YESAYA 28:7 - WUKE SUSI WATTI'U AL᷊AL᷊USASSA

⁷ See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

YESAYA 28:7 Referans Kwoze

LUKAS 21:34

“Paariagai wadangngu, arie ma'oman sara i yamiu tumanite manambo ma'ola'a andeangnga wuṛṛu ma'inumma ua'e ma'awu'anna, ara'e tumanite maṛṛingiddu al᷊awo'u hattom biakki yamiu, na'oman sara i yamiu tawe naasaddia napawe allo udde nirumanta ringannu awagananna.

MATIUS 24:29

“Tawe nal᷊annu wuassu asasusa su tempo udde, matannallo sarun maddandumma, wuṛṛu wul᷊anna tate lai semakke. Manga anumpitanna sarun manawo wuassu langitta, wuṛṛu manga tembonannu winalanganna sarun massal᷊iawukka.

YESAYA 19:14

Ete Mawu apan ma'ola'a si mangitou mangonggollu al᷊aṛṛa'a apan mangngal᷊iwu. Pangillul᷊eanne, Mesir mangke su sal᷊a, wuṛṛu lullallengge naal᷊ihidda taumata wu'anna apan nattanggul᷊ewakka su mutane sassane.

MANNANASE 10:17

Lal᷊umanna'a wanua apan ratune pia saṛṛaungnge, apan tembonanne u'anna sutempone, tawe mabbu'anna wuṛṛu pande maṛṛaddannu watanganne.

AMSAL 20:1

Ua'e apan maawu'anna maaola'a taumata tawe atoranne wuṛṛu mahio. Nawoddote taumata apan ma'inumma ma'oman sara iwu'anne.

MIKHA 2:11

I yamiu mappandumma nabi apan apulune mammahia wuṛṛu mallinga see mammasingkatta manungku i yamiu sarun maatahuanna anggore wuṛṛu ua'e apan maawu'anna nilumambalanna.”

YEREMIA 23:16

Su tumana'u Yerusalem, Mawu Apan Lembontaṛṛino nabbisara, “Imbaṛṛangnga maddaringikka wisara manga nabi apan sidutu tumba'u mangngonggollu antimma apan tawe loṛṛone. I mangitou tumba'u mammasingkattu wal᷊iawa mangitou sassane wuṛṛu wal᷊ine tanata-U.

YEREMIA 14:14

Arawe Mawu sinumimbakka, “Manga nabi udde mangapiddu watti'a awusu ringannu arang-Ku; i Ya'u tawe nandolokki mangitou, wuṛṛu tawe lai nangonggollu parenta ara'e naggahatto mangitou. Manga aellegga apan iwabbatti'i mangitou wal᷊ine wuassia-U; i mangitou maṛṛangngo manga inolaanna tawe gunane apan iaarangnga sassane.

YESAYA 3:12

Uma-U sarun allangannu taṛṛa rea'a auntunganna wuṛṛu ipakkan taumata taṛṛa iṛṛuppa daṛṛa. Uma-U sarun ial᷊iwun manga piaṛṛangnge na'oman sara waggate lai dal᷊anna apan ṛinone amatanni mangitou.”

DARALO 107:27

I mangitou tinangngone wuṛṛu maṛṛaate ere taumata wu'anna wuṛṛu niawul᷊iannu ṛingidda.

EFESUS 5:28

Aroddi lai esakka ṛinone mandangngu awingnge wawine ere lai i tou mandangngu wadangnge sassane. Taumata apan mandangngu awingnge atappasanne ere lai tou mandangngu wadangnge sassane. (

YEHEZKIEL 44:21

I mangitou imbaṛṛangnga ma'inumma anggore amungkangngu sumutta su rallakku lal᷊umme.

YEHEZKIEL 13:7

I Ya'u, Mawu Apan Atanggaṛṛanne nabbisara si mangitou, ‘Manga sondappi yamiu udde awusu wuṛṛu manga pani'atti yamiu udde wawahia. I yamiu mabbisara manungku sarangkanambone udde tanata-U, sumbal᷊i Ya'u taambe saran paassa naggahattong kamiu! Ana waugu udde i Ya'u sarun maola'a ro'ammu.

