YESAYA 28:19 - WUKE SUSI WATTI'U AL᷊AL᷊USASSA

¹⁹ I yamiu sarun aṛṛiaannu asasusa mal᷊annu-l᷊annu wuṛṛu ṛinone maola'a bawawanna mamiallo, maruallo, allattune wuṛṛu ṛabbi. I yamiu sarun mangindon atata'utta napawe i yamiu maasunna tanatan Duata.

YESAYA 28:19 Referans Kwoze

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.

DANIEL 8:27

Wua'udde i ya'u naapendamma nallome ana see nirumadda'a manga pira allo al᷊annune. Wue udde nabbangunte i ya'u wuṛṛu nammanarate manga manara'u apia su ratu. Arawe i ya'u sussinggawangnga maṛṛingiddu manga sondappa udde wuṛṛu mangke tawe maasunna manga sondappa udde.

DANIEL 7:28

Nattaalle isindi watti'a indi. I ya'u lembon sussinggawangnga na'oman sara nabbal᷊i namikkassa, arawe tawe saran sangkatou apan tau niwal᷊oanna su ola'u sarangkanambone udde.

YEREMIA 19:3

I Ya'u ṛinone mabbisara arendi, “Ei manga ratun Yehuda wuṛṛu tumana'u Yerusalem! Paddaringikka si Ya'u, Mawu Apan Lembontaṛṛino, Ruatan Israel, apan mabbisara si yamiu. I Ya'u sarun mandantan asasilaka apan bahewalla su tampa indi ma'oman sara taumata apan maaringikka ṛumindu'a.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

YESAYA 37:3

Eteindi tanatan Hizkia apan niwal᷊on mangitou si Yesaya, “Allo indi allon lullal᷊o; i ite niṛṛuumanna wuṛṛu nial᷊uandahanna. I ite naal᷊ihidda wawine apan mangunsiwete, arawe niasueannu ikkatta.

YESAYA 36:22

Ne i Elyakim, i Sebna wuṛṛu i Yoah nanggesa'a laungnge maola'a tatiala massusa, wua'udde inaite namasingkatta ratu sarangkanambone apan buatte niwisaran tembonannu tantaran Asyur udde.

YESAYA 33:7

Manga taumata apan matohassa wuṛṛu waṛṛani u'ui ma'iontolla; manga daroloṛṛanna apan maddea'a paddarame lulluai ringannu sasal᷊iomanna.

2 MARARATU 24:2

Mawu nandolokku manga tantaran walahannu Babel, Siria, Moab wuṛṛu Amon niaparo'appa si Yoyakim wuṛṛu niapaṛṛimunsa'a Yehuda nassul᷊ungu ere buatte nipasingkatu Mawu su manga nabi allang-Nge.

AYUB 18:11

Taumata lal᷊eo niṛṛumoron atata'utta wuassu al᷊awo'u pappi'uanne; atata'utta uatantalongnga su manga lempangnga.

2 MARARATU 21:12

Ana waugu udde, i Ya'u, Ruata apan sassubbannu walahannu Israel, sarun mandantan silaka apan bahewalla su Yerusalem wuṛṛu su Yehuda na'oman sara suapan taumata apan naaringikka ola'u hatto udde sarun ṛumoro.

2 MARARATU 18:13

Sulal᷊ummu tonna apul᷊o appanne i Hizkia ratun Yehuda uaparenta, manga soan Yehuda apan pia tatandange watu nipangaloanna wuṛṛu niwaddon Sanherib, ratun Asyur.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

1 SAMUEL 3:11

Ana see Mawu nabbisarate si tou, “I Ya'u sarun mandantan sambau inolaanna apan bahewalla su taumatan Israel, na'oman sara suapan taumata apan maaringikka sarun ial᷊iwune.

AYUB 6:4

Anaanna wuassu Apan Lembontaṛṛino nallappassa su wadangku; pasangkadde niumalinna su ahewallu wadangku wuṛṛu ṛimuu'u. Al᷊aṛṛaubbu Ruata mangke maata'utta, wuṛṛu mammangalo si ya'u naal᷊ihidda ammul᷊annu seetta.

AYUB 24:17

Si tou, ruaallo tumaniten maata'utta, arawe wasa tuudda, maal᷊uassa.”

DARALO 55:4

Naungku sussinggawanga ana waugu iwabbansagu seetta, wuṛṛu pangangallangu taumata lal᷊eo. Ana waugu i mangitou mapasusan wia'u, wuṛṛu ringannu massa'u maisasee'u.

DARALO 88:15

Oh Mawu, anio I'o nanol᷊a'u? Anio I'o namiṛṛun hati-Nu wuassia'u?

YEREMIA 6:24

Naaringikka watti'a udde, tumana'u Yerusalem nabbal᷊i nallome. I mangitou naapendamma atata'utta, wuṛṛu uatataṛṛangnga ere wawine apan mangunsiwete.

LAL᷊ALLU 2:22

I'o namaggo manga seetta apan iaata'utti yami niapaola'a andeangngu araṛṛagissa su tampan kami. I mangitou namate sarangkanambone apan papadul᷊iananna wuṛṛu arangnguanni yami. Su allo asasa'u-Nu, tawe saran sangkatou apan wotongne tumal᷊angngu watanganne.

AYUB 41:9

Suapan taumata apan naasilo Lewiatan, sarun mabbal᷊i lome ana se mawantingnga mapinsanna.

YEREMIA 4:5

Paniuppe trompetta su ahewallu wanua! Pangikkuitte ringannu ma'ikkatta wuṛṛu matelengnga. Doloṛṛa'e tumana'u Yehuda wuṛṛu Yerusalem tumal᷊angnga watukku manga soa pia tanda batune.

YEREMIA 4:9

Mawu nabbisara, “Su allo udde manga ratu wuṛṛu manga tembonanne sarun mallome ikkanne; manga imam nata'utta wuṛṛu manga nabi niṛṛumoro.”