YESAYA 30:17 - WUKE SUSI WATTI'U AL᷊AL᷊USASSA

¹⁷ Saṛṛiwu su atoune sarun tumal᷊angnga maasilo wawansagu sangkatou seetta, wuṛṛu wawansagu siri lima maaola'a si yamiu tumal᷊angnga abbi-abbi. Wuassu tantaranu tumba'u matantangnga sambau pul᷊on baneṛṛa su puiddu wuidda.

YESAYA 30:17 Referans Kwoze

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

IMAMATTA 26:36

Manga taumatanu apan uatana'a sulal᷊ummu pamuanganna su wanua waine, sarun Ta'u olaanna tumaniten matta'utta, na'oman sara tingikku rongnga apan nitiuppu anginna na'atal᷊anga si mangitou. I yamiu sarun tumal᷊anga naal᷊ihida a'enggenanna sulal᷊ummu pangalo, ana see nal᷊iundu'a salaiwe tawe seetta maraninu.

YOSUA 23:10

Sangkatou taumata su wallati yamiu wotongnge maal᷊uṛugu taumata su ṛiwune, ana waugu ete Mawu Ruatanu apan mamangalo hunan kamiu, ere buatte nipa'ire-Ne.

IMAMATTA 26:8

ringannu siri lima i yamiu wotongnge mamaddon maṛṛasutta su atoune, wuṛṛu ringannu maṛṛasutta su atoune i yamiu wotongnge mamaddon mapul᷊o ṛiwu su atoune.

AMSAL 28:1

Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.

ROMA 11:17

Sangkawageanganna wuassu manga rannang alu zaitun – eteudde manga taumatan Yahudi – niattibba. Wuṛṛu su lanna'u attibba udde nireeta rannan kalu zaitunna lul᷊u, eteudde manga tuṛṛangnga apan wal᷊ine Yahudi. Tuṛṛangnga nireeta isudde tadea'u tuṛṛangnga maattemma al᷊awo'a apan mapia wuassu pabbawiakku ṛimuudu manga taumatan Yahudi.

ZEFANYA 3:12

Poiaroddi sarun Ta'u iwala mamanua sambau walahanna apan naungnge mawawo, apan mangngasakku tul᷊ungang-Ku. I mangitou wotongnge matana'a poiaroddi.

YEREMIA 37:10

Unnuwisara i yamiu maawaddo anambon tantaran Babel ma'oman sara mallambe ete ingana'a nangkal᷊essa wahewalla sulal᷊ummu manga rasanni mangitou, arawe i mangitou sarun mabbuatta wuṛṛu manoṛṛobba sara masue soa indi.’ ”

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YESAYA 6:13

Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

LAL᷊ALLU 4:19

Mangangenggenni yami tumaniten mal᷊ihakka mallihaṛṛanna wuassu manu'a rajawali. I mangitou mangngenggenna si yami su wowone, wuṛṛu nangampangnga si yami su wadda'u anne.

AMOS 2:14

Tumatal᷊angnga apan mal᷊ihakka lai sarun tawe maal᷊assangnga, taumata matohassa sarun awul᷊iannu ikkanne, wuṛṛu taumata waṛṛani tawe mapanal᷊amatta watanganne sassane.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.