YESAYA 28:15 - WUKE SUSI WATTI'U AL᷊AL᷊USASSA

¹⁵ I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

YESAYA 28:15 Referans Kwoze

AMOS 2:4

Mawu nabbisara, “Taumatan Yehuda masokkate ma'ola rosa, ana waugu udde i Ya'u sarun makkuumanni mangitou. I mangitou nilumawangnga manga parenta-U wuṛṛu tawe maddaringika manga al᷊aṛṛa-U. I mangitou nilamamiṛṛannu manga mawu waine apan sassubbannu al᷊amonan mangitou.

HOSEA 2:18

Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

DANIEL 11:22

Al᷊awo'u tantara apan mando'appa si tou, ore wewe lai Imam Wahewalla, sarun insueanna wuṛṛu ṛimunsaanna.

YEHEZKIEL 13:22

Manga taumata mapia apan maddiri Ta'u olaanna lal᷊eo, niadio'i yamiu naungnge ringannu wawahianu. Manga taumata lal᷊eo niola'i yamiu wahewalla naungnge tadea'u sidutu marosa wuṛṛu tawe iapaasal᷊amatta.

YESAYA 28:18

Pa'airenu ringannu papate wuṛṛu riandinu ringannu runian papate sarun tawe iapasakkuta, ma'oman sara napawe asasilaka rumanta, i yamiu mapussa'a sassal᷊idananna.

ZEFANYA 1:12

Sutempo udde i Ya'u sarun manganu sasol᷊oanna, wuṛṛu mamarikissa Yerusalem. Sarun Ta'u iṛṛuumanna tumanangnge apan uapapadua udde see apan mammungan batanganne sassane, wuṛṛu apan maṛṛingidda manungku i Ya'u, Mawu tawe mammanara arendi ara'e aroddi.

YUNUS 2:8

Manga masasubba paal᷊uanna apan tawe gunane, nanantangngu Mawu wuṛṛu tate tumuṛṛutta.

YEHEZKIEL 13:16

ei manga nabi awusu! I yamiu manni'atta manungku Yerusalem mal᷊angnganna wuṛṛu naatokke, sumbal᷊i atonna-tonna tawe!” Etearoddi wisara Mawu Apan Atanggaṛṛanne.

YEHEZKIEL 8:12

Mawu nabbisara si ya'u, “Ei taumata apan mattate, i'o naasilote apa apan niola'u piaṛṛa'u Israel ringannu mal᷊anna-l᷊annabba? I mangitou mattaṛṛamawu sulal᷊ummu wabbo'a apan napenen paal᷊uanna ringannu pangiananna manungku i Ya'u buatte nanantangngu wanua indi wuṛṛu tawe ma'ellega inolaanni mangitou.”

YEREMIA 44:17

Al᷊awo'a apan buatte pina'ireng kami, sarun olaanni yami lai. I yami sidutu sarun mangngonggollu sasamba su Ratun Surga, wuṛṛu mallal᷊innu anggore maola'a sasamba si tou ere inanaramanne apan ilallagu su manga soan Yehuda wuṛṛu su manga lal᷊annu Yerusalem apan a'olaannu al᷊amonan kami, manga ratu wuṛṛu manga tembonannu araratuanni yami see lai i yami sassane. Sutempo udde i yami uatahuanna manambo anna, i yami su lal᷊umanna'a, wuṛṛu tawe asasusa apa-apa.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

YEREMIA 14:13

Ana see i ya'u nabbisara, “Oh Mawu Apan Atanggaṛṛanne, I'o masingkatta manga nabi buatte nabbisara su tumanangnge manungku tate pangalo ara'e al᷊aṛṛutumma, ana waugu I'o buatte naddiandi manungku wanua indi sidutu sulal᷊ummu paddarame.”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YESAYA 30:28

I Tou nandolokku anginna niapal᷊iuṛṛoro wuassi Tou naal᷊ihidda manawangnga atanggakke sara ullekka apan nangelekku al᷊awo'a. I Tou nakkadda'a manga walahanna, wuṛṛu namal᷊aatta manga ṛiinni mangitou apan dal᷊eo.

YESAYA 30:10

I mangitou mabbisara su manga nabi, “Paal᷊annabba tutuwa'a moṛṛongnga! Arie pabbal᷊o si yami apa apan naṛṛino, ewe'e apa apan aapuluanni yami udde daringiṛṛanna. Wala'e i yamiu sidutu mabbal᷊iawa.

