YESAYA 25:1 - WUKE SUSI WATTI'U AL᷊AL᷊USASSA

¹ Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.

YESAYA 25:1 Referans Kwoze

SASABANGNGA 15:2

Mawu mananahe'u apan matohassa; ete i Tou nanal᷊amatta si ya'u. I Tou Ruata'u, i ya'u maapulu maddalo si Tou, Ruata sassubbannu iupungngu al᷊amona'u, wabbantuhangku i Tou.

DARALO 118:28

I'o Ruata'u, i ya'u maadiangkamanna Si'o, Ruata'u, i ya'u mamantuga Si'o.

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

DARALO 98:1

Daralo. Pangantariten aantari wakku su Mawu, ana waugu manga inolaan-Ne apan maatiangnga! Ringannu taṛṛino wuṛṛu atatohan-Ne sassane, i Tou naauntungke.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YESAYA 28:29

Apapande udde darantane wuassu Mawu Apan Lembontaṛṛino. Anambon ṛiinnu Mawu masiṛṛongnga wuṛṛu sidutu mahessi.

DARALO 40:5

Lal᷊umanna'a su taumata apan mangngimanna Mawu, apan tawe tinumantalonga massubba manga monganna, ara'e maiontolla su taumata mawunga.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.

YESAYA 46:10

Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

SONDAPPA 7:12

I mangitou u'ui, “Amin! Dalo su Ruatang kite apan mawantuga wuṛṛu pande. I Tou ṛinone onggol᷊annu al᷊awo'u aadiangkamanna wuṛṛu addata. I Tou uataṛṛino wuṛṛu matohassa saran mal᷊annu-l᷊annu! Amin.”

YESAYA 26:13

I yami buatte niparentannu manga mawu waine, arawe tumba'u I'o apan a'uanni yami, oh Mawu Ruatan kami!

DARALO 146:2

I ya'u maapulu maddalo Mawu su al᷊o'engngu pabbiaṛṛangku wuṛṛu mangantari su Ruata'u tantal᷊anna i ya'u ta'e wiakka.

DARALO 99:5

Wantuhete Mawu Ruatan kite, passubbate su saruannu araratuan-Ne. Na'ukkasse i Tou!

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

DARALO 78:4

I yami maddiri mangaddapingu watti'a udde su manga ana'i yami; i yami mappulu mamasingkatta su pallal᷊awanna manansunna su ola'u taṛṛinon Mawu wuṛṛu manga manara-Ne apan wahewalla, see lai manga inolaan-Ne apan maatiangnga.

DARALO 145:1

Daralon Daud. I ya'u mamantuga Si'o, oh Ruata'u wuṛṛu Ratu'u, wuṛṛu maddalo Si'o sangkal᷊o'engnge.

DARALO 111:4

Mawu udde marangngu wuṛṛu maakkanna, i Tou ma'ola'a manga inolaanna apan maatiangnga, tadea'u i ite sidutu uanaung-Nga.

DARALO 89:1

Aantari tatatinron Etan, taumatan Ezrahi.

YESAYA 7:13

Ana see i Nabi Yesaya nabbisara, “Amungkangngu aroddi, paddaringikke ei papapulunni Ratu Daud! Tawe natimu i yamiu mannal᷊u'atta asasabbaren taumata, ma'oman sara i yamiu mannal᷊u'atta lai asasabbaren Duata'u?

YESAYA 11:5

I tou mammanara ringannu matul᷊idda wuṛṛu satia sulal᷊ummu al᷊awo'a.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YESAYA 26:8

I yami uatantalongnga laṛṛawen-Nu, oh Mawu, wuṛṛu sidutu ual᷊aṛṛaddo Si'o; ete I'o raddaloanna wuṛṛu ilaṛṛintulu naungngi yami.

YESAYA 40:27

Nariaddi Israel, anio i'o sussal᷊iomanna, ere ola'u Mawu Ruatanu wagga i'o massusa? Ere ola'u i Tou tawe pandumme su pal᷊addu pabbiaṛṛannu wuṛṛu tawe ma'ellega hakkanu?

YESAYA 49:4

Arawe i ya'u nabbisara, “Asasaha'u tawe gunane; ikka'u niinsue ringannu tawe gunane!” Arawe i ya'u mangimanna Mawu mannamba'a si ya'u, Ruata mabbal᷊issa si ya'u tumuṛṛuttu inolaangku.

YESAYA 49:5

Ro'en taambe nasungkanga, i ya'u niwaggoante Mawu maola'a allang-Nge, tadea'u ipangammullu umattu Israel, ana see i mangitou mabbelengnga apia ringanni Tou. Mawu na'ola'a si ya'u aaddatanna, Ruata uddewe atatoha'u.

YOEL 2:26

I yamiu sarun masuungnga anna wuṛṛu maapendamma mal᷊aidda. Mawu Ruatanu sarun bantuhanni yamiu, ana si yamiu niolang-Nge manambo al᷊aṛṛindu'a. Uma-U tate lai maola'a hatto aal᷊uandaga!

DARALO 31:15

Arawe i ya'u uaantimma Si'o, oh Mawu, ana waugu ete I'o Ruata'u.

DARALO 40:6

Mawu, anambone eteapa inolaan-Nu si yami, oh Mawu Ruata'u, I'o taweddu panumandinganne! Tumaniten manambo ṛiin-Nu apan maatiangnga si yami, tawe iawatti'a abbi.

DARALO 75:2

I yami massubba Si'o, oh Ruata, i yami maadiangkamanna Si'o wuṛṛu mamasingkattu manara-Nu apan maatiangnga.

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.