YESAYA 28:1 - WUKE SUSI WATTI'U AL᷊AL᷊USASSA

¹ Nasilakate soa apan nabbal᷊i ipammunga manga taṛṛa wu'annu Israel! Araṛṛamage nawul᷊i ere saṛṛen bunga apan tinumolangnga su wowon pua mangitou. Nasilakate soa apan matanggakka su pattangngannu wawal᷊anne masuwukka, ilalluassu manga taumata apan wu'anna masaddatta.

YESAYA 28:1 Referans Kwoze

HOSEA 7:5

Su allon andeangngu ratu, na'ola'a ratu wuṛṛu manga tembonanne na'inumma anggore na'oman sara niwu'anne wuṛṛu na'ola'a inolaanna apan longonna. Panginsuenne ratu mallal᷊umanna'a ringannu manga taumata apan nampabbaha udde.

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

AMOS 6:6

I yamiu ma'inumma anggore wuassu halasi apan nilal᷊inanna napene, wuṛṛu i yamiu mappaattu lana mawangngi apan apianne, arawe i yamiu mappaattu lana mawangngi apan apianne, arawe i yamiu tawe masusa naungnge su ola'u ola'u araṛimunsa'u Israel.

AMOS 6:1

Nasilakate i yamiu apan mabbiakka matemangnga su Sion, wuṛṛu i yamiu apan uapendamma mal᷊angnganna su Samaria – i yamiu ei manga matatimmaddu walahannu Israel apan apianne indi, i yamiu apan inanaramanne raddantannu tumanangnge paddoronganna tul᷊unganna!

AMOS 2:12

Arawe i yamiu nangonggollu ua'e anggore su taumata Nazir, na'oman naaola'a si mangitou nilumawangnga paaire. Wuṛṛu i yamiu manningaddu manga nabi mamasingkattu tanata-U.

AMOS 2:8

Suapan tampa patataṛṛamawuanna, manga taumata mattiilla ringannu laubba apan nianun mangitou maola'a wataṛṛun awalassu taumata asiangnga. Su Wal᷊en Ruatan mangitou, i mangitou ma'inumma anggore apan nianun mangitou wuassu taumata apan pia awallassa si mangitou.

HOSEA 6:10

Su Israel i Ya'u naasilo sambau apan maata'utta: uma-U mandal᷊eo watanganne ringannu massubba paal᷊uanna.

HOSEA 5:5

Awawungan balahannu Israel aasiloanna ringannu massemakka, wuṛṛu maola'a tialan pasasal᷊an mangitou. Rosan mangitou naaola'a si mangitou natara wuṛṛu nawal᷊atta, wuṛṛu walahannu Yehuda nanawo suadio'a lai ringanni mangitou.

HOSEA 4:11

Mawu nabbisara, “Ei uma-U, mawae anggore tabbe ara'e anggore apan wakku buatte napaawul᷊in atatohannu ipaṛṛingidda ringannu mapia.

YESAYA 9:9

“Manga gedunga ara'e wal᷊en wahewalla wuassu tela leta'a naṛṛaate, arawe i yami sarun ma'ola'a manga wal᷊en wakku wuassu watu. Manga alu ara buatte nituwangnga, arawe sarun hantianni yami ringannu alun cemaran Libanon apan apianne.”

YESAYA 8:4

Waugu tantal᷊anna ana'a udde ta'e addio'a taambe maasaggo ‘Papa’ wuṛṛu ‘Mama’, anambon paa'alan Damsyik wuṛṛu anambon saranapa niṛṛampassu Samaria sarun ṛuwoanna ringannu ratun Asyur.”

YESAYA 5:22

Nasilakate i yamiu apan pande ma'inumma anggore! I yamiu apan waṛṛani wuṛṛu pande mallo'an ua'e ma'awu'anna!

YESAYA 5:11

Nasilakate i yamiu! Wuassu rua'allo maddatingngu ṛabbi manaranu tumba'u ma'inumma ua'e ma'awu'anna wuṛṛu mabbu'anna.

AMSAL 23:29

Masingkatawe i'o apa apan sarun mariaddi su taumata apan ma'inumma anggore tumaniten manambo, wuṛṛu masokka mattemma ua'e maawu'anna? Taumata udde susa wuṛṛu uatataṛṛangnga. I tou sidutu uatatiakka wuṛṛu sussal᷊iomanna. Matane maṛṛamutta wuṛṛu awangnge nangkal᷊essa, salaiwe sarangkanambone udde wotongnge ial᷊inda'i tou.

2 MARARATU 15:29

Sutempo i Pekah uaparenta, i Tiglat-Pileser ratun Asyur nangaṛo soan Iyon, Abel-Bet-Maakha, Yanoah, Kedes, Hazor, waageangu Gilead, Galilea wuṛṛu Naftali. Tumanange apan niasametta niaapidda lai watukku Asyur.

IMAMATTA 26:19

I yamiu tumaniten mawunga, arawe i Ya'u sarun mapaol᷊obbi yamiu. Uranna sarun tawe mangansala, ma'oman sara letangu mabbal᷊i mamara wuṛṛu maatikka ere atta'a.

HOSEA 5:9

Israel sarun mate, ana waugu nia'omante allone ipakkuumanni tou. Paddaringikke, ei tumanana'u Israel, olangnge udde sarun mariaddi.

YESAYA 9:8

Anambon walahannu Israel wuṛṛu tumana'u Samaria sarun maasingkatta manungku ete Mawu apan na'ola'a udde. Orassa indi i mangitou namunga wuṛṛu matanggakka naungnge. I mangitou mabbisara,

YESAYA 9:11

Walahannu Siria su samba'an ra'i wuṛṛu walahannu Filistin su samba'an waṛṛatta nangaṛṛo Israel. Arawe Mawu ta'e massa'u wuṛṛu sidutu makkuumanna.

AMOS 4:1

Paddaringikke, ei manga wawinen Samaria apan aatambanna atawane ere manga sapi matawa su Basan! I yamiu mangngallangnga taumata lome, mammoddo taumata asiangnga, wuṛṛu maddorongnga tadea'u awingngu sidutu mannaddia ua'e maawu'anna si'o!

AMOS 6:4

Nasilakate i yamiu apan mattiilla su lallowanganna apan mangkapia wuṛṛu maandeangngu ṛemessu sapi wuṛṛu domba apan ta'e saṛṛen tumuwo!

AMOS 6:8

Ringannu maṛṛagissa Mawu Apan Lembontaṛṛino wuṛṛu Atanggaṛṛanne buatte nangonggollu pananaungnga indi, “I Ya'u maddantinnu atatanggakku umattu Israel; i Ya'u tawe mal᷊uassa ringannu manga wal᷊en araratuanni mangitou apan mangkapia. Inangngu soan mangitou ringannu sarangkanambone apan sulal᷊umme sarun Ta'u itantilla su seetta.”