YESAYA 27:13 - WUKE SUSI WATTI'U AL᷊AL᷊USASSA

¹³ Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

YESAYA 27:13 Referans Kwoze

MATIUS 24:31

Trompeta wahewa sarun tiupanna wuṛṛu Ana'u Taumata sarun mandolokku manga mala'ekanne mangammullu al᷊aṛṛanang-Nge wuassu pi'un dunia appatta, wuassu punnu langitta sambau ma'oman sara punnu langitta waine.”

IMAMATTA 25:9

Ana see su allo appul᷊one wul᷊anna appitune, eteudde allo pangampunganna rosa, doloṛṛa'e taumata maniuppa trompeta su al᷊awo'u tampa su ahewallu wanua.

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

ZAKARIA 14:16

Wua'udde anambon taumata apan ta'e wiakka suwallattu manga walahanna apan namangalo Yerusalem, sarun inai watukku soa udde massubba Ratu, Mawu Apan Lembontarṛṛino, wuṛṛu tadea'u maddamean Andeangngu Rasannu Rongnga.

YESAYA 11:16

Su uman-Ne lambene sarun pia dal᷊anna mal᷊oangnga tadea'u maasabbangnga wuassu Asyur, naal᷊ihidda sutempo Israel sinumabbangnga wuassu Mesir.

SONDAPPA 10:7

Arawe napawe mala'ekatta appitune nattiuppa trompeti tou, Ruata sarun ma'ola'a ṛiin-Ne apan uawuni, ere suete niwatti'a su manga allang-Nge eteudde manga nabi.”

SONDAPPA 9:14

Tingikka udde nabbisara su mala'ekatta aiannume udde, “Pallosa'a sire appata mala'ekatta apan raṛṛapusanna su Sal᷊ukku Efrat udde!”

SONDAPPA 8:6

Napawe wua'udde, sire pitu mala'ekatta apan uaaggasa trompeta udde uasasaddiate mattiuppa.

SONDAPPA 8:2

See i ya'u naasilo sire pitu mala'ekatta uarisikka su saruannu Ruata, wuṛṛu i mangitou nionggol᷊annu pitum bua trompeta.

1 TESALONIKA 4:16

Paṛṛadote mala'ekatta mawantuga sarun umui ringannu tingikka ma'ikkatta wuṛṛu trompetu Ruata iapatuntingikka maola'a sambau tatiala iapasaddia. See Mawu Yesus sassane sarun sumossokka wuassu surga, wuṛṛu manga taumatan Saṛṛani apan natete sarun iapaawiakka dorone.

ROMA 10:18

Arawe i ya'u maiwal᷊o: Atonnawe i mangitou taambe naaringikka watti'a udde? Atonna buatte! Ana waugu sulal᷊ummu Wuke Susi uawoṛṛetta arendi, “Tingikki mangitou niaringiṛṛante su ahewallu runia, manga wisaran mangitou na'omate sara petakku runia.”

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

HOSEA 11:11

Wuassu Mesir i mangitou sarun dumanta ere al᷊ihakku manu'u winalanganna, wuṛṛu wuassu Asyur Tau iapidda mabbelengnga watukku wal᷊en mangitou. I Ya'u, Mawu, apan nabbisara.”

HOSEA 9:3

I yamiu, ei walahannu Israel, tawe sidutu uatana'a su leta'a apan niongonggollu Mawu si yamiu. I yamiu ṛinone mabbelengnga su Mesir, wuṛṛu ṛinone umanna anna ipapapalli su Asyur.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

YEREMIA 44:28

Tumaba'u manga pira taumata apan sarun masal᷊amatta wuṛṛu mabbelengnga su Yehuda wuassu Mesir. Ne anambon taumatan Yehuda apan su Mesir sarun maasilo tanne wisara mangitou ara'e wisara-U apan matualaga.

YEREMIA 43:7

I mangitou nilumawangnga parenta Mawu, wuṛṛu nanute su Mesir na'oman sara araune su soa Tahpanhes.

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.

YESAYA 56:8

Ete arendi wisara Mawu Apan Atanggaṛṛanne apan nanguntuddu Israel napul᷊e wuassu pamamuanganna, “I ya'u sarun mangapiddu manga taumata waine tadea marimpul᷊e suaddio'a ringanni mangitou apan naammulle.”

