YESAYA 30:10 - WUKE SUSI WATTI'U AL᷊AL᷊USASSA

¹⁰ I mangitou mabbisara su manga nabi, “Paal᷊annabba tutuwa'a moṛṛongnga! Arie pabbal᷊o si yami apa apan naṛṛino, ewe'e apa apan aapuluanni yami udde daringiṛṛanna. Wala'e i yamiu sidutu mabbal᷊iawa.

YESAYA 30:10 Referans Kwoze

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

AMOS 7:13

Imbaṛṛangnga mannase apia su Betel. Soa indi tumba'u hunan datu, wuṛṛu tampa patataṛṛamawuannu araratuanna.”

AMOS 2:12

Arawe i yamiu nangonggollu ua'e anggore su taumata Nazir, na'oman naaola'a si mangitou nilumawangnga paaire. Wuṛṛu i yamiu manningaddu manga nabi mamasingkattu tanata-U.

YEREMIA 11:21

Manga taumatan soa Anatot mappulu tadea'u i ya'u mate. I mangitou mabbisara, “Amungkangngu i'o mangke sidutu mammasingkattu manga tanata Mawu si yami, i'o sarun pateanni yami.”

SONDAPPA 11:7

Napawe i mangitou suete nabbatti'u watti'i mangitou, winatangnga apan sinumabanga wuassu rampisu papate sarun lumawanna si mangitou.

YEREMIA 23:17

Su manga taumata apan maddiri maddaringikka manga wisara-U, i mangitou sidutu mabbisara, ‘I yamiu sarun masal᷊amatta.’ Wuṛṛu suapan taumata apan maatikka puane i mangitou mabbisara, ‘I'o sarun tawe maasomba silaka.’ ”

MIKHA 2:11

I yamiu mappandumma nabi apan apulune mammahia wuṛṛu mallinga see mammasingkatta manungku i yamiu sarun maatahuanna anggore wuṛṛu ua'e apan maawu'anna nilumambalanna.”

MIKHA 2:6

Manga taumata mannase si ya'u, wisarane, “Imbaṛṛangnga mannase si yami. Imbaṛṛangnga mannase su ola'u sarangkanambone udde. I yami sarun tawe maasomba asasili.

1 MARARATU 22:27

Doloṛṛa'a i mangitou mantaṛṛon tou sulal᷊ummu tuttupanna, wuṛṛu mangonggolla si tou anna wuṛṛu ua'e addio'a ma'oman sara i ya'u mabbelengnga ringannu sal᷊amatta.”

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

GALATIA 4:16

Apa i yamiu orassa indi massunna si ya'u ere seetta, ana waugu i ya'u mabatti'u apapia si yamiu?

WATTI'U MANGA RASUL 5:28

I tou nabbisara, “I yami suete naningaddi yamiu tadea'u ariete pangaṛṛa'u arannu taumata udde. Arawe orassa indi pa'ellege apa inolaanni yamiu! I yamiu mannal᷊iawukku al᷊aṛṛa'i yamiu su ahewallu Yerusalem, wuṛṛu i yamiu mangngansilla manungku ete i yami nipandansilanannu papaten taumata udde.”

WATTI'U MANGA RASUL 4:17

Arawe tadea'u hatto indi tawe massal᷊iawukka su manga taumata, wette i ite mapaanaungngi tarua manungku tate wotongnge itarua mabbisara taumata ringannu mappaattu arannu Mawu Yesus.”

YOHANES 8:45

Arawe i Ya'u mabatti'u atatul᷊idda, wuṛṛu ana waugu eteudde i yamiu maddiri mangngimanna si Ya'u.

YOHANES 7:7

Runia indi tawe marantinni yamiu. Arawe i Ya'u atonna-tonna ia'arantinnu runia, ana waugu i Ya'u sidutu mabbisara runia manungku inolaanne lal᷊eo.

YEREMIA 38:4

Ne inaite manga tembonanne udde ringannu ratu wuṛṛu nabbisara, “Taumata indi ṛinone iṛṛuumanna pateanna. Ana waugu, ringannu nabbisara aroddi i tou mangngaddio'a ikkattu anambon tantara wuṛṛu taumata waine apan ta'e uatana'a su soa indi. I tou tawe mantul᷊ungnga tumanangnge, ewe'e lai manilaka si mangitou.”

YEREMIA 29:27

Arawe anio i'o tawe mangatokki Yeremia taumatan Anatot udde apan naola'e ere nabi suwallattu walahanni ite?

YEREMIA 26:11

Manga imam wuṛṛu manga nabi nabbisara su manga tembonanne udde wuṛṛu su tumanangnge, “Taumata indi ṛinone iṛṛuumanna pateanna ana waugu buatte napasabbangngu manga wisara apan lullawangnga soang kite indi. I yamiu sassane buatte naaringikka si tou.”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

2 TAWARIKH 16:10

Wisaran Nabi Hanani udde naasa'u si Asa na'oman sara nabi udde nitaṛṛon Asa sulal᷊ummu tattupanna. Orassa udde lai Asa nanansara manga pira taumata wuassu tumanangnge.

2 TIMOTIUS 4:3

Ana waugu sarun a'omanna tempone taumata maddirite lai maddaringikka al᷊aṛṛa'a apan naṛṛino. Arawe i mangitou sarun tumuṛṛutta apulu mangitou sassane, wuṛṛu mangammulu huru manambo iapaaṛṛa'u manga inolaanna apan mapia su aringikku tal᷊ingan mangitou.

2 TIMOTIUS 4:4

I mangitou sarun maṛṛapinga tal᷊inga su watti'a atonna, arawe sarun maddaringikka wa'e tawe gunane.

1 SAMUEL 9:9

“Ore, aroddite!” sasimbakki Saul. “Wette iaddua inaite.” Ana see itarua inaite watukku soa, su tampan allangngu Ruata udde. Sutempo i mangitou sussaate wuidda mattudda soa udde, itarua nassomban siri pira maṛṛuala apan inai mania ua'e su paṛṛihi. Ana see itarua naiwal᷊o manga maṛṛuala udde, “i taṛṛa si'atta poi su soa?” (Tempo udde sangkatou nabi isassago taṛṛa si'atta, nariaddi amungkangu pia sangkatou ma'apulu maiwal᷊o Ruata, i tou mabbisara arendi, “Wette i ite inaite ringannu taṛṛa si'atta.”)

YESAYA 5:20

Nasilakate i yamiu apan mammal᷊elongngu apapia wuṛṛu al᷊al᷊eo, apan marandumma wuṛṛu masemakka, apan mapetta wuṛṛu matemangnga!

YESAYA 29:10

Mawu na'ola'a si yamiu a'amatiil᷊anna wuṛṛu mattiilla mal᷊angnga. I Tou nanaappa mata manga nabi wuṛṛu nallindumma hati manga taṛṛa pasi'atta.

YEREMIA 36:29

Mawu nandolo'u niapawal᷊o arendi su ratu, “I'o buatte nanutungnga buke lalul᷊unna udde, wuṛṛu i'o naiwal᷊o si Yeremia anio i tou namoṛṛetta manungku ratun Babel sarun dumanta wuṛṛu makkimunsa'a wanua indi see mamate tumanangnge suadio'a ringannu manga winatangnga.

AYUB 41:3

Asinungka i tou sumal᷊ande si'o tadea'u ipallossa? ara'e ma'irenu maddorongnga aakkanna?

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.