YESAYA 24:8 - WUKE SUSI WATTI'U AL᷊AL᷊USASSA

⁸ Tate lai aringiṛṛanna tengkellu kecapi apan maal᷊uassa wuṛṛu tingikku rebana apan ma'al᷊ala'a. Paddaramean taumata apan lulluassa naddote.

YESAYA 24:8 Referans Kwoze

HOSEA 2:11

Al᷊awo'u andeangnge sarun Ta'u iapaaddo, mawae andeangngu tonna aroddi lai andeangngu wul᷊anna wuṛṛu manga allon Sabat; aune, al᷊awo'u andeangngu pangangagamane.

SONDAPPA 18:22

Tingikku musikka wuassu mananalangnga kecapi, wuassu manga taṛṛa antari, wuassu manalangnga wansi wuṛṛu wuassu mananiuppa trompeta, tate lai iaringikka wuassu lal᷊ummu soam Babel! Tate lai asombanganna sangkatou mammamanara apandeanne isudde, wuṛṛu tingikku watung gahilinganna lai tate aringiṛṛana.

YEHEZKIEL 26:13

I Ya'u sarun mapaaddo al᷊awo'u antarinu wuṛṛu musikku kecapinu.

YEREMIA 7:34

Wanua indi sarun maola'a wadda'a lol᷊okka. Tingikku al᷊aluassa wuṛṛu tingikku andeangngu awingnga sarun Ta'u iaddo su manga soan Yehuda wuṛṛu su manga lal᷊annu Yerusalem.

YEREMIA 25:10

Manga tingikki mangitou apan lullala'a wuṛṛu ramean andeangngu awingnga sarun Ta'u iapaaddo. I mangitou sarun tawe maatahuanna lana ipande'omma sol᷊o, wuṛṛu gandummi mangitou sarun masue.

YEREMIA 16:9

Paddaringikke si Ya'u, Mawu Apan Lembontaṛṛino, Ruatan Israel, indete mabbisara si'o. Tingikku al᷊al᷊uassa wuṛṛu lal᷊ala'a su andeangngu awingnga Ta'u iapaal᷊annabba abbi. Olangnge udde sarun aellehannu manga taumata wiakka sutempo udde.

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

AYUB 30:31

Dorone i ya'u naaringikka musikku al᷊al᷊uassa, orassa indi tumba'u lal᷊allu lal᷊uai sassane.

DARALO 137:2

Su manga punnu alu gandarusa su wanua udde i yami nangelen manga kecapin kami.

YESAYA 5:14

Loṛṛangngu papate nawu'ate mal᷊oa-l᷊oangnga ipangalluppa manga taumata piaṛṛangnge su Yerusalem ringannu tumana'u soa apan maddea su andeangnga udde.

YESAYA 16:10

Tawe saran sangkatou lulluassu manga wailla apan masuwukka udde. Taweddu umuin lal᷊uassa ara'e mangngantari su waillu anggore. Taweddu mamakkan anggore ipa'ola'a ua'en anggore. I ya'u buatte napaaddon paggahahion lal᷊uassi mangitou.

LAL᷊ALLU 5:14

Matatimmadde tate lai mammulla su ngaran soa musikka tate lai aringiṛṛanna suwallattu taumata saṛṛen tumuwo.

YEHEZKIEL 28:13

Tampa atatanaannu su Eden, wawail᷊annu Ruata. Laungngu lal᷊ogaṛṛannu al᷊awo'u permata: watun delima wuṛṛu intan, topas, watu pirus, watu yakut, ratna, cempaka, watu nilam, zamrud wuṛṛu watu alkali maṛṛamu. Lal᷊ogakka wul᷊awannu lai manambo. Manga saranapa udde niola'a hausannu su allo i'o niriaddi.

AYUB 3:7

Wala'e ṛabbi mapenen ararandumma tawe sasaṛṛionto'a, tawe al᷊al᷊uassa.

AMOS 6:7

Ana waugu udde ete i yamiu apan paarorone sarun ṛuwoanna watukku pamamuanganna. Manga andeangnga wuṛṛu manga sal᷊iwangngu sarun masue.