YESAYA 30:14 - WUKE SUSI WATTI'U AL᷊AL᷊USASSA

¹⁴ I yamiu sarun maṛṛimunsa'a ere urinna leta'a apan napesangnga nattal᷊eṛṛonga, na'oman sara suwallattu pesangnge tateddu wotongnge ipaatta ipanganu waṛṛa wuassu sunggilla ara'e ipangabba ua'e wuassu tampane.”

YESAYA 30:14 Referans Kwoze

DARALO 2:9

I mangitou sarun ta'u paddianna ringannu ta'inna atta'a wuṛṛu Ta'u pesanganna ere urinna leta'a.’ ”

ROMA 11:21

Ana waugu amungkangngu Ruata tawe umakkannu taumatan Yahudi iramme ere manga ranna tutune udde, arie passunna manungku i Tou mappau mandammenu!

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

LUKAS 4:2

Isudde i Tou niwono'annu Setanna appattu pul᷊o allo al᷊annune. Su al᷊o'engngu allo udde, i Tou tawe inumanna manga apa. Nariaddi panginsueanne i Tou naapendamma mal᷊unussa.

YEHEZKIEL 24:14

I Ya'u, Mawu Apan Atanggaṛṛanne buatte nabbisara. Nia'omante tempone si Ya'u mammanara. I Ya'u sarun tawe maabul᷊in paddarosanu wuṛṛu tawe lai mangampungnga ara'e umakkannu. I'o sarun iṛṛuumanna uasul᷊ungngu al᷊awo'u inolaannu. I Ya'u Mawu Apan Atanggaṛṛanne buatte nabbisara.”

YEHEZKIEL 9:10

I ya'u tate umakkanni mangitou. Sarun Ta'u olaanna si mangitou apa apan niola'i mangitou su taumata waine.”

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

YEHEZKIEL 7:9

I Ya'u tawe umakkanna ara'e mangonggollu ampungnga si'o. I Ya'u sarun makkuumanni yamiu uasul᷊ungngu al᷊awo'u al᷊al᷊eo apan buatte niola'i yamiu. Ne i yamiu masingkatte manungku ete i Ya'u Mawu wuṛṛu ete i Ya'u apan makkuumanni yamiu.”

YEHEZKIEL 7:4

I Ya'u tawe umakkannu ara'e mangonggollu ampungnga si'o. I Ya'u sarun makkuumannu uasul᷊ungngu al᷊awo'u inolaanna maasili apan buatte niolangngu. Ne i'o masingkatte manungku ete i I Ya'u Mawu.”

YEHEZKIEL 5:11

I Ya'u uddewe Ruata apan biakka, Mawu Apan Atanggaṛṛanne, wuṛṛu indiwe wisara-U: Ana waugu i'o buatte nandal᷊eo Wal᷊e-U ringannu al᷊awo'u inolaannu apan dal᷊eo wuṛṛu maarantinna, i Ya'u sarun makkimunsa'a si'o ringannu tawe ampunge.

YEREMIA 48:38

Roso su anambon sal᷊awon bal᷊e wuṛṛu su manga tana lapangnga tumba'u aaringiṛṛanna lal᷊uai. Ana waugu Moab buatte Ta'u nipesangnga ere wensadda apan ipaaddiri.

YEREMIA 13:14

Wua'udde i mangitou Ta'u ipatatenggoka sambau ringannu waine. Timmadde dario'a sarun Ta'u olaanne aroddi ringannu tawe ampungnge. I mangitou sarun Ta'u pateanna ringannu tawe apendamma u'akkanna ara'e tuttal᷊antuppa. I Ya'u, Mawu, buatte nabbisara.”

YESAYA 47:14

Pa'ellege; i mangitou ere laṛṛami apan niepoddu putungnga; i mangitou tawe mapaanal᷊amatta watanganni mangitou sassane! Ṛenggammu putungnga udde tumaniten masal᷊ihangnga si mangitou, wal᷊inewe putungnga masal᷊ihangnga panningiṛṛanna.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

DARALO 31:12

I ya'u naola'a papal᷊age su anambon see'u, ewe'e lai su manga al᷊indongangku. Anambon hawe'u niṛṛumindu'a napawe naasilo si ya'u, i mangitou tumal᷊angnga napawe massomba'u su lal᷊anna.

AYUB 27:22

I tou niaṛṛiaanne ringannu tawe aakkanne, wuṛṛu naal᷊are tinumal᷊angnga naddea'a pattilummanna.

TAHIUL᷊E 29:20

Mawu tawe mangampungnga taumata ereudde. Arawe i tou sarun aṛṛinoannu asasa'um Mawu apan ahewal᷊anne, wuṛṛu al᷊awo'u asasusa apan uawoṛṛetta sulal᷊ummu wuke indi sarun maṛṛia'a si tou, na'oman sara i tou pateannu Mawu.

AMSAL 6:15

Sarangkanambone udde maola'a silaka maṛṛia'a su watanganne ringannu mal᷊ihakka, wuṛṛu i tou mangke maṛṛimunsa'a.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

YESAYA 65:7

ana waugu rosa mangitou wuṛṛu rosa al᷊amona mangitou. I mangitou mallobbossa si Ya'u ringannu mannambunnu amania huna manga monganna su tampa pasasubbanna su wuidda. I Ya'u buatte nabbal᷊issa si mangitou uasul᷊ungngu inolaanni mangitou su allo nanangkal᷊iu.”

LAL᷊ALLU 4:2

Dorone manga saṛṛen tumuwo su Soa Sion ere wul᷊awanna apan maarega, arawe orassa indi naola'e ere wensadda wuassu leta'a.