YESAYA 28:13 - WUKE SUSI WATTI'U AL᷊AL᷊USASSA

¹³ Ana waugu udde Mawu mangngaṛṛa'a si yamiu huruppa ringannu huruppa, wisara ringannu wisara wuṛṛu hatto ringannu hatto. Wuṛṛu sutempo umamatta i yamiu nanawo uataro'o na'oman sara nal᷊essa, niasongnganna wuṛṛu niatawanna.

YESAYA 28:13 Referans Kwoze

MATIUS 13:14

Ringannu udde nariaddite apa apan suete niwal᷊o Nabi Yesaya, ‘Ruata nabbisara: I mangitou sarun sidutu uararingikka arawe tawe maasunna; i mangitou sarun sidutu mannutukka arawe tawe maasingkatta apa apan nariaddi.

2 PETRUS 3:16

Sulal᷊ummu anambon suranne, Paulus siddutu mammoṛṛetu ola'u hatto udde. Atonna pia manga pira hatto apan masahadda passunnanne sulal᷊ummu manga suratti tou udde. Wuṛṛu wageangnge udde iwabal᷊elongngu manga taumata apan waggan apa-apa wuṛṛu apan lome pangangimanne. Olangnge udde tawe maatiangnga, ana waugu manga wageangnge waine wuassu Wuke Susi a'olaanni mangitou aroddi lai. Apa apan a'olaanni mangitou udde tumba'u manongkaki mangitou sassane.

MATIUS 21:44

Taumata apan nema'a su watu udde, sarun mapussa'a; wuṛṛu taumata apan niaemaannu watu udde, sarun atal᷊inggianne maola'a awu.]”

YESAYA 28:10

Ṛatadde i tou mangngaṛṛa'a si ite huruppa ringannu huruppa, wisara ringannu wisara, hatto ringannu hatto.”

DARALO 69:22

Ewe'e lai i ya'u nionggol᷊annu racunna iapaanna; sutempo marou, i ya'u nionggol᷊annu cuka niapa'inumma.

ROMA 11:9

Daud nabbisara lai, “Wala'e manga andeangngi mangitou maola'a wal᷊ati'a si mangitou sassane, wuṛṛu maola'a loṛṛangnga, tampa mangitou manawo wuṛṛu maṛṛimunsa'a!

HOSEA 6:5

Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage:

HOSEA 8:12

I Ya'u namoṛṛettu manambo atonna al᷊aṛṛa'a si mangitou, arawe sarangkanambone udde nitol᷊a'i mangitou ana waugu massunna tawe gunane si mangitou.

YESAYA 59:10

I yami uasasaṛṛipo naal᷊ihidda taumata wuta; allattune i yamiu iattara ere ṛabbi mattangnga; su tangngan taumata wiakka yami naal᷊ihidda taumata nate.