YESAYA 29:18 - WUKE SUSI WATTI'U AL᷊AL᷊USASSA

¹⁸ Sutempo udde taumata wengella sarun maaringikka manga wisara wuassu sambau buke apan iabbasa, wuṛṛu taumata wuta apan tanginna mabbiakka marandumma sarun maasilo.

YESAYA 29:18 Referans Kwoze

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

YESAYA 35:5

Sutempo udde taumata wuta sarun maasilo, wuṛṛu taumata wengella sarun maaringikka.

MARKUS 7:37

Wuṛṛu anambon taumata apan naaringikka udde naherangnga atonna. I mangitou nabbisara, “Sarangkanambone niolang-Nge ringannu mapia! Wuṛṛu lai i Tou na'ola'a taumata wengella naaringikka wuṛṛu taumata mou naawisara!”

YESAYA 32:3

Taumata apan maasilo sarun tawe manutubbu matane, wuṛṛu apan maaringikka sarun maddaringikka.

AMSAL 20:12

Tal᷊inga ipaddaringikka wuṛṛu mata ipa'ellega, itarua udde ete Mawu apan nandiaddi.

DARALO 119:18

Wu'ate mata'u tadea'u i ya'u maasilo al᷊aṛṛa'a apan maatiangnga sulal᷊ummu tita-Nu.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

LUKAS 7:22

Nariaddi Mawu Yesus sinumimbakka, “Pabelengke ringanni Yohanes wuṛṛu wal᷊oa'a apa apan suete niaringiṛṛanna wuṛṛu niasiloanni yamiu: taumata wuta naasilo, taumata lome inumamatta, taumata radangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapaasingkatta su taumata asiangnga.

YESAYA 29:24

Taumata woddo sarun mangurumma tadea'u maasunna wuṛṛu taumata apan sidutu sussawutulla sarun mal᷊uassa aṛṛaanna.”

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

YOHANES 6:45

Sulal᷊ummu Wuke Manga Nabi uawoṛṛetta arendi, ‘Anambon taumata sarun tantiroannu Ruata.’ Nariaddi anambon taumata apan madaringikka Iamangnga wuṛṛu mangngurumma wuassi Tou, rumanta ringang-Ku.

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

TAHIUL᷊E 29:4

Arawe naddatingngu allo indi i Tou taambe namalan kamiu massunna sarangkanambone apan niapendamanni yamiu udde.

YOHANES 9:7

see nabbisara si tou, “Roote pamaresi hatinu su Li'un Siloam.” (Siloam atapasanne ‘Nirolokka’.) Ne taumata udde inaite namaresi hatine. Su tempo i tou nabelengnga, i tou wotongngete maasilo.

YESAYA 42:7

Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

YESAYA 42:19

Isaite apan mabbutanna wuassu Israel allang-Ku? Isaite apan mabbengel᷊anna wuassu daroloṛṛang-Ku?

YESAYA 43:8

Ruata nabbisara, “Doloṛṛa'e ararisiṛṛa'e su saruanna pabbawala-U apan buta, salaiwe i mangitou pia mata; apan bengella, salaiwe i mangitou pia tal᷊inga.

DANIEL 12:4

Ana see mala'ekatta udde nabbisara apia si ya'u, “Daniel, tutuwa'e buke udde orassa indi, wuṛṛu reeten segele tadea'u sidutu uatutuba maddatingngu panguddusannu tempo. Manambo taumata sarun maannamma manaṛṛasidda apa apan tantal᷊anna nariaddi. Arawe sahaddi mangitou udde mangke tawe gunane.”