YESAYA 26:19 - WUKE SUSI WATTI'U AL᷊AL᷊USASSA

¹⁹ Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

YESAYA 26:19 Referans Kwoze

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

MATIUS 27:52

Manga lal᷊abinganna nawu'a, wuṛṛu manambo lal᷊oṛṛon araratuannu Ruata apan natete nabbiakka apia.

HOSEA 13:14

Walahanna indi sarun tawe Ta'u iapasal᷊amatta wuassu taṛṛinon runian taumata nate. Ei papate, paasabbarea'e raddangngu! Amata'e manaranu apan maaṛṛimunsa'a udde! I Ya'u sarun umakkannu walahanna indi apia.

HOSEA 6:2

Sulal᷊ummu darua ara'e tatallu su allone indi i tou sarun mapaapian kite, wuṛṛu i ite sarun mabbiakka sulal᷊ummu tilla'uppu Mawu.

DARALO 71:20

I'o nangonggola si ya'u manambo asasusa mawakkata, arawe I'o sarun mamelengngu ikka'u wuṛṛu mamangunna si ya'u wuassu labbinga.

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

FILIPI 3:21

Wadangngi ite apan lome wuṛṛu wotongnge maṛṛenessa indi, sarun wal᷊uanni Kristus maola'a ere wadang-Nge sassane apan mawantuga. I Tou wotongnge ma'ola'a udde ana waugu I Tou uatahuanna taṛṛino mapassuṛṛubawan sarangkanambone.

ZAKARIA 8:12

I mangitou sarun mangasi'u wualanna ringannu paddarame. Manga punnu anggori mangitou sarun mabbua, leta'a sarun mangonggollu hessine, wuṛṛu uranna sarun mangansalla ringannu manambo-nambo. Al᷊awo'u al᷊amatta Ta'u iionggolla su manga taumata apan ta'e wiakka wuassu walahanna indi.

1 KORINTUS 15:20

Arawe nasemakke Kristus buatte niapaawiakka apia wuassu papate. Indi maola'a wataṛṛune manungku manga taumata apan natete sarun mabbiakka apia.

HOSEA 14:5

Mawu nabbisara, “Uma-U apan sinumewadda, Ta'u al᷊apanna apia wuṛṛu Ta'u iakkanna ringannu ahewallu naungnga; i mangitou tate Ta'u wul᷊oanna apia.

FILIPI 3:10

Tumba'u sambau apan ipaapulu'u eteudde tadea'u i ya'u maaillal᷊a si Kristus, wuṛṛu maapendamma taṛṛino apan napaawiakki Tou wuassu papate. I ya'u maapulu matataṛṛanga suaddio'a ringanni Tou wuṛṛu maola'a uasul᷊ungnga ere i Tou su ola'u papate-Ne.

DARALO 22:15

Ikka'u nasuete naal᷊ihidda ua'e nabboso, anambon duṛṛi'u napallossa wuassu pabbuuanne, naungku nonossa ere lilinna.

TAHIUL᷊E 33:28

Ne papapulunni Yakub sarun mabbiakka ringannu matammuda su wanua napenen gandumma wuṛṛu ua'e anggore, wuṛṛu niwokkannu angngukka wuassu langitta.

WATTI'U MANGA RASUL 24:15

Ere lai i mangitou, i ya'u lai pia antimma su Ruata manungku anambon taumata sarun mabbiakka apia wuassu papate – taumata mapia, ara'e lai taumata lal᷊eo!

YESAYA 51:17

Pabbangunte, ei Yerusalem, pabbangunte! Ṛuumanna apan niema'u Mawu ana waugu asasa'u-Ne buatte niamannu na'oman sara nasue.

TAHIUL᷊E 33:13

Su papapulunni Yusuf i tou nabbisara: “Antimanna leta'i mangitou al᷊amatannu Mawu ringannu uranna, wuṛṛu ua'e wuassu wantan dunia.

TAHIUL᷊E 32:2

Antimanna al᷊aṛṛa'u sumossokka naal᷊ihidda uranna, wuṛṛu manga wisara'u tuttannissa ere wal᷊angngukka, naal᷊ihidda uṛṛintingnga su wowon nannal᷊o, wuṛṛu uranna masassaga su wowon manga sasuanna.

MATIUS 27:58

I tou inaite ringanni Pilatus, wuṛṛu naddorongnga winal᷊unannu Mawu Yesus. See i Pilatus namarentate tadea'u winal᷊unannu Mawu Yesus ionggolla si Yusuf.

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

AYUB 29:19

I ya'u naal᷊ihidda aal᷊uanna apan masuwukka tatuwone, ṛamutta ua'ene natimu wuṛṛu wal᷊angngukka maṛṛolo rannane.

1 SAMUEL 2:6

Mawu wotongnge mamate, i Tou lai mapawiakka. Watukku runian taumata nate i Tou nanossokku taumata. Wuṛṛu ete i Tou lai apan mangal᷊appa wua poiaroddi.

DARALO 22:29

Ana waugu ete Mawu apan uataṛṛino, i Tou uaparenta manga walahanna.

YESAYA 18:4

Mawu nabbisara si ya'u, “Wuassu atatanaang-Ku al᷊iurosone, i Ya'u sarun mangintanno inawa ringannu matammudda wuṛṛu matilangnga, ere atatammuddu wal᷊angngukka apan naola'a sutempo ṛabbi apan masal᷊ihangnga sutempon pangangitingnga, wuṛṛu ere asemakku matannallo sutempo allo.

AYUB 14:8

Salaiwe sulal᷊ummu leta'a, ṛamunne naṛṛonesse, wuṛṛu tuidde nate ana waugu naṛṛangute,

DARALO 88:11

Apa I'o na'ola'a al᷊aṛṛindu'a su taumata nate? Apa i mangitou nabbiakka wuṛṛu naddalo Si'o?