YESAYA 25:11 - WUKE SUSI WATTI'U AL᷊AL᷊USASSA

¹¹ Tumanangnge sarun mangul᷊ukku limane ere taumata umalanga. Arawe Mawu sarun mapaawawon atatanggakki mangitou ma'oman sara i mangitou mallome.

YESAYA 25:11 Referans Kwoze

YESAYA 16:14

Wuṛṛu orassa indi Mawu nabbisara, “Tallu tonna pase lai, anambon pa'a'ala apan ilalluassu Moab sarun mawul᷊i. Tumanangnge apan manambo sarun maola'a addio'a wuṛṛu lome.”

YESAYA 16:6

Walahannu Yehuda, “I yami naaringikke ola'u awawungan walahannu Moab. I yami masingkatta manungku i mangitou mawunga wuṛṛu matanggakka. Wisaran mangitou tumba'u tingikka apan tawe loṛṛone.”

YESAYA 14:26

Eteindi ṛiing-Ku su runia; pulal᷊ang-Ku naṛṛatadde ipakkuumannu manga walahanna.”

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

YAKOBUS 4:6

Salaiwe aroddi, al᷊amattu Ruata apan nionggolla si ite mattohasanna wuassu apulun ghaṛṛahon kite udde. Ana waugu udde sulal᷊ummu Wuke Susi niwoṛṛeta lai, “Ruata mandooppa taumata mawunga, arawe inul᷊eanne i Tou mandangngu taumata apan naungnge mawawo.”

KOLOSE 2:15

Su alu arussa udde Kristus na'ola'a al᷊awo'u ghaṛṛaho apan uaparenta wuṛṛu uataṛṛino naola'a tawe atatohanne. I mangitou naola'a wawialannu awadaalla su tempo Kristus nangapiddi mangitou ere taumatan ṛuumanna sulal᷊ummu amamattu awawantu-Ge.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

YEREMIA 51:44

Bel, mongannu wanua Babel, sarun Ta'u iṛṛuumanna. I tou sarun Ta'u olaanna mapawelengngu apa apan buatte niaṛṛone. Manga walahanna tate massubba si tou apia. Manga darandungngu Babel naṛṛaate.

YEREMIA 48:42

Moab sarun maṛṛimunsa'a wuṛṛu tate lai maola'a sambau walahanna, ana waugu i mangitou mammungan batanganne su saruang-Ku.

YESAYA 65:2

I Ya'u sidutu uasaddia manal᷊oho uma-U, arawe i mangitou apulune lumawangnga. Walahanna udde ma'ola'a al᷊al᷊eo wuṛṛu tuttuṛṛuta hol᷊agge sassane.

YESAYA 53:12

Ringannu naungnga mal᷊uassa i tou nanantillu wiakke wuṛṛu nasutta su reengannu taumata lal᷊eo. I tou namasanna rosa taumata nambo wuṛṛu niumal᷊iomana tadea'u i mangitou ampunganna. Ne i tou Ta'u nionggol᷊annu taumata manambo maola'a hadiane, wuṛṛu i tou naasomba wageangnge suadio'a ringannu manga taumata apan matul᷊idda.”

YESAYA 25:5

naal᷊ihidda anginna mal᷊oso su leta'a apan maṛṛasa. Arawe I'o na'ola'a seetti yami tawe maawisara, I'o napaillol᷊on aintul᷊in taumata maṛṛagissa, naal᷊ihidda sasirungannu winabbawa napaasungen paddissa masal᷊ihangnga.

YESAYA 13:11

Mawu nabbisara, “i Ya'u sarun makkuumannu runia ana waugu al᷊al᷊eone, wuṛṛu manga taumata lal᷊eo ana waugu rosa mangitou. Suapan taumata matanggakka naungnge sarun Ta'u iapawawo, taumata mawunga wuṛṛu maṛṛagissa sarun Ta'u iṛṛuumanna.

YESAYA 10:33

Mawu Apan Lembontaṛṛino sarun mapaaṛṛaa mangitou naal᷊ihidda rannu nitonto wuassu alune. Apan aṛṛamahanne wuṛṛu atanggaṛṛanne suwallatti mangitou sarun pototanna wuṛṛu iṛṛa'a.

DARALO 2:5

Ana see Mawu namakkamma si mangitou ringannu maṛṛagissa wuṛṛu nipaṛṛoroannu asasa'u-Ne.

YEREMIA 48:29

I yamiu matanggakka atonna! I Ya'u buatte naaringikka aroddi awungane, atanggakke naungnge, mapontol᷊osanna, wuṛṛu tawe atoranne i yamiu!

AYUB 40:11

Pa'ellege si mangitou apan matanggakka naungnge; sopa'e asasa'unu wuṛṛu bawoa'e i mangitou.

YESAYA 2:10

I mangitou sarun sumutta sulal᷊ummu manga loṛṛangnga su manga wuidda watu, ara'e ma'al᷊i loṛṛangnga sulal᷊ummu leta'a tadea'u mal᷊iu wuassu asasa'un Mawu wuṛṛu wuassu taṛṛino-Ne apan mawantuga.

YESAYA 2:15

Manga candi apan matanggakka wuṛṛu darandungnga tanda'a watu sarun iapaaṛṛa'a.

YEREMIA 48:47

Arawe su allo sal᷊immurine i Ya'u sarun manul᷊e ola'u wanua Moab. I Ya'u, Mawu, buatte nabbisara!” Eteudde apan olaannu Mawu su Moab.