YESAYA 28:21 - WUKE SUSI WATTI'U AL᷊AL᷊USASSA

²¹ Mawu sarun dumarisikka ere su Wowone Perazim. I Tou sarun mamangalo ere su Wawal᷊annu Gibeon huna mapaamattu panduman-Ne, pandumanna apan maatiangnga taumata! I Tou sarun ma'ola'a manara-Ne apan maaherangnga.

YESAYA 28:21 Referans Kwoze

1 TAWARIKH 14:11

Ne i Daud wuṛṛu tantarane namangalote taumatan Filistin udde su Baal-Perasim wuṛṛu namaddon mangitou. Nabbisarate i Daud, “I ya'u buatte nipaattu Ruata iapahohakku riahin seetta naal᷊ihidda manawangnga nanggohakku al᷊awo'u saranapa tumba'u tal᷊angkadio'a.” Ana waugu udde tampa udde nisago Baal-Perasim.

2 SAMUEL 5:20

Wua'udde i Daud inaite watukku Baal-Perasim wuṛṛu isudde tantaran Filistin udde niwaddone. Ana see i tou nabbisara, “Mawu buatte nanggohakku bentengu see'u, naal᷊ihidda manawangnga nanggohakku al᷊awo'a sulal᷊ummu sangkaṛṛondappa.” Ana waugu udde tampa udde nisaggo Baal-Perasim.

YOSUA 10:12

Su allo udde napawe Mawu nangonggulu auntunganna su taumatan Israel su saruannu taumatan Amori, i Yosua nabbisara Mawu. Wuṛṛu su saruannu taumatan Israel, i Yosua nabbisara, “Ei matannallo! Patta'ale su Gibeon. Wuṛṛu i'o wul᷊anna! Ariete pangingkatta wuassu Wawal᷊annu Ayalon.”

YOSUA 10:10

Mawu na'ola'a manga taumatan Amori nassasal᷊iongkakka napawe naasilo tantaran Israel. Manambo taumatan Amori nipate su Gibeon, wuṛṛu iapa ta'e wiakka nienggenanna sussosokka su isendakku wowone su Bet-Horon naddatingnu araune sara Azeka wuṛṛu Makeda su samba'an timukka.

LAL᷊ALLU 2:15

Anambon taumata apan sinumabbi, mangngal᷊uandaga si'o, ana waugu i'o naṛṛimunsa'e abbi. I mangitou uapapa'ilingnga wuṛṛu nabbisara, “Eteudde apan aṛṛansanganne, soa apan raddaloannu runia?”

1 TAWARIKH 14:16

I Daud tinumuṛṛutta parentan Duata si tou. I tou wuṛṛu tantarane namangalo tantaran Filistin nanattakka wuassu Gibeon naddatingngu Gezer.

2 SAMUEL 5:25

I Daud tinumuṛṛutta parentan Mawu, ne i tou naapallimbuakka taumatan Filistin wuassu Geba naddatingngu Gezer.

YESAYA 29:14

Ana waugu udde i mangitou sarun Ta'u paṛṛindu'anna ringannu puul᷊anna masokka-sokka. Taumata pande sarun mabbal᷊i woddo, wuṛṛu anambon apapande mangitou udde tawe gunane.”

YESAYA 28:19

I yamiu sarun aṛṛiaannu asasusa mal᷊annu-l᷊annu wuṛṛu ṛinone maola'a bawawanna mamiallo, maruallo, allattune wuṛṛu ṛabbi. I yamiu sarun mangindon atata'utta napawe i yamiu maasunna tanatan Duata.

YEREMIA 30:14

Anambon hawenu arangnguannu naabul᷊inute; i mangitou maddirite maṛṛingiddu watangannu. Naal᷊ihidda seetta i Ya'u buatte namangalo wuṛṛu nakkuumanni yamiu ringannu maṛṛagissa, ana waugu tumanite manambo rosanu wuṛṛu wahewalla pasasal᷊anu.

YESAYA 10:12

Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”

YEHEZKIEL 33:21

Su allo al᷊imane wul᷊anna mapul᷊o, sulal᷊ummu tonna mapul᷊o dua sutempo i yami niwuanga, sangkatou apan naal᷊assanga wuassu Yerusalem nirumanta wuṛṛu namasingkatta si ya'u manungku soa udde nanawote.

LAL᷊ALLU 3:33

i Tou tawe ringannu naungnga mal᷊uassa mamalan kite uatataṛṛangnga wuṛṛu massusa.

DARALO 94:16

Isai mangambanga si ya'u su saruannu taumata lal᷊eo? Isai apan manamba'a si ya'u su saruannu taumata inolaanne lal᷊eo?

YESAYA 65:7

ana waugu rosa mangitou wuṛṛu rosa al᷊amona mangitou. I mangitou mallobbossa si Ya'u ringannu mannambunnu amania huna manga monganna su tampa pasasubbanna su wuidda. I Ya'u buatte nabbal᷊issa si mangitou uasul᷊ungngu inolaanni mangitou su allo nanangkal᷊iu.”

YOSUA 10:11

Su tempo manga taumatan Amori tantal᷊anna sussossokka su sendakku wowone udde ana waugu tul᷊angngu watanganne wuassu tantaran Israel, Mawu nanossoku uranna eisse apan wahahewalla wuassu langitta si mangitou su al᷊o'engngu lal᷊anna naddatingngu Azeka. Ingana'a nate naemaannu uranna eisse udde mannamboanna wuassu nipaten taumatan Israel.

YESAYA 29:23

Ana waugu napawe i yamiu naasilo manga anangngu apan Ta'u nionggolla si'o, ne i yamiu sarun manga'u manungku ete i Ya'u Ruata na'ukkassu Israel. I yamiu sarun mangaddatta si Ya'u wuṛṛu mata'u-U.

YESAYA 64:2

naal᷊ihidda putungnga mappaṛṛenggamu alu wuṛṛu napahoggokku ua'e. Papal᷊iattaa'e taṛṛino-Nu su manga seen-Nu, na'oman sara manga walahanna mangngiladda su saruan-Nu.

HABAKUK 1:5

Wua'udde Mawu nabbisara su uman-Ne, “Panutukke manga walahanna su al᷊indongannu, ne i yamiu sarun tumiangnga wuṛṛu iagukke. Ana waugu sutempon kamiu i Ya'u sarun ma'ola'a sambau saranapa apan tawe pangimananni yamiu amungkangngu tumba'u iwatti'a si yamiu.