṛaho-Ne ta'e ringanni yamiu, arie pia taumata waine mangaṛṛa'a si yamiu. Ana waugu Ghaṛṛaho-Ne mangngaṛṛa'a si yamiu su ola'u al᷊awo'a; wuṛṛu apa apan ia'aṛṛa-Nge udde atonna, wal᷊ine wahia. Ana waugu udde, ṛinone i yamiu tumuṛṛutta apa apan niaṛṛa'u Ghaṛṛaho udde, wuṛṛu ṛinone i yamiu sidutu mabbiakka uaaukka ringanni Kristus.

1 YOHANES 2:20

Arawe i yamiu suete nanengkamma Ghaṛṛahon Duata apan niwobboki Yesus Kristus wuṛṛu ana waugu udde i yamiu sarangkanambone maaillal᷊a al᷊aṛṛa'a apan naṛṛino udde.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.