YESAYA 3:11 - WUKE SUSI WATTI'U AL᷊AL᷊USASSA

¹¹ Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

YESAYA 3:11 Referans Kwoze

MANNANASE 8:13

Arawe mawal᷊i'a taumata lal᷊eo maasomba manambo asasusa. Pabbiaṛṛanne mal᷊ihakka mal᷊iudda ere lintau. I tou sarun mate ta'e saṛṛen tumuwo ana waugu i tou tawe matuṛṛutta su Mawune.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

DARALO 28:4

Ṛuumana'e i mangitou ana waugu inolaanni mangitou, ana waugu al᷊al᷊eo apan niola'i mangitou. Ṛuumana'e i mangitou uasul᷊ungu pallal᷊aghun mangitou; i mangitou onggol᷊eten ṛuumanna uasul᷊ungngu rosane.

YESAYA 65:20

Al᷊aṛṛanangnge taweddu nate ta'e maradio'a, wuṛṛu timmadde sarun ma'oman uukka mal᷊o'engnga. Taumata apan uukke maṛṛasutta su tonnane ellehanna ere saṛṛentumuwo, wuṛṛu apan nate taambe sutempo udde, naṛṛinoannu ṛuumang-Ku.

YESAYA 48:22

Tawe asasal᷊amatta su taumata lal᷊eo,” etearoddi wisara Mawu.

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

2 TAWARIKH 6:23

oh Mawu, ṛinonewe I'o maddaringikka wuassu surga wuṛṛu makkawessu hatton manga allang-Ngu indi. Ṛuumana'e iapa nassal᷊a wuṛṛu pallosa'e iapa tawe sal᷊ane.

AYUB 10:15

Amungkangngu i ya'u ma'ola'a rosa, ne wia'u atonna-tonna su asasilaka! Arawe amungkangngu inolaangku tawe sal᷊ane, i ya'u sidutu mangke sassunnanna ma'ola'a rosa! Tawe waṛṛani i ya'u tumaggekku pua, ana waugu uapendamma susa wuṛṛu addio'a.

AMSAL 12:14

Suapan taumata maasomba lal᷊antakku manga wisara wuṛṛu inolaanne; sangkatou-sangkatou onggol᷊annu wawal᷊inne ere buatte niolangnge.

YESAYA 13:11

Mawu nabbisara, “i Ya'u sarun makkuumannu runia ana waugu al᷊al᷊eone, wuṛṛu manga taumata lal᷊eo ana waugu rosa mangitou. Suapan taumata matanggakka naungnge sarun Ta'u iapawawo, taumata mawunga wuṛṛu maṛṛagissa sarun Ta'u iṛṛuumanna.

YESAYA 65:6

Ṛuumanni mangitou uawoṛṛette su saruang-Ku. Atonna, i Ya'u tawe matatana'a mal᷊annabba. I Ya'u buatte nabbal᷊issa al᷊al᷊eo mangitou

YESAYA 65:7

ana waugu rosa mangitou wuṛṛu rosa al᷊amona mangitou. I mangitou mallobbossa si Ya'u ringannu mannambunnu amania huna manga monganna su tampa pasasubbanna su wuidda. I Ya'u buatte nabbal᷊issa si mangitou uasul᷊ungngu inolaanni mangitou su allo nanangkal᷊iu.”

YEREMIA 21:14

arawe i Ya'u sarun makkuumannu ana waugu inolaannu. Wal᷊en araratuannu sarun Ta'u soṛṛowanna, wuṛṛu al᷊awo'a maranine sarun masoṛṛobba lai. I Ya'u, Mawu, buatte nabbisara.”

YEREMIA 31:30

ewe'e isai umanna wua apan mapakkadda, ete i tou sassane apan maapendamma mangirassa su isine. Suapan taumata sarun nate ana waugu rosane sassane.”

YEHEZKIEL 2:10

apan wawoṛṛetanna su ruam ba'ane. See niwu'ate wuke lalul᷊unanna udde wuṛṛu isudde uawoṛṛetta lal᷊uai, sasal᷊iomanna wuṛṛu sasal᷊ande.

