YESAYA 28:4 - WUKE SUSI WATTI'U AL᷊AL᷊USASSA

⁴ Atatelunngngu soan mangitou apan mannatakke mabbul᷊i udde sarun mahangginna. Pal᷊adde ere pal᷊addu wuan ara apan nal᷊aha taambe tempone; aroddi ellehanna, lapiddu ti'oanna wuṛṛu anananna.

YESAYA 28:4 Referans Kwoze

NAHUM 3:12

Al᷊awo'u tanda'a watunu sarun maola'a ere alu ara apan nabbelle'a wuṛṛu nal᷊ahate. Napewe alu udde iio'a, manga wuane sarun manawo sulal᷊ummu moṛṛongngu taumata apan mappulu umanna.

MIKHA 7:1

Nasilakate i ya'u! I ya'u naal᷊ihidda ere taumata niamal᷊unusanna apan inaite nani'o wuan aaluanna napawe nal᷊iudde tempone. Nasuete manga wuane su aaluanna. Wuan anggore wuṛṛu wuan ara apan mangkapia sarangkanambone nasuete niti'o.

HOSEA 6:4

Arawe Mawu nabbisara, “Ei Israel wuṛṛu Yehuda! Apa rinone apan Ta'u olaanna si yamiu? Darangngunu si Ya'u mal᷊ihakka nawul᷊i ere ṛawu'a wuṛṛu angngukka su marua allo.

YESAYA 28:1

Nasilakate soa apan nabbal᷊i ipammunga manga taṛṛa wu'annu Israel! Araṛṛamage nawul᷊i ere saṛṛen bunga apan tinumolangnga su wowon pua mangitou. Nasilakate soa apan matanggakka su pattangngannu wawal᷊anne masuwukka, ilalluassu manga taumata apan wu'anna masaddatta.

SONDAPPA 6:13

Manga anumpitanna mannawo wuassu langitta su wowon runia naal᷊ihidda wuang kalu ara apan taambe nal᷊aha napul᷊idda wuassu alune su tempo niio'u anginna ma'ikkatta.

HOSEA 13:15

Salaiwe Israel mabbiakka sulal᷊umanna'a ere nannal᷊o apan masuwukka, arawe i Ya'u sarun mandolokku anginna ra'i apan mal᷊oso wuassu wadda'a mamara. Anginna udde sarun mapamanaran anambon al᷊imatan kua'e wuṛṛu manga paṛṛihi, ma'oman sara mawul᷊ite sarangkanambone apan maarega.

HOSEA 13:1

Dorone ṛuanganni Efraim aaddatanna na'oman sara napawe pia parenta wuassu ṛuanganna udde, manga ṛuanganna waine su Israel matta'utta. Arawe ṛuanganni Efraim na'ola'a rosa ana waugu massubba si Baal, ana waugu udde i tou sarun namuli.

HOSEA 9:16

Taumatan Israel sarun Ta'u iṛṛuummanna. I mangitou sarun mabbal᷊i ere sasuanna apan tawe mabbua, wuṛṛu manga ṛamunne naṛṛangute. I mangitou sarun tawe maasomba ana'a; arawe salaiwe i mangitou uatahuanna ana'a, sarun Ta'u pateanna al᷊aṛṛana'a apan arangnguanni mangitou udde.”

YESAYA 8:4

Waugu tantal᷊anna ana'a udde ta'e addio'a taambe maasaggo ‘Papa’ wuṛṛu ‘Mama’, anambon paa'alan Damsyik wuṛṛu anambon saranapa niṛṛampassu Samaria sarun ṛuwoanna ringannu ratun Asyur.”