YESAYA 25:5 - WUKE SUSI WATTI'U AL᷊AL᷊USASSA

⁵ naal᷊ihidda anginna mal᷊oso su leta'a apan maṛṛasa. Arawe I'o na'ola'a seetti yami tawe maawisara, I'o napaillol᷊on aintul᷊in taumata maṛṛagissa, naal᷊ihidda sasirungannu winabbawa napaasungen paddissa masal᷊ihangnga.

YESAYA 25:5 Referans Kwoze

YEHEZKIEL 38:9

I tou wuṛṛu tantarane see manambo walahanna apan uatantalongnga si tou rumanta mamangalo ere tandi'a wuṛṛu nanaappa wanua udde ere winabbawa.”

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YESAYA 18:4

Mawu nabbisara si ya'u, “Wuassu atatanaang-Ku al᷊iurosone, i Ya'u sarun mangintanno inawa ringannu matammudda wuṛṛu matilangnga, ere atatammuddu wal᷊angngukka apan naola'a sutempo ṛabbi apan masal᷊ihangnga sutempon pangangitingnga, wuṛṛu ere asemakku matannallo sutempo allo.

YESAYA 14:19

arawe i'o tawe lal᷊abbinganne; winal᷊unannu niramme ere solla apan nitol᷊a'a, niomboannu manga winal᷊unannu pejuangnga apan nate sulal᷊ummu pangalo, wuṛṛu niramme suaddio'i ṛuanganni mangitou watukku liangnga watu, naal᷊ihidda winal᷊unanna apan lakkindanna.

YESAYA 13:11

Mawu nabbisara, “i Ya'u sarun makkuumannu runia ana waugu al᷊al᷊eone, wuṛṛu manga taumata lal᷊eo ana waugu rosa mangitou. Suapan taumata matanggakka naungnge sarun Ta'u iapawawo, taumata mawunga wuṛṛu maṛṛagissa sarun Ta'u iṛṛuumanna.

DARALO 105:39

Ruata namataddu winabbawa ipanirungnga al᷊aṛṛanang-Nge, wuṛṛu putungnga ipanemakka sutempo ṛabbi.

YESAYA 25:6

Su Wuiddu Sion, Mawu Apan Lembontaṛṛino sarun manaddia sal᷊iwangnga su anambon walahanna su runia. I Tou nangimben kanna apan atemanganne wuṛṛu anggore apan buatte nipile.