YESAYA 29:11 - WUKE SUSI WATTI'U AL᷊AL᷊USASSA

¹¹ Atappasannu anambon aellega sarun iwuni, ere buke apan niseggele. Amungkangngu buke udde iapidda su sangkatou apan botongnge mabbasane si'o, i tou sarun mabbisara manungku i tou tawe wotongnge, ana wuke udde niseggele.

YESAYA 29:11 Referans Kwoze

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

DANIEL 12:4

Ana see mala'ekatta udde nabbisara apia si ya'u, “Daniel, tutuwa'e buke udde orassa indi, wuṛṛu reeten segele tadea'u sidutu uatutuba maddatingngu panguddusannu tempo. Manambo taumata sarun maannamma manaṛṛasidda apa apan tantal᷊anna nariaddi. Arawe sahaddi mangitou udde mangke tawe gunane.”

YESAYA 8:16

I yamiu, mallal᷊aṛṛenggengku ṛinone manahipunna wuṛṛu mappadul᷊i manga tanata apan nionggollu Ruata si ya'u.

DANIEL 12:9

I tou sinumimbakka, “Roote orassa indi, Daniel, ana waugu manga wisara indi ṛinone iwuni wuṛṛu iaddapingnga maddatingngu panguddusannu tempo.

MATIUS 11:25

Su tempo udde Mawu Yesus u'al᷊iomanna, “Iamangnga Mawu apan uataṛṛino langitta wuṛṛu runia! I Ya'u ma'adiangkamanna Si'o ana waugu sarangkanambone udde niadapping-Ngu wuassu manga taumata apan pande wuṛṛu pia asingkanne, arawe I'o mannualaga su manga taumata apan tawe si'ol᷊ane.

SONDAPPA 6:1

Wua'udde i ya'u naasilo Ana'u Domba udde namesangnga segele paarorone su wallatu segele pitu udde. See ya'u naaringikka sambau su wallatu riadianna udde nabbisara, “Wette!” Tingikke naal᷊ihidda ere tingikku rallu'a.

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

YESAYA 29:12

Napawe iapidda ringannu taumata apan wuta huruppa, i tou sarun sumimbakka manungku i tou tawe maawasa.

YESAYA 29:18

Sutempo udde taumata wengella sarun maaringikka manga wisara wuassu sambau buke apan iabbasa, wuṛṛu taumata wuta apan tanginna mabbiakka marandumma sarun maasilo.