YESAYA 28:22 - WUKE SUSI WATTI'U AL᷊AL᷊USASSA

²² I ya'u naaringikke laṛṛawessu Ruata Apan Atanggaṛṛanne wuṛṛu Lembontaṛṛino ipamate ahewallu runia. Arie mapasal᷊a manga wisara tatagu apan iwabbal᷊o'u indi. Sal᷊immurine mabbal᷊i nangillembon asaharanne si yamiu maddea'a asasal᷊amattu waddangnga!

YESAYA 28:22 Referans Kwoze

WATTI'U MANGA RASUL 17:32

Napawe manga taumata udde naaringikka hatto mabbiakka apia wuassu papate, su wallatti mangitou piaddu nilumagem Paulus. Piaddu nabbisara, “I yami maapulu madaringikka tuṛṛangnga mabbisara apia su ola'u hatto indi.”

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

MATIUS 27:44

Manga taṛṛa pate apan uaarussa ringanni Tou udde lai, ewe'e mangngal᷊uandaga lai si Tou.

MATIUS 27:39

Manga taumata apan sinumabbi isudde mangke uapapa'ilingnga wuṛṛu mangngaddio'a Mawu Yesus.

LAL᷊ALLU 1:14

I Tou nanganu anambon rosa'u, wua'udde niwa'issa nabbal᷊i sambau, ana see nipul᷊issa su ullekka'u, na'oman sara awakkanne naal᷊ome si ya'u. Mawu nananti'u su seetta; i ya'u tawe ikkatta lumawangnga si mangitou udde.

YEREMIA 39:7

Wua'udde i Zedekia nilasso'a matane, see niṛṛapussa wuṛṛu niapidda su Babel.

YEREMIA 25:11

Ahewallu wanua indi sarun Ta'u iwala maṛṛimunsa'a wuṛṛu mabbal᷊i mal᷊annabba. Manga walahanna maranine sarun mattaṛṛamawu ratun Babel pitun pul᷊o su tonnane al᷊annune.

YEREMIA 20:7

Mawu, I'o nassal᷊o'u ne i ya'u niasal᷊o'a. I'o mattohasanna wuassia'u wuṛṛu buatte namaddo'u. I ya'u aal᷊uandahannu manga taumata, haggeloanna wuassu marua'allo naddatingngu wawallo.

YEREMIA 15:17

I ya'u tawe suadio'a mallal᷊umanna'a ringannu manga taumata apan uaammulla mallal᷊akkangnga. Ana waugu matuṛṛutta Si'o, ne i ya'u nanginsassa ringannu apendamma massa'u.

DARALO 107:16

Ana waugu i Tou napaṛṛan manga ngara witu'a, wuṛṛu nakkimunsa'a manga sal᷊aba'u atta'a.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

2 TAWARIKH 33:11

Ana waugu udde Mawu naparantan manga tembonannu tantaran Asyur niapapangalo Yehuda. Manasye sinamettu aaitta, ana see nimantungnga wuṛṛu niapidda watukku Babel.

2 TAWARIKH 30:10

Napawe manga daroloṛṛanna udde inaite wuassu soa watukku soa su wageangngu leta'u ṛuanganni Efraim wuṛṛu Manasye naddatingngu sawannakka araune sara wageangngu leta'u ṛuanganni Zebulon i mangitou nilagge wuṛṛu nial᷊uandahanna.

YESAYA 10:12

Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”

YESAYA 28:23

Paddaringikke manga wisara'u, panutukke manga tanata'u.

YEREMIA 36:23

Aroddi lai i Yehudi napawe buatte nabbasan tatallu ara'e appattu addoanne, ratu namototta wageangnge udde ringannu lari'a addio'a wuṛṛu tinuntungnga sulal᷊ummu putungnga. Etearoddi sidutu niolangnge na'oman sara buke lalul᷊unanna udde nasuen tutungnge.

NAHUM 1:9

Al᷊awo'u hol᷊aga apan a'olaannu ipallawangnga Mawu, udde sarun tawe mariaddi. I Tou sarun tawe mabbal᷊issa al᷊al᷊eon naung-Nge ma'oman sara paarua su manga seen-Ne.

SASABANGNGA 8:25

Wua'udde Mawu namaggo si Musa wuṛṛu si Harun ana see nabbisara, “Roote pangonggollu sasamba su Mawu Ruatanu, arawe su wanuate indi.”

AMSAL 19:29

Taumata woddo apan naungnge matanggakka i tou sarun puul᷊anna.

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

YEHEZKIEL 22:14

Ta'e waṛṛaniwe ara'e ta'e matohassawe i'o mamatten limanu napawe i Ya'u nuddusse makkuumannu? I Ya'u, Mawu Apan Atanggaṛṛanne buatte nabbisara wuṛṛu i Ya'u sarun mapaamattu apa apan buatte Ta'u niwisara.