YESAYA 3:1 - WUKE SUSI WATTI'U AL᷊AL᷊USASSA

¹ Mangke atonna, Mawu Apan Lembontaṛṛino sarun manganu wuassu Yerusalem wuṛṛu Yehuda al᷊awo'u anna wuṛṛu ua'e apan sasahipunanna. Aroddi lai anambon taumata apan ia'bansakki mangitou:

YESAYA 3:1 Referans Kwoze

IMAMATTA 26:26

I yamiu sarun asueannu anna, na'oman sara siri mapul᷊o bawine tumba'u mappanduma sambau pallol᷊oanna ipallol᷊o roti apan pia si mangitou. Anna udde sarun tahianna, wuṛṛu napawe i yamiu buatte niumanna, i yamiu lai ta'e maapendamma lunussa.

YEHEZKIEL 14:13

amungkangngu sambau wanua pia dosane wuṛṛu tawe satia si Ya'u, i Ya'u sarun makkuumannu wanua udde. I Ya'u sarun makkimunsa'a wal᷊ingkakku pangadoannu anna, mandantan al᷊aṛṛutumma wuṛṛu mamate mawae taumata aroddi lai winatangnga.

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

YEREMIA 38:9

“Tuangnga Apan Mawantuga, inolaannu manga taumata udde dal᷊eo. I mangitou buatte nantaṛṛon Nabi Yeremia sulal᷊ummu paṛṛihi; i tou sarun mate amal᷊unusanna isudde, ana waugu anna nasuete su soa indi.”

YEREMIA 37:21

Ne i Ratu Zedekia namarenta tadea'u i ya'u iṛṛuumanna su rallakku wal᷊en araratuanna. Nariaddi i ya'u uatana'a isudde, wuṛṛu allo-allo a'onggol᷊annu roti wuassu tampa pa'olaanna roti na'oman sara saddian roti su soa udde nasue abbi.

YESAYA 51:22

Etearendi wisara Mawunu, Mawu Ruatanu apan nanamba'a si yamiu, “Asasusa apan Ta'u nionggolla sulal᷊ummu asasa'u-U, sarun Ta'u ul᷊eanna apia wuassi'o. Asasa'u-Ku sarun mompo'a, wuṛṛu i yamiu tate lai mamasanna udde.

YESAYA 36:12

Tembonannu tantaran Asyur udde sinumimbakka, “Apa tumba'u si yamiu wuṛṛu ratunu i ya'u nirolokka iapapasingkattu sarangkanambone indi? Ya'u lai mabbisara su tumana'u soa apan ua'ianna su tanda'u, apan suadio'a ringanni yamiu sarun umanna taine sassane wuṛṛu ma'inumma passul᷊iune sassane.”

YESAYA 5:13

Ana waugu udde uma-U apan waggan napa sarun ehetanna inai maola'a taumata niatawanna. Manga mamamiaṛṛa'a wuṛṛu tumana'u soa sarun mate amal᷊unusanna wuṛṛu amarouanna.

YESAYA 2:22

Nariaddi, ariete pangantimma su taumata apan mattate, ana waugu i tou tawe aregane.

DARALO 105:16

Mawu nandantan ṛutumma su wanua udde, wuṛṛu nanganu wiakke apan buatte nisaddia.

YESAYA 3:16

Mawu nabbisara, “Mawunga atonna manga wawinen Yerusalem! I mangitou mammanemma, apulune mangngangkeramma wuṛṛu u'amatta ringannu mawunga. Lempangnge a'olaanna, wuṛṛu mangke sussal᷊ensekka tingikku manga hal᷊angnga su leddane.

YESAYA 9:20

Taumatan Manasye wuṛṛu taumatan Efraim uapapangalo, see na'aukka nilumawangnga Yehuda. Arawe Mawu ta'e massa'u wuṛṛu sidutu makkuumanna.

YEREMIA 52:3

Mawu mangke nasa'u su tumana'u Yerusalem wuṛṛu taumatan Yehuda na'oman sara i Tou nallimbuakka si mangitou wuṛṛu tate mandiaga si mangitou lai. I Zedekia nilumawangnga si Nebukadnezar ratun Babel,

YEREMIA 52:6

Su allo assione wul᷊anna aiappanne tonna udde lai, sutempo al᷊aṛṛutumma tumaniten masaddatta na'oman sara tumanangnge tate lai anna saran addio'a,

LAL᷊ALLU 5:4

Ua'e a'inumanna wuṛṛu alu papputunganna ṛinone wallianni yami.

AMOS 4:6

Ete i Ya'u apan mandantan al᷊aṛṛutumma su anambon soanu, arawe i yamiu maddiri mabbelengnga ringang-Ku.

MIKHA 4:9

Anio i'o nilumuai ete maggontol᷊anna? Anio i'o tawe uatahuanna ratu, wuṛṛu manga mananantironu natete?

2 MARARATU 25:3

Su allo assione wul᷊anna aiappane tonna udde lai ṛutumma aroddite ahewalle na'oman sara tumanange tate maasomba anna sarangkadio'a,