YESAYA 29:15 - WUKE SUSI WATTI'U AL᷊AL᷊USASSA

¹⁵ Nasilakate taumata apan mattinsahadda mammunin hol᷊age su Mawu! I mangitou ma'inolaanna ringannu mal᷊anna-l᷊annabba, wuṛṛu massunna manungku tawe saran sangkatou apan ua'ellega ara'e masingkattu inolaanni mangitou.

YESAYA 29:15 Referans Kwoze

YEHEZKIEL 8:12

Mawu nabbisara si ya'u, “Ei taumata apan mattate, i'o naasilote apa apan niola'u piaṛṛa'u Israel ringannu mal᷊anna-l᷊annabba? I mangitou mattaṛṛamawu sulal᷊ummu wabbo'a apan napenen paal᷊uanna ringannu pangiananna manungku i Ya'u buatte nanantangngu wanua indi wuṛṛu tawe ma'ellega inolaanni mangitou.”

YESAYA 47:10

I'o uapendamma matammudda sulal᷊ummu al᷊al᷊eonu, unnu pahinu inolaannu tawe ellehanna. I'o iaal᷊iwun apandenu wuṛṛu asingkannu, su sunnanu taweddu ere i'o.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.

MALEAKHI 2:17

I yamiu na'ola'a Ruata nawusa ringannu tal᷊umamanu. Arawe i yamiu ma'iwal᷊o, “Ereapa i yamiu maawusa Mawu?” Ringannu mabbisara, “Anambon taumata apan ma'ola'a al᷊al᷊eo sassunnannu Mawu mapia, wuṛṛu i Tou mappulun mangitou.” Ara'e ringannu ma'iwal᷊o, “Suapa Ruata apan naudde matul᷊idda udde?”

ZEFANYA 1:12

Sutempo udde i Ya'u sarun manganu sasol᷊oanna, wuṛṛu mamarikissa Yerusalem. Sarun Ta'u iṛṛuumanna tumanangnge apan uapapadua udde see apan mammungan batanganne sassane, wuṛṛu apan maṛṛingidda manungku i Ya'u, Mawu tawe mammanara arendi ara'e aroddi.

YEHEZKIEL 9:9

Ruata sinumimbakka, “Manga taumatan Israel wuṛṛu Yehuda buatte na'ola'a rosa apan bahewalla. I mangitou na'ola'a pamamate su al᷊awo'u tampa, wuṛṛu Yerusalem nikotorannu al᷊al᷊eo. I mangitou mabbisara manungku i Ya'u, Mawu, buatte nanantangngu wanua indi na'oman sara tate maasilo inolaanni mangitou.

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

DARALO 59:7

Sutempo wawallo i mangitou nabbelenga, tuttawanna naal᷊ihidda asu lapiddu mammal᷊iwutta soa.

AYUB 34:22

Tawe ararandumma, salaiwe wasa tuudda, apan wotongnge mapamunin taumata marosa.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

YESAYA 57:12

Arawe i Ya'u mamasingkatta si'o; pangangagamanu udde awusu, wuṛṛu anambon inolaannu udde tawe gunane si'o.

DARALO 73:11

Unni mangitou, “Ruata wagga, Apan Atanggaṛṛane tawe maasunna.”

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

YOHANES 3:19

I Tou niapaasal᷊a ana waugu inolaanna indi: Asasemakka udde nirumantate su runia, arawe taumata lembo maapulun ararandumma wuassu asasemakka, ana waugu pallal᷊agu mangitou lal᷊eo.

YESAYA 28:17

Atatul᷊idda Ta'u olaanna tal᷊i auukka, wuṛṛu apapia Ta'u olaanna tal᷊in passaranna.” Uranna watu sarun mamaresi anambon bawahia apan pangngartimanna ara'e ia'asakki yamiu. Manawangnga sarun mangonoddu tampa pa'imbuniannu.

DARALO 83:3

Pa'ellege seen-Nu mammangalo, manga taumata apan maddantin-Nu lullawangnga.

YEHEZKIEL 8:8

Wisara-Ne si ya'u, “Ei taumata apan mattate, hewalle loṛṛangnga indi.” Napawe buatte ta'u niola'a, i ya'u naasilo sambau ngara.

HOSEA 5:2

wuṛṛu naal᷊ihidda paṛṛabba apan mal᷊al᷊umma su Sitim. Ana waugu udde i Ya'u sarun makkuumanni i yamiu sarangkanambone!

2 SAMUEL 11:27

Wua'udde napawe nasuete tempon lullal᷊o, i Daud nandolokka niapaal᷊appa wawine udde iapidda watukku wal᷊en araratuanna, ne i tou naola'e awingngi Daud. Manga pira wul᷊anna wua'udde i tou nangunsiwete sangkatou ana'a esakka. Arawe Mawu tawe mal᷊uassa su inolaanni Daud udde.

2 MARARATU 17:9

wuṛṛu ma'ola'a inolaanna apan isassingaddu Mawu, Ruatan mangitou. I mangitou napararisikku manga tampa pasasubbanna monganna su anambon soan mangitou, mawae su soa maradio'a aroddi lai su soa wahahewalla.