YESAYA 27:11 - WUKE SUSI WATTI'U AL᷊AL᷊USASSA

¹¹ Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YESAYA 27:11 Referans Kwoze

YEREMIA 8:7

Waṛṛoa lai masingkatta tempone i tou mabbelengnga; tekukur, tal᷊umpiso'a wuṛṛu murai lai masingkattu tempone mangingkatta. Arawe i yamiu, uma-U, tawe maaillal᷊a manga tita apan Ta'u nionggolla si yamiu.

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YESAYA 43:7

Ana waugu i mangitou sarangkanambone buatte niwagoannu ringannu arang-Ku, i mangitou Ta'u niriaddi iapawantuga si Ya'u.”

YESAYA 43:1

Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

1 TESALONIKA 2:16

Ewe'e i mangitou lai mammal᷊aatta si yami mabatti'a su manga walahanna wal᷊ine Yahudi watti'a apan wotongnge maasal᷊amatta manga walahanna udde. Ringannu aroddi manga taumatan Yahudi udde siddutu mannamba rosan mangitou na'oman sara reenganne masuungnga. Wuṛṛu orassa indi i mangitou panginsueanne niarantannu asasa'un Duata!

ROMA 1:31

i mangitou maddiri massunna taumata waine; i mangitou mal᷊awangnga wuṛṛu tawe apedamma mantul᷊ungngu taumata.

YOHANES 15:6

Taumata apan maddiri uaaukka ringang-Ku, sarun iramme ere ranna, ana see maṛṛangute. Manga ranna ereudde sarun iammulla wuṛṛu iramme su putungnga, see tutunganna.

MATIUS 13:19

Wualanna apan nanawo su lal᷊anna isassumandingnga su taumata apan naaringikka watti'u Ruata mamarenta, arawe i tou tawe naasunna. Setanna udde nirumanta wuṛṛu nangaṛṛo wualanna apan suete niasi'a sulal᷊ummu naungngi mangitou.

MATIUS 13:15

Ana waugu ṛingiṛṛannu taumata indi nal᷊umute tal᷊inga mangitou nabbengelle wuṛṛu mata mangitou tawe maasilo. Indi mariaddi tadea'u mata mangitou tawe maasilo tal᷊inga mangitou tawe maaringikka, ṛingiṛṛanni mangitou tawe maasunna wuṛṛu arie mabelengnga ringang-Ku, see i Ya'u mapaapia mangitou.’ ”

MATIUS 3:10

Bal᷊iungnga nasaddiate ipanuwangnga alu, ma'oman sara manga ṛamunne. Al᷊awo'u alu apan tawe mabbua apan mapia sarun tuwanganna wuṛṛu iramme sulal᷊ummu putungnga.

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

YEHEZKIEL 20:47

Doloṛṛa'e mahurangnge udde maddaringikka si Ya'u Mawu Apan Atanggaṛṛanne mabbisara si tou, ‘Paddaringikka! I Ya'u sarun mapaṛṛenggammu putungnga apan manoṛṛobba sara masue suapan aal᷊uanna tatahuanannu, mawae ete naṛṛangute aroddi lai apan tuttuwo apia. Putungnga apan lukkenggamma udde tawe iapadumma. I tou sarun lumewa wuassu timukka maddatingngu sawannakka, wuṛṛu anambon taumata sarun maapendamma sal᷊ihangne.

YEHEZKIEL 9:10

I ya'u tate umakkanni mangitou. Sarun Ta'u olaanna si mangitou apa apan niola'i mangitou su taumata waine.”

YEREMIA 4:22

Mawu nabbisara, “Woddo atonna uma-U udde, i mangitou tawe ma'aillal᷊a si Ya'u. I mangitou naal᷊ihidda al᷊aṛṛana'a lal᷊eo ringannu tawe pasasunna sarangkadio'a; matikko'a sulal᷊ummu al᷊al᷊eo, marau wuassu apapia.”

YESAYA 44:2

Ete i Ya'u Mawu apan nandiaddi si'o, apan na'ola'a si'o ro'en ta'e su illoṛṛo, wuṛṛu apan nangontolla si'o. Arie pa'ata'utta, ete i'o allang-Ku, umatta nipile-U apan arangnguang-Ku.

YESAYA 9:17

Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

DARALO 106:40

Ana see asasa'un Mawu niṛṛumenggampe si mangitou, i Tou nuallu pussa'a-Ne sassane.

TAHIUL᷊E 4:6

Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

YESAYA 5:13

Ana waugu udde uma-U apan waggan napa sarun ehetanna inai maola'a taumata niatawanna. Manga mamamiaṛṛa'a wuṛṛu tumana'u soa sarun mate amal᷊unusanna wuṛṛu amarouanna.

YESAYA 18:5

Tantal᷊anna taambe tempon pabbawua, sutempo wungane natontongnga wuṛṛu wuan anggore taambe nal᷊aha su alune, Sudan sarun ṛimunsaannu seetta, ere al᷊uassu lari'a mammototta manga rannan alu anggore.

YEREMIA 11:16

I Ya'u buatte nanaggon mangitou punnu zaitun apan uasaṛṛihalo, napene manga wuane apan mangkapia. Arawe, orassa indi ringannu tingikka ruddalu'a apan ma'ikkatta sarun Ta'u soṛṛowanna manga rongngane wuṛṛu Ta'u paddianna anambon rannane.

YEREMIA 13:14

Wua'udde i mangitou Ta'u ipatatenggoka sambau ringannu waine. Timmadde dario'a sarun Ta'u olaanne aroddi ringannu tawe ampungnge. I mangitou sarun Ta'u pateanna ringannu tawe apendamma u'akkanna ara'e tuttal᷊antuppa. I Ya'u, Mawu, buatte nabbisara.”

YEREMIA 16:5

Arie inai su wal᷊en taumata apan tantal᷊anna lullal᷊o, Yeremia. Arie lumal᷊on sisai-sai. I Ya'u tate lai mangal᷊amatta uma-U ringannu lal᷊umanna'a, wuṛṛu tate lai mamasilon apendamma u'akkanna ara'e tatal᷊antuppa si mangitou.

YEHEZKIEL 19:12

Arawe i tou niabuttu manga lima apan massa'u, wua'udde niema'a su leta'a. Anginna Ra'i tinumiuppa, naṛṛangute wuane apan mapia. Rannane napaddi, naṛṛangu see nitutungnga.

HOSEA 4:14

Arawe i Ya'u sarun tawe makkuumannu inolaani mangitou udde, ana waugu i yamiu sassane lai inai ringannu manga sumasandaga apan mammanara su manga kuil wuṛṛu suaddio'a ringanni mangitou i yamiu mangngonggolu sasamba su monganna. Mangke atonna wisara indi: ‘Pabbawalaga apan tawe uatahuanna pasasunna su ola'u Ruata sarun maṛṛ'a.’