YESAYA 29:1 - WUKE SUSI WATTI'U AL᷊AL᷊USASSA

¹ Nasilakate soan Yerusalem apan isassago mezbah Duata! Nasilakate soan tampan Daud naddasanna! Wala'e manga tonna uahahanti ringannu manga rameane.

YESAYA 29:1 Referans Kwoze

HOSEA 9:4

Su manga wanua udde i yamiu tawe mapangonggollu sasamba anggore ara'e winatangnga ipalluassa naungngu Mawu. Pabbawiakku sarun maaola'a suapan taumata apan umanna mabbal᷊i marosa, ere anna apan aannananna su lal᷊aghun pallal᷊abbingnga. Anna udde tumba'u pia gunane ipallaidda tiannu; saran addio'a tawe iapidda su Wal᷊en Mawu maola'a sasamba poiaroddi.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

HOSEA 5:6

I mangitou inaite maddea'a Mawu ringannu uaapiddu domba wuṛṛu sapi olaanna sasamba, arawe sarangkanambone udde tawe gunane. Ana waugu Mawu nanantangken mangitou, wuṛṛu i mangitou tate maasomba si Tou.

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

IBRANI 10:1

Titan agama Yahudi tumba'u mangngonggolu hambaranne apan mal᷊abbuka su ola'u manga inolaanna mapia apan sarun dumanta, wuṛṛu wal᷊ine hambaranna apan su ṛinone wuassu manga inolaanna udde. Tawe mariaddi tita udde wotongnge mapaasuungngu taumata apan rudanta massubba Ruata ringannu uaapiddu sasamba, salaiwe suapan tonna mannantilu manga sasamba apan uasul᷊ungnga.

YESAYA 31:9

Ratun mangitou sarun tumal᷊angngu atata'utta, wuṛṛu manga mamamiaṛṛa'u tantarane mangke niṛṛumoro, na'oman sara i mangitou nanantangngu manga waneṛṛan pangalo.” Mawu buatte nabbisara, Mawu apan sassubbanna wuṛṛu a'addatanna ringannu sasamba tattutunganna su Yerusalem.

YEREMIA 7:21

Mawu nabbisara, “Ei uma-U, i yamiu masingkatta manungku apan itattambunni yamiu su wowo mezbah ṛinone itambunna ma'oman sara masue, wuṛṛu sasamba waine wotongnge anananni yamiu. Arawe i Ya'u, Mawu mabbisara, sal᷊amatte umanna sarangkanambone!

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

YESAYA 29:9

Asala'e tuttiangnga wuṛṛu manutubbu mata ere taumata wuta! Pattingkaola'e wu'anna, arawe wal᷊ine ana waugu na'inumma anggore. A'amatte lullallengge, arawe wal᷊ine ana waugu na'inumma tuba.

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

IMAMATTA 23:4

Eteindi manga allo wahewalla apan nitantunnu Mawu wuṛṛu ṛinone ial᷊iata su tempo apan buatte nitantunna.