YESAYA 30:16 - WUKE SUSI WATTI'U AL᷊AL᷊USASSA

¹⁶ Ewe'e i yamiu lai maṛṛingidda mallinda'u watanganni yamiu wuassu seetta ringannu uasa'e awal᷊o apan mal᷊ihakka. Mapia! Atonna i yamiu ṛinone tumal᷊angnga! I yamiu maṛṛingidda awal᷊onu udde mal᷊ihakka tatal᷊angnge, wutte'e manga mangangenggennu mallihaṛṛanna marau tatal᷊angnge.

YESAYA 30:16 Referans Kwoze

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 31:3

Taumata Mesir tumbau taumata, wal᷊ine Ruata. Awal᷊on mangitou riaddianna wiasa, wal᷊ine mawu. Napawe Mawu mammanarate, walahanna apan mantul᷊ungnga udde sarun itara wuṛṛu walahanna apan nitul᷊ungnga udde sarun manawo. Ne itarua sarun mate.

HABAKUK 1:8

Awal᷊o mallihaṛṛanna wuassu macan tutul, wuṛṛu maṛṛagisanna wuassu serigala apan mal᷊unussa. Tantaran awal᷊onne nirumanta wuassu manga wanua marau; i mangitou nirumanta naahil᷊idda asiaṛṛe apan nangapatta inanne.

MIKHA 1:13

I yamiu tumana'a Lakhis, pasea'e awal᷊o su Keretan pangalo! I yamiu nattanno manga rosa apan niola'a Israel na'oman sara Yerusalem narosa lai.

AMOS 9:1

I ya'u naasilo Mawu uarisikka maranin mezbah. I Tou nangonggollu parenta indi, “Puulle pa'ikka-ikkatta manga puan diṛṛi su Wal᷊e-U tadea'u ahewallu panumbal᷊ene umio'a. Paṛṛaa'e manga diṛṛi udde su puan manga taumata. I mangitou apan tawe mate sarun Ta'u pateanna sulal᷊ummu pangalo. Tawe saran sangkatou apan tawe maatal᷊angngu watanganne, tawe saran sangkatou apan maal᷊aassangnga.

LAL᷊ALLU 4:19

Mangangenggenni yami tumaniten mal᷊ihakka mallihaṛṛanna wuassu manu'a rajawali. I mangitou mangngenggenna si yami su wowone, wuṛṛu nangampangnga si yami su wadda'u anne.

YEREMIA 52:7

darandungngu soa nihohakku seetta. Ṛabbi udde, salaiwe taumatan Babel tantal᷊anna malliwunna soa udde, anambon tantaran Yehuha tinumal᷊angngu watanganne mattuddan Bawal᷊annu Yordan. I mangitou niumamattu lal᷊anna sumabbi waillu araratuanna, wua'udde sinumabbangnga wuassu ngara pasallanganna apan uasampa'u darandungnga darua su tampa udde.

YEREMIA 4:13

Pa'ellege, seetta sinumabbangnga ere winabbawa. Manga keretan pangalone ere anginna al᷊isusu, manga awal᷊one mallihaṛṛanna wuassu manu'a rajawali. Uare, i ite nasilakate! I ite matete!

DARALO 147:10

Apuluannu Mawu wal᷊inewe awal᷊o apan matohassa; wal᷊ine lai tantara apan waṛṛani.

DARALO 33:17

Awal᷊o tawe iawansaga maauntunga, atatohanne apan wahewalla tawe maasal᷊amatta.

TAHIUL᷊E 28:49

Sambau walahanna apan tawe asunnanni yamiu wisarane sarun iaparantan Mawu wuassu pentakku runia iaparoappa si yamiu. Naal᷊ihidda manu'a iamba i mangitou mangametta si yamiu.

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

2 MARARATU 25:5

Arawe tantaran Babel nangenggena si Ratu Zedekia, wuṛṛu nisametta su leta'u Yerikho. Anambon tantarane tinumal᷊anga nanantangi tou.

YESAYA 2:7

Wanuane napenen sal᷊a'a wuṛṛu wul᷊awanna, wuṛṛu darotongnge tawe iareengnga. Awal᷊one tumaniten manambo, wuṛṛu keretane tawe iareengnga anambone.

YEREMIA 39:4

Sutempo i Ratu Zedekia wuṛṛu anambon tantarane naasilo al᷊awo'u arariaddianna udde, i mangitou maddea'a lassanganne tumal᷊angngu watanganne inai watukku Wawal᷊annu Yordan ṛabbi udde lai. I mangitou niumamattu lal᷊anna sumabbi waillu wungan araratuanna, see sinumabbangnga nalliu ngara pasallanganna apan passombannu darandungnga darua su tampa udde.

YEREMIA 46:6

Iapa matikko'a tawe naatal᷊angngu watanganne, wuṛṛu iapa matohassa tawe naal᷊iu wuassu seetta. I mangitou natara wuṛṛu nanawo su sawannakka, su wiwikku Sal᷊ukku Efrat udde.

AYUB 39:11

Wotongngewe i'o mangasakku auatanne apan matohassa, wuṛṛu manantillu manaranu apan mawakkatta si tou?