YESAYA 26:14 - WUKE SUSI WATTI'U AL᷊AL᷊USASSA

¹⁴ I mangitou natete wuṛṛu tate mabbiakka apia, ṛimuudde tate mabbangunna apia. Ana waugu i mangitou nasuete Nipate-Nu wuṛṛu nipappassu Mawu wuassu naungnga.

YESAYA 26:14 Referans Kwoze

AMSAL 10:7

Pannanaunganna su taumata mapia udde maola'a al᷊amatta, arawe taumata lal᷊eo lapiddu abbul᷊iananna.

YESAYA 8:19

Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

DARALO 106:28

Wua'udde su Peor i mangitou massubba si Baal, wuṛṛu niumanna sasamba apan ionggola su manga monganna.

SONDAPPA 20:5

Ete indi panattaṛṛannu taumata nate niapaawiakka apia. (Arawe manga taumata nate waine tawe niapaawiakka apia sulal᷊ummu saṛṛiwu su tonnane udde.)

MATIUS 2:20

Mala'ekatta udde nabbisara, “Manga taumata apan mamate Ana'a udde natete. Ana waugu udde pabbangunte, apira'e Ana'a udde ringannu inangnge wuṛṛu pabbelengke su Israel.”

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

DARALO 109:13

Wala'e anambon papapulunne ṛaddaanna, wuṛṛu aranne timbul᷊ianannu pal᷊awanna manansunna.

DARALO 9:6

I'o buatte nakkuumannu manga walahanna wuṛṛu namate manga taumata lal᷊eo; i mangitou timbul᷊iananna saran mal᷊annu-l᷊annu.

TAHIUL᷊E 4:28

Isudde i yamiu sarun mattaṛṛamawu su manga monganna apan niola'u liman taumata, manga monganna wuassu alu wuṛṛu watu apan tawe maasilo wuṛṛu maaringikka, tawe maanna wuṛṛu maasimbua.

SASABANGNGA 14:30

Su allo udde Mawu nanal᷊amatta balahannu Israel wuassu pangalon taumata Mesir, wuṛṛu i mangitou naasilo manga winal᷊unannu taumata Mesir nirangkalle su apanne.

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

DARALO 36:12

Arie pabbala'a i ya'u pangaloannu taumata mawunga, ara'e limbuaṛṛannu taumata lal᷊eo.

DARALO 59:5

Wal᷊ine lai ana waugu pasasal᷊a'u, i mangitou uasasaṛṛawutta wuṛṛu uasasadiate.

DARALO 135:17

I mangitou pia tal᷊inga, arawe tawe maaringikka, wuassu moṛṛongnge tawe sumabbanga singangu.

MANNANASE 9:5

Suapan wotongnge, taumata wiakka masingkatta manungku papate uaṛṛaddo si tou, wuṛṛu taumata nate waggan apa-apa. Si tou tawe baweakke ara'e lal᷊antakke, wuṛṛu aranne tinimbul᷊ianante.

YESAYA 29:6

Mawu Apan Lembontaṛṛino sarun mamallossu soa udde ringannu anginna ma'ikkatta wuṛṛu linukka apan masaddata. I Tou sarun mandatan anginna al᷊isusu wuṛṛu putungnga apan mangngepodda.

YESAYA 37:19

Manga monganni mangitou lai nitutungnga wuṛṛu niṛṛimunsa'a, ana waugu atonna manga monganna udde tawe taṛṛinone. I mangitou tumba'u paal᷊uanna wuassu alu wuṛṛu manga watu apan nilanginnu taumata.

AYUB 7:9

Naal᷊ihidda winabbawa apan mangngindau see mawul᷊i, taumata lai mate, tate maawelengnga mapul᷊e. Anambon taumata apan dorone masingkatti tou, naabul᷊ite wuṛṛu tate lai mannaungnga si tou.

AYUB 18:17

I tou tate tinumelengnga lai sulal᷊umme ara'e su liuddu soa; tate saran sangkatou apan maanaungnga aranne.

AYUB 24:20

Inangngene sassane naabul᷊iten tou, wuṛṛu manga ul᷊idda niuminassa watanganne. Aranne tate lai naunganna; i tou niinsue naal᷊ihidda alu apan nasuatta.