LAL᷊ALLU 2:4

Naal᷊ihidda seetta, i Tou nangannatta darangean-Ne wuṛṛu nantarangngu anaan-Ne si ite. Anambon taumata apan maal᷊uassa naungngi ite, nasue nipate-Ne. I Tou nanossokku asasa'u-Ne ere putungnga sulal᷊ummu soa Yerusalem indi.

YEREMIA 23:13

Rosa manga nabin Samaria suelen niasiloang-Ku. I Ya'u naasilote. I mangitou mabbisara ringannu aranni Baal, wuṛṛu mangngal᷊iwun Israel uma-U.

YESAYA 29:11

Atappasannu anambon aellega sarun iwuni, ere buke apan niseggele. Amungkangngu buke udde iapidda su sangkatou apan botongnge mabbasane si'o, i tou sarun mabbisara manungku i tou tawe wotongnge, ana wuke udde niseggele.

YESAYA 24:2

Anambon taumata sarun maapendamma pal᷊addu pabbiaṛṛanna apan uasul᷊ungnga: manga imam wuṛṛu ana'u wanua, allangnga awalli wuṛṛu ṛamawuanne, mabbawal᷊u'a wuṛṛu mamamalli, mabbawallassa wuṛṛu iapa mappawallassa, ala wuṛṛu asiangnga.

YESAYA 22:13

Arawe mappianne, i yamiu pallal᷊umanna'e wuṛṛu papesetta. I yamiu pakkata sapi wuṛṛu domba, uminassa ṛemessa wuṛṛu ma'inumma ua'e anggore lapiddu mabbisara, “Wette i ite umanna wuṛṛu ma'inumma, ana waugu tiṛṛabbi i ite matete!”

YESAYA 5:22

Nasilakate i yamiu apan pande ma'inumma anggore! I yamiu apan waṛṛani wuṛṛu pande mallo'an ua'e ma'awu'anna!

YESAYA 5:11

Nasilakate i yamiu! Wuassu rua'allo maddatingngu ṛabbi manaranu tumba'u ma'inumma ua'e ma'awu'anna wuṛṛu mabbu'anna.

YESAYA 24:20

Al᷊imatan dunia lullengge naal᷊ihidda taumata wu'anna, wuṛṛu niumio'a naal᷊ihidda sambengessa nitiuppu anginna al᷊isusu. Runia naṛṛa'a ana waugu mawakkatta rosane. I tou naṛṛimunsa'a wuṛṛu tate maapabbuatta apia.

YESAYA 28:1

Nasilakate soa apan nabbal᷊i ipammunga manga taṛṛa wu'annu Israel! Araṛṛamage nawul᷊i ere saṛṛen bunga apan tinumolangnga su wowon pua mangitou. Nasilakate soa apan matanggakka su pattangngannu wawal᷊anne masuwukka, ilalluassu manga taumata apan wu'anna masaddatta.

YESAYA 43:27

Iupungngu al᷊amonanu paarorone buatte na'ola'a rosa, manga piaṛṛangngu buatte namangalo si Ya'u,

HOSEA 7:5

Su allon andeangngu ratu, na'ola'a ratu wuṛṛu manga tembonanne na'inumma anggore na'oman sara niwu'anne wuṛṛu na'ola'a inolaanna apan longonna. Panginsuenne ratu mallal᷊umanna'a ringannu manga taumata apan nampabbaha udde.

HABAKUK 2:15

Niawontohante i'o! I'o mallobbossa wuṛṛu mammansili al᷊indongannu; i'o na'ola'a si mangitou sussansendekka ere taumata wu'anna.

HABAKUK 2:16

Orassa indi nia'omante i'o pansilianna, wuṛṛu wal᷊ine tadea'u aadatanna. Aadannu sarun mawal᷊u mabbal᷊i aal᷊uandaga. Mawu sarun mamatangngu ma'inumma wuassu cawanna apan lal᷊oṛṛoannu ṛuumanna si'o. I'o sarun ma'inumma wuṛṛu sumassedekka.

YESAYA 5:23

Arawe tumba'u ana see maasomba roitta sasoggokka, i yamiu namallossu taumata nassal᷊a, wuṛṛu mammal᷊aatta taumata tawe sal᷊ane apan maddea'a atatul᷊idda.