YESAYA 29:15

Nasilakate taumata apan mattinsahadda mammunin hol᷊age su Mawu! I mangitou ma'inolaanna ringannu mal᷊anna-l᷊annabba, wuṛṛu massunna manungku tawe saran sangkatou apan ua'ellega ara'e masingkattu inolaanni mangitou.

YESAYA 28:2

Mawu sarun mandolokku sangkatou apan matohassa wuṛṛu waṛṛani. Darantane ere anginna ma'ikkatta daṛundinganannu uranna eisse, ere uranna masaddatta wuṛṛu manawangnga apan ma'aonodda. Ringannu araṛṛagissa i tou mangngema'i mangitou su leta'a.

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

MANNANASE 8:8

Tawe saran sangkatou apan wotongnge manaṛṛangnga ara'e manoṛṛottu papatene. Udde manara apan tawe iaal᷊inda'i tou, i tou tawe maal᷊iu wuassi tou, salaiwe ringannu aalla wuṛṛu wawahia.

AYUB 5:23

Wailla apan pajekoannu sarun tawe batune; winatangnga matengnga sarun tawe tumambo si'o.

YESAYA 3:12

Uma-U sarun allangannu taṛṛa rea'a auntunganna wuṛṛu ipakkan taumata taṛṛa iṛṛuppa daṛṛa. Uma-U sarun ial᷊iwun manga piaṛṛangnge na'oman sara waggate lai dal᷊anna apan ṛinone amatanni mangitou.”

YESAYA 30:9

Ana waugu, i mangitou udde walahanna apan apulunne lullawangnga su saruannu Ruata, apulune mammahia wuṛṛu mangke maddiri maddaringikka al᷊aṛṛa'u Mawu.

YESAYA 44:20

Inolaanna udde nassul᷊ungngu niumanna awu. Taumata udde nial᷊iwun ṛingiranne apan boddo, na'oman sara i tou tate iatul᷊ungnga lai. I tou tawe maapanga'u manungku paal᷊uanna apan su limane udde tumba'u wawahia.

YESAYA 59:3

I yamiu nassal᷊a ana waugu namahia wuṛṛu nallinga, ana waugu na'ola'a araṛṛagissa wuṛṛu mammate.

YESAYA 59:4

I yamiu mangngalaen hatto tawe pangiananne wuṛṛu makkuungnga ringannu tawe atatul᷊idda. I yamiu mangngawusu wuṛṛu mangngasakku apa apan tawe gunane; i yamiu makkiinna ipandal᷊eo taumata waine wuṛṛu ma'ola'a al᷊al᷊eo.

AMOS 6:13

I yamiu mattal᷊imoṛṛonganna manungku i yamiu buatte namaddon Lodebar. I yamiu lai mabbisara, “I yami ta'e matohassa inai mangaṛṛo Karnaim.”

PANDARIADDI 37:20

Wette pateanni ite i tou, wuṛṛu winal᷊unanne iramme su paṛṛihi mamara. Mantewe iwal᷊on kite manungku i tou nate niaṛṛatu winatangnga mal᷊aṛṛaga. Ellehanten kite ereapa sal᷊immurine manga wal᷊iawane udde.”

YESAYA 30:12

Ana waugu udde Ruata na'ukkassa su Israel nabbisara arendi, “I yamiu nanol᷊a'u wisara-U wuṛṛu mangngasakku ara'e tinumantaṛṛimanna pangangallanga wuṛṛu pamamahia.

YEREMIA 5:12

Umattu Mawu maggahatton apa apan tawe suṛṛinone su ola'u Mawu. I mangitou nabbisara, “Eh, i Tou tawe ma'aola'a apa-apa. I ite tawe aṛṛiaannu asasilaka wuṛṛu tawe lai maapendamma pangalo wuṛṛu ṛutumma.

YEREMIA 13:25

Uddewe ola'u pabbiaṛṛannu apan buatte Ta'u nitantunna ana waugu i yamiu naabul᷊i-U, wuṛṛu nangimante su manga mawu awusu.

YEHEZKIEL 22:28

Manga nabi mammuni manga rosa udde; i mangitou naal᷊ihidda taumata apan mammuṛṛa darandungnga apan kotoṛṛe. Manga aellegi mangitou awusu, aroddi lai manga pani'atti mangitou. I mangitou mangnga'u manungku tanata apan niapasingkatti mangitou uddewe apan nisengkammi mangitou wuassu Mawu Apan Atanggaṛṛanne, sumbal᷊i i Ya'u mangke tawe nabbisara si mangitou.

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”