YESAYA 30:19 - WUKE SUSI WATTI'U AL᷊AL᷊USASSA

¹⁹ Ei i yamiu apan uatana'a su Yerusalem, i yamiu tawe sidutu mangke lulluai. Mawu pia aakkanna, wuṛṛu ringannu mal᷊ihakka sumimbakka si yamiu amungkangngu sumal᷊ande maddorongnga tul᷊unganna si Tou.

YESAYA 30:19 Referans Kwoze

YESAYA 60:20

Ete si'o pia matannallo apan tawe umattuppa, wuṛṛu wul᷊anna apan tawe mansa'a. Ana waugu i Ya'u Mawu maola'a mananemakka apan tutune si'o tempon lal᷊alonu sarun masue.

YESAYA 65:24

Tantal᷊anna i mangitou taambe naddorongnga, i Ya'u buatte sinumimbakka; tantal᷊anna i mangitou taambe nuddussa inumal᷊iomanna, i Ya'u buatte naddaringikka aal᷊iomanni mangitou.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

YESAYA 58:9

Amungkangngu i yamiu umal᷊iomanna, i Ya'u sarun maddaringikka. Amungkangngu i yamiu ma'ilal᷊are si Ya'u, i Ya'u sarun sumimbakka. Ariete pangallangnga sansul᷊ungngu, addoa'e pasaseetta wuṛṛu aal᷊uandaga.

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”

LUKAS 6:21

Lal᷊umanna'a i yamiu apan mal᷊unussa orassa indi; i yamiu sarun iapaal᷊aidda! Lal᷊umanna'a i yamiu apan lulluai orassa indi; i yamiu sarun lumagge!

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

YEREMIA 33:3

“Sal᷊andete si Ya'u, ne i Ya'u sarun sumimbakka; sarun Ta'u iapasingkatta si yamiu manga inolaanna apan maṛṛamaga wuṛṛu maatiangnga apan ta'e awaganannu.

YESAYA 65:9

Sambageanganna taumatan Israel wuassu ṛuanganni Yehuda sarun Ta'u al᷊amatanna, wuṛṛu papapulunni mangitou sarun maapussa'a leta'u panenteang-Ku. Manga taumata nipile-U apan mattaṛṛamawu si Ya'u sarun matana'a poiaroddi.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

SONDAPPA 5:4

Ne i ya'u nilumuai atonna-tonna ana waugu tawe saran sangkatou apan wotongnge maawu'a wuke udde, wuṛṛu ma'ellega lal᷊umme.

EFESUS 3:20

Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

ROMA 11:26

Ete aroddi anambon taumatan Yahudi sarun masal᷊amatta. Ana waugu sulal᷊ummu Wuke Susi uawoṛṛetta arendi, “Ratun Punnu Sal᷊amatta sarun rumanta wuassu Sion; I Tou sarun manubbussa anambon al᷊al᷊eon papapulunni Yakub.

MIKHA 4:9

Anio i'o nilumuai ete maggontol᷊anna? Anio i'o tawe uatahuanna ratu, wuṛṛu manga mananantironu natete?

YEHEZKIEL 36:37

Mawu Apan Atanggaṛṛanne nabbisara, “Ei walahannu Israel, i yamiu Ta'u iwala apia maiontolla si Ya'u; i Ya'u sarun manimu reengannu ere ammul᷊annu domba.

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

YEREMIA 31:6

Atonna, sarun a'omanna tempone manga mandariaga soa umui su panenteannu Efraim, ‘Wette i ite sumaate su Sion, ringannu Mawu Ruatang kite.’ ”

YEREMIA 30:12

Mawu nabbisara su uman-Ne: “Raddangngu tumaniten mawakkatta, su lessanu tawe undamme.

YESAYA 10:24

Mawu Apan Lembontaṛṛino mabbisara uman-Ne apan uatana'a su Sion, “Arie pa'ata'uttu taumata Asyur, salaiwe i mangitou mangngallanga wuṛṛu mannansara si yamiu ere niola'u taumatan Mesir dorone.

YEHEZKIEL 20:40

Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

YEREMIA 51:10

Umattu Mawu nabbisara, “Mawu buatte napal᷊iatta'a manungku i ite su samba'a apan naṛṛino. Wette inaite watukku Yerusalem wuṛṛu mabbatti'a poiaroddi apa apan buatte niola'u Mawu Ruatang kite.”

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

YESAYA 65:18

Lalluasse wuṛṛu lallala'e saran mal᷊annu-l᷊annu ana waugu sarangkanambone apan niriaddi-U. I Ya'u na'ola'a Yerusalem wakku napenen al᷊al᷊uassa, wuṛṛu tumanangnge pasi lagge.

YESAYA 33:2

Oh Mawu, tal᷊antupa'awe i yami. Ete I'o apan pangantimanni yami. Lu'arewe i yami wuassu allo maddatingngu allo wuṛṛu sal᷊amatewe i yami sutempo masuṛṛipitta.

YESAYA 41:17

Napawe pabbawala-U apan susa udde maddea'a ua'e, wuṛṛu tonggol᷊anni mangitou namara ana waugu marou, ne i Ya'u, Mawu, sarun sumimbakka aal᷊iomanni mangitou; Ruatan Israel sarun tawe manantangngu uman-Ne.

YESAYA 65:19

I Ya'u sassane sarun lumuassa ana waugu Yerusalem, wuṛṛu lumala'a ana waugu tumanangnge. Su soa udde tate lai lal᷊uai, wuṛṛu tate lai aintul᷊i ma'iontolla.

YEREMIA 31:16

Illol᷊oa'e lal᷊uainu wuṛṛu peddate allo matanu! Sahaddu sarun pia lal᷊antakke su al᷊aṛṛanangngu. Si'o sarun pia bawal᷊inne, manga anangngu sarun mapul᷊e wuassu wanuan seetta.