YESAYA 3:14 - WUKE SUSI WATTI'U AL᷊AL᷊USASSA

¹⁴ Mawu naola'a mallaṛṛuungnga su manga mamamiaṛṛa'u uman-Ne. Eteindi papaṛṛansillu Mawu si mangitou: “Ete i yamiu apan nangaṛṛo wuan manga wawail᷊annu anggore; wal᷊enu napenen darotongnga apan niaṛṛon kamiu wuassu taumata asiangnga.

YESAYA 3:14 Referans Kwoze

AYUB 22:4

Wal᷊ine ana waugu atata'unnu su Ruata, i'o niansil᷊anna wuṛṛu ereola'u nassal᷊a,

YAKOBUS 2:6

Arawe i yamiu ewe'e mangngal᷊uandaga taumata asiangnga, wutte'e ete taumata ala apan mandal᷊eo wuṛṛu mangngapidi yamiu watukku pallaṛṛuumanna.

AMOS 4:1

Paddaringikke, ei manga wawinen Samaria apan aatambanna atawane ere manga sapi matawa su Basan! I yamiu mangngallangnga taumata lome, mammoddo taumata asiangnga, wuṛṛu maddorongnga tadea'u awingngu sidutu mannaddia ua'e maawu'anna si'o!

YEREMIA 5:27

Ere mananaputta manu'a nantaṛṛo manu'a lai su sal᷊akke, aroddi lai i mangitou mantaṛṛo wal᷊en mangitou ringannu manga saranapa apan niwahianna. Etearoddi i mangitou naola'a mattaṛṛino wuṛṛu naala

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

DARALO 143:2

I ya'u indi allang-Ngu, ariewe i ya'u ṛuunganna, ana waugu tawe taumata apan tawe sal᷊ane su saruan-Nu.

DARALO 14:4

Unnu Mawu, “Apa manga taumata lal᷊eo udde tawe maatutukka? I mangitou mabbiakka ringannu manna'o al᷊aṛṛana-U wuṛṛu tawe saran paassa niumal᷊iomanna si Ya'u.”

AYUB 24:9

Taumata apan mangngallangnga ana'a apan tawe hagurangnge, wuṛṛu nanganu ana'a addio'a wuassu taumata asiangnga apan pia awallassa si tou.

MATIUS 21:33

“Daringiṛṛe sasumandingnga sambau indi lai,” unnu Mawu Yesus. “Sangkatou tatahuannu leta'a nassuanna su sambau waillu anggore. I tou na'ola'a paggala pinamal᷊iwutta, wuṛṛu na'al᷊i, loṛṛangnga pangadoannu pamamakannu anggore, wua'udde niapararisikke wal᷊em pandariaganna. Wua'udde i tou napasewatem baillu anggore udde su mamamanarane, see i tou nangingkatte su wanua waine.

MIKHA 6:10

Su wal᷊en manga taumata lal᷊eo pia darotongnga apan niasombanganna ringannu wawahia. I mangitou mappaattu aul᷊aanna ipallinga, sambau inolaanna apan i Ya'u iaarantinna. Taumata apan na'ola'a udde sarun i Ya'u iṛṛuumanna.

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

AYUB 34:23

Ruata salaiwe tawe manantunnu tempone, taumata rumanta ṛuungannu Ruata.

AYUB 24:14

Sutempo maraninnallo i taṛṛa pate nabbangunna wuassu atatiille, wua'udde sinumabbangnga wuṛṛu namate taumata asiangnga, wuṛṛu tantal᷊anna taambe maruaallo, i tou mangngal᷊oto'a naal᷊ihidda manana'o.

AMSAL 30:14

Pia taumata apan maddea'a wiakka ringannu araṛṛagissa; i mangitou mal᷊aṛṛaga wuṛṛu mallinga taumata asiangnga see lai taumata lome.

YESAYA 10:1

Nasilakate i yamiu apan nakkiinnu manga tita apan wengkolla ipangallangnga pabbawala-U.

