YESAYA 29:20 - WUKE SUSI WATTI'U AL᷊AL᷊USASSA

²⁰ Eteudde panguddusannu manga taumata apan mangngallangnga taumata waine wuṛṛu mallobbossa Ruata. Ruata sarun makkadda'a anambon taumata marosa,

YESAYA 29:20 Referans Kwoze

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

YESAYA 59:4

I yamiu mangngalaen hatto tawe pangiananne wuṛṛu makkuungnga ringannu tawe atatul᷊idda. I yamiu mangngawusu wuṛṛu mangngasakku apa apan tawe gunane; i yamiu makkiinna ipandal᷊eo taumata waine wuṛṛu ma'ola'a al᷊al᷊eo.

YESAYA 29:5

Arawe anambon taumata raho apan maṛṛagissa udde sarun mawul᷊i naal᷊ihidda awu wuṛṛu wal᷊a'a nitiuppu anginna. Ringannu sangkaṛṛondappa wuṛṛu tawe niaṛṛangngo.

YESAYA 13:3

Mawu buatte namaggo manga atumannaṛṛanne apan nipile-Ne. I mangitou matohassa, mangngimanna watanganne wuṛṛu wotongnge pangantiman-Ne. Mawu nandolokki mangitou makkuumannu manga taumata apan niaṛṛinoannu asasa'u-Ne.

SONDAPPA 12:10

See i ya'u naaringikka tingikka apan ma'ikkatta su surga mabbisara, “Ete orassa indi tempone Ruata manal᷊amatta pabbawala-Ge! Orassa indi Ruata napaal᷊iatta'u taṛṛino-Ne ere sangkatou Ratu! Orassa indi Ratum Punnu Sal᷊amatta apan suete pina'ire udde suete napaal᷊iatta'u taṛṛino-Ne! Ana waugu apan nangansila manga tuṛṛangi ite su saruannu Ruata, allo wuṛṛu ṛabbi, suete niapaasabbanga wuassu surga.

LUKAS 23:35

Manga taumata uarisikka isudde mabbiala lai, tantal᷊anna manga tembonannu taumatan Yahudi mangngadio'a Mawu Yesus ringannu wisarane, “I Tou suete nanal᷊amatta taumata waine; orassa indi i Tou panal᷊amatta riri-Ne sassane, amungkangngu atonna-tonna i Tou Ratum Punnu Sal᷊amatta apan nipilen Ruata!”

LUKAS 23:11

I Herodes wuṛṛu manga tantarane mannalangnga wuṛṛu mangngal᷊uandaga Mawu Yesus, see nilluṛṛeannu laubbu awawantuga, wua'udde i Tou nirolokka apia ringanni Pilatus.

LUKAS 6:7

Sire pira hurun agama wuṛṛu taumatan Farisi maddea'a pasasal᷊a Mawu Yesus tadea'u wotongnge i Tou ialae. Nariaddi i mangitou sidutu mannutukka tanne i Tou mapaapian taumata su allon Sabatta.

DANIEL 7:7

Sutempo tantal᷊anna i ya'u ma'ellega si tou, winatangnga aiappanne nilumapputa. I tou tumaniten matohassa wuṛṛu wahewalla see maata'utta. Ringannu manga isine apan masallakka wuṛṛu wahewalla see maata'utta. Ringannu manga isine apan masallakka wuṛṛu ere aattiku atta'a, i tou nakkimunsa'a wuṛṛu niuminassa wiakke, ana see mangke naṛṛinda manga lambene. Uapapaṛṛalan ringannu manga winatangnga dorone i tou uatahuana tandu'a mapul᷊o.

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 49:25

Mawu sinumimbakka, “Eteudde apan sarun mariaddi. Atawannu manga taumata waṛṛani sarun anuanna apia. Saranapan taumata maṛṛagissa sarun aṛṛoanna apia. Ana waugu ete i Ya'u sassane mando'appa seennu; i Ya'u sarun manal᷊amatta manga anangngu.

DARALO 10:18

Ana'a asisi wuṛṛu taumata mallangnga I'o nanamba'a hattone, tadea'u tawe taumata apan maata'utta si mangitou.

AMSAL 21:24

Taumata mawunga wuṛṛu naungnga matanggakka apulune mappasal᷊a wuṛṛu tawe atoranne.

YESAYA 13:11

Mawu nabbisara, “i Ya'u sarun makkuumannu runia ana waugu al᷊al᷊eone, wuṛṛu manga taumata lal᷊eo ana waugu rosa mangitou. Suapan taumata matanggakka naungnge sarun Ta'u iapawawo, taumata mawunga wuṛṛu maṛṛagissa sarun Ta'u iṛṛuumanna.

MIKHA 2:3

Ana waugu udde Mawu nabbisara, “I Ya'u manggol᷊agu asasilaka si yamiu, ma'oman sara i yamiu taweddu maatal᷊angnga. Sutempo apan dal᷊eo udde i yamiu sarun tawe maamatta lai ringannu mawunga.