Biblia Todo Logo
Bib sou entènèt

- Piblisite -




YESAYA 28:17 - WUKE SUSI WATTI'U AL᷊AL᷊USASSA

17 Atatul᷊idda Ta'u olaanna tal᷊i auukka, wuṛṛu apapia Ta'u olaanna tal᷊in passaranna.” Uranna watu sarun mamaresi anambon bawahia apan pangngartimanna ara'e ia'asakki yamiu. Manawangnga sarun mangonoddu tampa pa'imbuniannu.

Gade chapit la Kopi




YESAYA 28:17
35 Referans Kwoze  

Yerusalem sarun Ta'u iṛṛuumanna ere lai Ya'u nakkuumannu Samaria wuṛṛu i Ahab ratun Israel see lai papapulunne. Yerusalem sarun Ta'u waresianna ere lama'a apan buatte niukkassa wuṛṛu nilaabba.


Uranna eisse apan wahewa, sambau-sambau awakkane limam pul᷊o su kilone, nanawo wuassu langitta nangema'a manga taumata. Ne i mangitou namontoga Ruata ana waugu asasusan uranna eisse apan wahewalla udde.


Ne, nawu'ate Wal᷊en Ruata su surga, wuṛṛu niasiloante Wantalu Pa'aire sulal᷊umme. See nariaddite sawallo ma'ilatta wuṛṛu tingikku rallu'a mappose wuṛṛu ruddallu'a, see lai linukka wuṛṛu uranna eissa apan masassaga.


Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.


I ite masingkata manungku amungkangngu Ruata maṛṛuumannu manga taumata apan inolaanne ereudde, apan niola'u Ruata udde tawe sal᷊ane.


Ne, Wal᷊e-U apan pangngantinanni yamiu, wuṛṛu tampa apan Ta'u nionggolla su al᷊amonanu wuṛṛu si yamiu indi sarun Ta'u olaanna lai ere su Silo dorone.


Mawu sarun mandolokku sangkatou apan matohassa wuṛṛu waṛṛani. Darantane ere anginna ma'ikkatta daṛundinganannu uranna eisse, ere uranna masaddatta wuṛṛu manawangnga apan ma'aonodda. Ringannu araṛṛagissa i tou mangngema'i mangitou su leta'a.


Pallaṛṛuung-Nge matul᷊idda wuṛṛu masiṛṛonga! I Tou suete naṛṛuumannu sumasandaga apan wahewalla, apan nandal᷊eo runia ringannu sasandage. Ruata suete naṛṛuumannu sumasandaga udde, ana waugu ete i tou namate manga allangngu Ruata.”


Mala'ekatta paarorone nattiuppe trompeti tou, ne uranna eisse wuṛṛu putungnga lal᷊o'annu ṛaṛṛa nangansala su runia. Sepertiga wuassu runia nasue natutungnga; aroddi lai sepertiga wuassu manga aaluanna, wuṛṛu al᷊awo'u nannal᷊o apan ma'elomma.


ana waugu Mawu tate mal᷊annu lai mandantan ṛuumanna su lal᷊oṛṛon runia.”


Su tempo nanguranna wuṛṛu nammanawangnga lapiddu anginna ma'ikkatta tinumiuppa su wal᷊e udde, wal᷊e udde naṛṛa'a. Wuṛṛu ahahohakke wahewalla atonna!”


Al᷊awo'u tantara apan mando'appa si tou, ore wewe lai Imam Wahewalla, sarun insueanna wuṛṛu ṛimunsaanna.


I tou sarun Ta'u iṛṛuumanna ringannu al᷊aṛṛusa'itta wuṛṛu uapapate. Uranna masassaga wuṛṛu uranna eisse, putungnga wuṛṛu beleranga sarun Ta'u iwoso si tou wuṛṛu tantarane wuṛṛu su anambon balahanna apan buatte naammulli tou.


Asasa'u Mawu naal᷊ihidda anginna wahewalla apan mannanggiudda wuṛṛu mannalla'u manga taumata apan dal᷊eo.


I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”


I mangitou sangkatou-sangkatou naal᷊ihidda tampa pattillummanna wuassu anginna wuṛṛu tandi'a. I mangitou ere sal᷊ukku apan mangngelekka su wadda'u anne, ere lumman batu wahewalla su leta'a maṛṛasa.


I Tou nandolokku anginna niapal᷊iuṛṛoro wuassi Tou naal᷊ihidda manawangnga atanggakke sara ullekka apan nangelekku al᷊awo'a. I Tou nakkadda'a manga walahanna, wuṛṛu namal᷊aatta manga ṛiinni mangitou apan dal᷊eo.


I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.


Ana waugu I'o nabbal᷊i tatal᷊angannu taumata lome, tampa apan mal᷊annabba su taumata asiangnga sulal᷊ummu asasusa. Ete I'o pattilindumanna su anginna al᷊isusu, pattillummanna su paddissa masal᷊ihangnga. Ana waugu taumata maṛṛagissa namangalo naal᷊ihidda anginna al᷊isusu sutempo mangnguranna


Salaiwe taumatan Israel orassa indi anambone uasul᷊ungngu anne su apanne, tumba'u manga pirang katou apan mawelengnga. Ṛuumannu Mawu maranite, wuṛṛu atonna se'e lai matul᷊idda walahanna udde pateanna.


Arawe Mawu Apan Lembontaṛṛino namasilon awawantu-Ge ringannu ma'ola'a manara apan atonna. I Tou sarun mamasilon asasusi-Ne ringannu makkuungngu walahanna.


Ne tita sarun iapaamatta apia su pallaṛṛuungnga, anambon taumata matul᷊idda sarun maapulun tita udde.


I mangitou niarṛṛo tantal᷊anna taambe nia'omanna papatene, wuṛṛu nielekku manawangnga apan wahewalla.


Su tempo manga taumatan Amori tantal᷊anna sussossokka su sendakku wowone udde ana waugu tul᷊angngu watanganne wuassu tantaran Israel, Mawu nanossoku uranna eisse apan wahahewalla wuassu langitta si mangitou su al᷊o'engngu lal᷊anna naddatingngu Azeka. Ingana'a nate naemaannu uranna eisse udde mannamboanna wuassu nipaten taumatan Israel.


Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.


Mawu nabbisara, “I Ya'u marangngu atatul᷊idda wuṛṛu maddantinnu pangangallanga se'e lai al᷊al᷊eo. I Ya'u sarun mangonggollu hadinu ringannu uaatokka, wuṛṛu mangiittu paddariandi sarangkal᷊o'enge ringanni yamiu.


Sutampa indi Ya'u sarun manal᷊are anambon hol᷊agu taumatan Yehuda wuṛṛu tumana'u Yerusalem. I mangitou sarun Ta'u iwala iwaddo manga seetti mangitou wuṛṛu pateanna sulal᷊ummu pangalo. Winal᷊unanni mangitou sarun Ta'u iwala inasannu manu'u winalanganna wuṛṛu winatangnga mal᷊aṛṛaga.


Naal᷊ihidda manawangnga wahewalla apan nangelekka, niṛṛimunsang-Nge manga seen-Ne. I mangitou apan waṛṛani lumawangnga si Tou nipuullu Mawu ringannu papate na'oman sara nate.


Swiv nou:

Piblisite


Piblisite