YESAYA 10:2

Ringannu olangnge udde i yamiu mannal᷊awa'u taumata asiangnga maasomba hakkane wuṛṛu atatul᷊idde, wuṛṛu nangaṛṛo darotongngu manga wawine wal᷊u asisitimpal᷊ussa.

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.

YESAYA 14:30

I ya'u sarun aṛṛiaannu al᷊aṛṛutumma apan masaddatta, wuṛṛu anambon taumata apan nallambe sarun pateanna. Mawal᷊i'a, taumata apan aasianganne wuassu umattu Mawu sarun maasomba anna, wuṛṛu manga taumata lome sarun mabbiakka ringannu masunge matahul᷊andimma.

YESAYA 26:6

Manga taumata asiangnga wuṛṛu susa sarun makkinda si mangitou.”

YESAYA 29:19

Manga taumata asiangnga wuṛṛu lal᷊ebbone sarun maapendamma apia lal᷊umannange apan nionggollu Ruata na'ukkassu Israel.

YESAYA 30:12

Ana waugu udde Ruata na'ukkassa su Israel nabbisara arendi, “I yamiu nanol᷊a'u wisara-U wuṛṛu mangngasakku ara'e tinumantaṛṛimanna pangangallanga wuṛṛu pamamahia.

YESAYA 58:4

Tantal᷊anna mappuasa, i yamiu uatatiakka wuṛṛu uawawul᷊o wuṛṛu ma'inolaanna ringannu maṛṛagissa. Sunnanu ola'i yamiu mappuasa udde mangal᷊ore-U see maddaringikka manga aal᷊iomannu?

YEHEZKIEL 18:12

I tou apulune mallinga taumata asiangnga, mangngaṛṛo, mangnganu saranapa wataṛṛun taumata apan nabballassa si tou. I tou inaite su manga kuillu taumata apan tawe maaillal᷊a Mawu wuṛṛu massubba paal᷊uanna apan ma'arantinna.

YEHEZKIEL 20:35

See i yamiu sarun Ta'u iapidda watukku ‘Wadda'u Manga walahanna’. Poiaroddi i yamiu sarun Ta'u parikisanna ringannu uahahati,

YEHEZKIEL 20:36

ere lai buatte Ta'u niola'a su saruannu al᷊amonanu su Wadda'u Sinai. I Ya'u Mawu Apan Atanggaṛṛanne buatte nabbisara.

MIKHA 3:3

I yamiu niuminassa walahangku. Pisine mangke nihesa'i yamiu wuṛṛu manga duṛṛine niṛṛimunsa'i yamiu. I yamiu mangke nanattadda si mangitou nal᷊ihidda manattadda ṛemessa itaṛṛo sulal᷊ummu urinna.

IMAMATTA 25:14

Nariaddi amungkangngu i yamiu mabbal᷊u'u leta'a su sansul᷊ungngu taumatan Israel, ara'e mamalli leta'a wuassi tou, imbaṛṛangnga mabbawalli udde ṛingannu tawe su tul᷊idde.

IMAMATTA 25:17

Imbaṛṛangnga mamahia su sansul᷊ungngu taumatan Israel, arawe ṛinone i yamiu mata'uttu Mawu, Ruatanu.

YEREMIA 12:10

Manambo tembonannu raho apan buatte nanggohakku waillu anggore pussa'a-U wuṛṛu ringanna naṛṛinda manga wawail᷊ang-Ku. Wanua-U apan maṛṛansangnga niwal᷊un mangitou nabbal᷊i wadda'u anne apan mal᷊annabba.

AMOS 2:7

I mangitou mangngallangnga taumata lome wuṛṛu tawe maal᷊ore, wuṛṛu nallinbuakka taumata asiangnga. Iamangnga wuṛṛu ana'a natatamban allangnga wawine apan uasul᷊ungnga, na'oman sara nandal᷊eo arang-Ku, apan susi.

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.