YESAYA 30:15 - WUKE SUSI WATTI'U AL᷊AL᷊USASSA

¹⁵ Mawu Apan Atanggaṛṛanne, Ruata susin Israel, nabbisara uman-Ne, “Awal᷊ute wuṛṛu paatammudda, ne i yamiu sarun iapasal᷊amatta. Pangimante si Ya'u ringannu naungnga apan matana'a, ne i yamiu sarun tohasang-Ku.” Arawe i yamiu maddiri!

YESAYA 30:15 Referans Kwoze

YESAYA 32:17

Suapan taumata sarun ma'ola'a ringannu naṛṛino, na'oman sara pia atatahul᷊andimma wuṛṛu langnganna saran mal᷊annu-l᷊annu.

LUKAS 13:34

Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri!

YOHANES 5:40

Arawe i yamiu maddiri rumanta ringang-Ku tadea'u maasomba wiakka apan tawe panguddusanne.

1 TAWARIKH 5:20

Manga tantara udde mangngimanna Ruata wuṛṛu ma'iontolla si Tou, ne Ruata naddaringikka darorongngi mangitou wuṛṛu nangonggolu auntunganna si mangitou su manga taumatan Hagri wuṛṛu manga hawene.

2 TAWARIKH 16:8

Wal᷊inewe Sudan wuṛṛu Libia uatahuanna tantara apan manambo ringannu keretan pangalo wuṛṛu tantara uasa'e awal᷊o? Salaiwe aroddi Mawu nangonggolu auntunganna si yamiu, ana waugu i'o uaantimma si Tou.

2 TAWARIKH 32:8

I tou uatahuanna atatohassu taumata, arawe i ite uatahuanna Mawu Ruatan kite iapasumbala i ite mapapangalo.” Naaringikka manga wisaran ratun mangitou, tumana'u soa nabbal᷊ite waṛṛani.

YESAYA 7:4

Wal᷊oa'e su ratu manungku i tou ṛinone uasaddia, arawe sidutu paatammudda. I tou tawe wotongnge mata'utta ara'e umal᷊iwu. Aasa'un Ratu Pekah wuṛṛu Ratu Rezin ringannu tantarane manga taumatan Siria udde, tawe tumaniten maasilaka wuassu ruan bua anutungnga pia timbulle.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

YESAYA 30:7

Tul᷊ungannu Mesir naola'a tawe gunane. Ana waugu udde Mesir nisaggo, ‘Naga apan tawe maasilaka.’ ”

MATIUS 22:3

Ratu udde nandolokku manga ralol᷊oṛṛanne inai iapasal᷊oho manga taumata apan suete niwal᷊oanna su andeangnga udde. Arawe manga taumata apan niwal᷊oanna udde madiri rumanta.

YEREMIA 23:36

I mangitou tate wotongnge lai mappaattu wisara ‘winabbawa Mawu’. Amungkangngu ta'e piaddu mappaattu wisara udde, ne i Ya'u na'ola'a tanata-U atonna-tonna winabbawa si tou. Taumata apan mabbisara ‘winabbawa Mawu’ tumba'u mammal᷊elongngu wisara-U, Ruata mangitou, Ruata apan biakka, Mawu Apan Lembontaṛṛino.

YESAYA 30:11

Passal᷊iute, wuṛṛu paddea'e lal᷊anna waine. Arie mallimbatta si yami ringannu Ruata na'ukkassa su Israel.”

SASABANGNGA 14:14

Mawu sarun manahekki yamiu, wuṛṛu i yamiu manin tawe ma'ola'a apa-apa.”

DARALO 116:7

I'o napatammudu naungku, ana waugu Mawu mapia si ya'u.

YESAYA 28:12

Mawu nangonggollu tampa pangillol᷊oanna si yamiu sarangkanambone, arawe i yamiu maddiri maddaringikka si Tou.

YESAYA 32:18

Umattu Ruata sarun mapallossa wuassu asasusa wuṛṛu mabbiakka su tampa mal᷊annabba wuṛṛu mal᷊angnganna.

YESAYA 42:24

Isaite apan nanantillu Israel iapaaṛṛo? Wal᷊inewe Mawu udde sassane? Ete su saruanni Tou i ite ma'ola'a rosa, i ite tawe mabbiakka tumuṛṛuttu parenta-Ne, wuṛṛu tawe maddaringikka al᷊aṛṛang-Ne.

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.