YESAYA 25:2 - WUKE SUSI WATTI'U AL᷊AL᷊USASSA

² Soa udde buatte niṛṛimunsang-Ngu; soa apan pia tanda batune nabbal᷊i winalal᷊anna. Wal᷊en araratuanna apan niola'u taumata raho nahohakke, wuṛṛu tate olaanna apia saran mal᷊annu-l᷊annu.

YESAYA 25:2 Referans Kwoze

YESAYA 17:1

Mawu nabbisara, “Damsyik tate lai maola'a soa, arawe tumba'u aombuannu manga tuiddu wal᷊en nangkaṛṛa'a.

YESAYA 13:22

Tatawannu asung kahuranganna wuṛṛu serigala pia sanseongnge wuassu manga puri wuṛṛu manga wal᷊en araratuannu Babel. Tempo ananawone maraniten a'omanna wuṛṛu allone tate iasoṛṛotta lai.”

YESAYA 25:12

Manga tanda batu su Moab ringannu manga darandungnge apan matanggakka sarun iṛṛa'a-Ne wuṛṛu iramme-Ne su leta'a ma'oman sara mapussa'a ere awu.

SONDAPPA 18:19

Ne i mangitou nangalassen awu su pua mangitou maola'a tatiala lullal᷊o, see nilumuai wuṛṛu u'ui, “Uare, wal᷊ine hampa silakane soa apan wahewalla indi! Pa'a'alane suete naaola'a anambon taumata apan uatahuanna apalla su tahal᷊oangnga nabbal᷊i ala! Arawe tumba'u sulal᷊ummu sangkaorassa, i tou inawul᷊ianten al᷊awo'u sarannapa!”

YEREMIA 51:26

Tawe saran sambau watu lai wuassu winal᷊alannu apan ipaatta apia ipa'ola'a wal᷊en. I'o sarun maola'a ere wadda'u anne sarangkal᷊o'enge. I Ya'u, Mawu, buatte nabbisara.”

YESAYA 23:13

Wal᷊ine walahannu Asyur, ewe'e walahannu Babel apan namalan soa Tirus apan paparentannu winatangnga mal᷊aṛṛaga. Ete i mangitou lai apan napararisikku manga menara pamangaloanna, naṛṛa'an manga tanda'a watune wuṛṛu na'ola'a soa udde ete winalal᷊anna.)

YESAYA 21:9

Pa'ellege, uddete i mangitou! Tantara uasa'e awal᷊o nirumanta pattaṛṛa darua. Wua'udde mandariaga udde nabbatti'a, “Babel nanawote! Manga paal᷊uanna sassubbanni mangitou naṛṛimunsa'a uatal᷊eṛṛongnga su leta'a.”

YESAYA 14:23

Babel sarun Ta'u olaanna wiso apan atatanaannu manu'a mammeo. Babel sarun Ta'u waresianna. I Ya'u, Mawu Apan Lembontaṛṛino, buatte nabbisara.”

TAHIUL᷊E 13:16

Anambon darotongngu tumana'u soa udde ṛinone ihemonna wuṛṛu iombo su leta'a mal᷊alangnga, ana see soa wuṛṛu darotongnge ṛinone tutunganna maola'a sasamba su Mawu Ruatanu. Wua'udde sarangkanambone udde ṛinone itantangnga maola'a tuidda wuṛṛu imbaṛṛangnga olaanna apia.

YESAYA 17:3

Israel sarun awul᷊iannu pattillummanna wuṛṛu Damsyik awul᷊iannu awawebbasi mangitou. Taumatan Siria apan lambene sarun mabbisakka sulal᷊ummu asasusa ere taumatan Israel, i Ya'u, Mawu Apan Lembontaṛṛino nabbisara.”

AYUB 12:14

Sarangkanambone apan nihohakku Mawu tate iawangunna apia isai apan niatawan-Ne tate mapallossa apia.

YESAYA 23:11

Mawu buatte namataddu lima-Ne su wowon tahal᷊oangnga wuṛṛu namilingngu manga araratuanna. I tou namarenta tadea'u manga tanda batun Funisia iapahohakka.

YESAYA 26:5

Mawu napaawawon taumata matanggakka; i Tou nakkimunsa'a soa mangitou apan pia tanda batune, wuṛṛu niratakka sara leta'a.

YESAYA 27:10

Soa pia tanda'a watune udde nabbal᷊ite lallangoanna wuṛṛu nitantangnga ere wadda'a mal᷊alangnga apan tawe loṛṛone. Ammul᷊annu winatangnga papadul᷊iananna u'anna wuṛṛu mangngillol᷊o isudde lapiddu mangnginsue manga rongnga wuassu manga rannan kalu.

YESAYA 32:14

Ewe'e lai wal᷊en araratuanna sarun itantangnga wuṛṛu inangngu soa apan rame mabbal᷊i mal᷊annaba. Wuidda wuṛṛu manga menara panddariaganna buatte niratakka ringannu leta'a saran mal᷊annu-l᷊annu. Manga keledai matengnga wuṛṛu domba sarun mannal᷊angnga wuṛṛu umanna nannal᷊o isudde.

YESAYA 32:19

Lal᷊umanna eteapa si yamiu sarangkanambone ana waugu ua'en sinuanannu nasuungnga, wuṛṛu winatangnga papadul᷊ianannu wotongnge umanna su al᷊awo'u tampa ringannu amanna. Arawe seennu mahurangnge apan niaṛṛinoannu uranna watu wuṛṛu soa mangitou sarun ihohakka.

YESAYA 34:13

Manga wal᷊en pasasubbanna wuṛṛu manga soane pia tatandangnge sarun tuwoannu aputta ṛoaanna, wuṛṛu wawanuanten asun ahuranganna wuṛṛu manu'a unta.

YESAYA 37:26

Apa i'o taambe naaringikka manungku sarangkanambone udde buatte Ta'u niṛṛiinna ro'en dorone? Ne orassa indi Ya'u mappaamatta. Ete i Ya'u apan nangonggolla si'o taṛṛino ipakkimunsa'a manga soa pia tanda batune naola'a manga tuidda.

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YESAYA 13:20

Tate saran sangkatou apan matana'a poiaroddi. Tate taumatan Arab mamamal᷊intadda apan sarun mantaingngu rasanne su tampa udde, wuṛṛu tate mallal᷊u'adda winatangnga apan mangapiddu ambingnga dombane iapaanna nannal᷊o isudde.

YESAYA 13:21

Tampa udde sarun atanaannu manga winatangnga mal᷊aṛṛaga. Mammeo sarun massal᷊akka su manga wal᷊e mangitou, wuṛṛu manu'a unta sarun matana'a poiaroddi. Manga ambingnga matengnga sarun sumolo'a suwallattu manga wal᷊en apan nangkaṛṛa'a.

YESAYA 24:10

Ahewallu soa uasongkakka, anambon ngaran bal᷊e ua'unsi ana waugu tatahuanne matta'utta.