YESAYA 25:6

Su Wuiddu Sion, Mawu Apan Lembontaṛṛino sarun manaddia sal᷊iwangnga su anambon walahanna su runia. I Tou nangimben kanna apan atemanganne wuṛṛu anggore apan buatte nipile.

YESAYA 19:21

Mawu sarun mapal᷊iatta'u watangan-Ne su walahannu Mesir, wuṛṛu i mangitou sarun maaillal᷊a wuṛṛu massubba si Tou, lapiddu mangapiddu aonggolla wuṛṛu sasamba si Tou. I mangitou sarun maddiandin Tou ringannu sasalu wuṛṛu mappaamattu riandi udde.

YESAYA 18:3

Ei, i yamiu sarangkanambone apan uatana'a su runia! Pa'ellege amungkangngu manga waneṛṛa iruitte su puiddu manga wowone! Paddaringikke napawe trompetta tiupanna!

YESAYA 11:12

Mawu sarun manduittu sambau waneṛṛa su walahanna udde. Udde tatialane i Tou nangammullu apia walahannu Israel wuṛṛu Yehuda apan nassal᷊iawukka su ahewallu runia wuṛṛu nangapiddi mangitou mapul᷊e.

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

DARALO 89:15

Atatul᷊idda wuṛṛu tita uddewe sasariannu araratuan-Nu, darangngu wuṛṛu apapia nilumiatta'a sulal᷊ummu al᷊awo'u manara-Nu.

DARALO 81:3

Tengkelle rebana, wuṛṛu pangantarite, tengkelle gambus wuṛṛu kecapi ringannu mapia.

DARALO 47:5

I Tou namile leta'a ionggola maola'a pussa'an kite, ilalluassu walahanna apan arangnguan-Ne.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

YESAYA 2:2

Wuassu manga allo addantane wuidda tampan Bal᷊en Mawu apan uapasi'a matanggakka wuṛṛu uarisikka matohassa roso su manga wowone wuṛṛu manga wuidda. Anambon walahanna mangngelekka inai poiaroddi,

YESAYA 19:22

Mawu sarun manggesekka walahannu Mesir, arawe wua'udde i Tou sarun mangundamma si mangitou. I mangitou sarun mabbal᷊i'a mabelengnga ringannu Mawu, wuṛṛu i Tou sarun maddaringikka aal᷊iomanni mangitou lapiddu mangonggollu aul᷊en baddangnga.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 66:23

Suapan Bul᷊anna wakku wuṛṛu suapan allon Sabat anambon umattu taumata sarun dumanta massubba si Ya'u su Yerusalem.

YEHEZKIEL 20:41

Napawe i yamiu Ta'u niapidda sinumabbangnga wuassu manga wanua sutampa i yamiu nisal᷊iawukka, i Ya'u sarun mangammulli i yamiu wuṛṛu manengkamma al᷊awo'u sasambanu itattambunna. Ne anambon balahanna maasingkatte manungku i Ya'u indi Ruata Apan na'ukkassa.

YEHEZKIEL 39:25

Mawu Apan Atanggaṛṛanne nabbisara, “Arawe orassa indi i Ya'u sarun umakkannu umattu Israel papapulunni Yakub, wuṛṛu ma'ola'a si mangitou su lal᷊umanna'a apia. Ringannu aroddi i Ya'u uariaga tadea'u arang-Ku sidutu aadatanna.

DANIEL 11:45

Ewe'e lai i tou sarun mapararisikku rasannu araratuanne suwallatu tahal᷊oangnga wuṛṛu wowone tampan Wal᷊en Mawu. Arawe wua'udde i tou sarun mate wuṛṛu tawe saran sangkatou lai apan wotongnge mangontolla si tou.”

ZAKARIA 8:7

I Ya'u sarun manal᷊amatta uma-Ku wuassu manga wanua sutampa i mangitou niṛṛootta,

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YESAYA 43:6

I Ya'u namarenta sawannakka wuṛṛu timukka, tadea'u i mangitou mal᷊ihakka ipallossa. Wala'e manga anangngu esakka mawelengnga wuassu tampa marau, wuṛṛu manga anangngu wawine mapul᷊e wuassu manga pentakku runia.

YEREMIA 31:6

Atonna, sarun a'omanna tempone manga mandariaga soa umui su panenteannu Efraim, ‘Wette i ite sumaate su Sion, ringannu Mawu Ruatang kite.’ ”

MIKHA 7:14

Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.