YEHEZKIEL 18:20

Taumata apan ma'ola'a rosa, ete i tou apan sarun mate. Ana'a sarun tawe mamasanna pangillul᷊eannu pasasal᷊an iamange; ewe'e, iamange lai sarun tawe mamasanna pangillul᷊eannu manga rosan anange. Taumata apan mapia sarun maasomba bawal᷊inne apan mapia ana waugu inolaanne apan mapia. Wuṛṛu taumata apan dal᷊eo sarun matataṛṛanga ana waugu pangillul᷊eannu al᷊al᷊eone.

YEHEZKIEL 24:14

I Ya'u, Mawu Apan Atanggaṛṛanne buatte nabbisara. Nia'omante tempone si Ya'u mammanara. I Ya'u sarun tawe maabul᷊in paddarosanu wuṛṛu tawe lai mangampungnga ara'e umakkannu. I'o sarun iṛṛuumanna uasul᷊ungngu al᷊awo'u inolaannu. I Ya'u Mawu Apan Atanggaṛṛanne buatte nabbisara.”

YEHEZKIEL 33:8

Amungkangngu i Ya'u mamasingkatta manungku sangkatou taumata lal᷊eo sarun mate, arawe i'o tawe napanaungngi tou tadea'u i tou mamal᷊u pallal᷊agune ma'oman sara i tou masal᷊amatta, ne i tou sarun mate ta'e sangkatou apan marosa. Arawe pandansilanannu papatene sarun Ta'u doronganna si'o.

MIKHA 3:4

Sarun a'omanna tempone i yamiu mangintul᷊i maiontolla su Mawu, arawe i Tou maddiri sumimbaka. i Tou tawe maddaringikka manga aal᷊iomannu, ana waugu i yamiu buatte na'ola'a al᷊al᷊eo.

MIKHA 7:13

Arawe runia sarun mabbal᷊i lol᷊okka ana waugu al᷊al᷊eon tumanangnge.

REENGANNA 32:23

Arawe paanaunge, amungkangngu i yamiu tawe nanipussapa'airenu, i yamiu na'ola'a rosa su saruannu Mawu wuṛṛu sarun iṛṛuumanna ana waugu rosanu udde.

MAL᷊AṚṚUUNGNGA 9:57

Ne Mawu nakkuumannu lai manga taumatan Sikhem ana waugu al᷊al᷊eon mangitou. Olangnge udde naṛino ere lai buatte niapasingkatti Yotam ana'i Gideon su ola'i mangitou su tempo i tou nassalun mangitou.

2 SAMUEL 3:39

Salaiwe i ya'u indi ratu apan nipilen Duata, arawe orassa indi ya'u naapendamma nallome. Manga ana'i Zeruya udde tumaniten maṛṛagissa. I ya'u tawe maatokki mangitou. Doronganna Mawu makkuumannu taumata lal᷊eo udde, uasul᷊ungngu inolaanni mangitou!”

1 MARARATU 21:21

ne eteindi apan niwisaran Mawu si Tuangnga, ‘I Ya'u mandantan asasilaka si'o. I'o Ta'u limbuaṛṛanna, wuṛṛu suapan taumata esakka sulal᷊ummu amonannu, timmadde ara'e dario'a, sarun Ta'u insueanna.

AMSAL 11:31

Amungkangngu su runia indi taumata mapia lai sarun manarimmattu wawal᷊inne, natantunte taumata lal᷊eo wuṛṛu marosa sarun maasomba ṛuumanna.

AMSAL 26:27

Isai apan naal᷊i loṛṛangnga ipaggau taumata waine, i tou sarun mataṛṛo sulal᷊umme. Isai manal᷊inggin batu tadea'u ipangumpisanna taumata waine, i tou sassane apan sarun aumpisanannu watu udde.

YEHEZKIEL 16:59

Mawu Apan Atanggaṛṛanne nabbisara, “I'o sarun Ta'u iṛṛuumanna uasul᷊ungngu inolaannu, ana waugu i'o buatte nassinaadu sasalunu see nilumawangnga pa'aire-U si'o.